ESAIA 30:22 - Jinghpaw Common Language Bible 2009

²² Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

Jinghpaw Hanson Version Bible

²² bai nanhte gaw, gumhpraw hte sup ai tawk la ai sumla ni hpe mung, ja sup ai jaw la ai sumla ni hpe mung, awu asin di kau nna, matsat shabat re ai rai zawn kabai kau let, Pru wa mu,” nga nna tsun na myit dai.

ESAIA 30:22 ပူးပေါင်းရင်းမြစ်များ

2 HKAWHKAM LABAU 31:1

Poi galaw ngut ai hpang, Israela amyu masha ni yawng gaw Yuda mung na mare shagu de pru sa nhtawm nlung shadaw ni hpe agrawp daw kau ma ai. Shanhte gaw Ashera karai num a sumla ni kran daw kau let tawn hkungri ni hte tara maigan masha ni a nawku shara ni mahkra hpe jahten sharun kau ma ai. Shanhte gaw naw ngam nga ai Yuda mung ting hte Benyamin, Ehprim hte Manashe ni a lamu ga ni hpe dai hte maren galaw ma ai. Dai hpang shanhte yawng tinang nang a nta ni de nhtang mat wa shajang ma ai.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

ESAIA 31:7

Ja gumhpraw hte nanhte galaw ai yubak kap ai hpara sumla ni hpe nanhte yawng kabai kau na ra ai aten du wa nga ai.

ESAIA 40:19

Shi gaw masha e tawk galaw nna, janghkam wa aja hte sup nhtawm gumhpraw hte mawn sumli da ai hpara sumla langai hte bung ai n rai.

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

SHARUNG SHAYAWT 1:17

“Ngai gaw nye a lata ladawn nngai, rai ti mung kadai mung ngai hpe karum la na ra ai n rai. Dai Madu gaw ngai hpe man grup grup kaw nna gumlang na matu, gumlau hpyen ni hpe shaga da nu ai; Shanhte gaw ngai hpe matsat shabat re ai lama mi zawn di mi ai.

EZEKELA 14:6

“Dai re ai majaw, Tsaw Htum ai dai Madu ngai nan shanhte hte seng nna tsun ai ga, Israela amyu masha ni hpe htawn tsun u: Kayin wa marit, nanhte a matsat shabat re ai hpara sumla ni hpe kau da mu.

EZEKELA 18:6

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan n sha rai nga ai. Shi gaw kaga masha jan hpe n shut ai hte hking sa ai aten hta dai numsha hte n kanawn nga ai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

EZEKELA 7:19

Dai Madu gaw shi a masin kahtet ai hpe ru bun dat ai shaloi, aja rai ti mung, gumhpraw rai ti mung, shanhte hpe n hkye la lu ai majaw, shanhte gaw aja gumhpraw ni hpe maza mala arai zawn nmaw lam hkan e kabai tawn na mara ai. Shanhte a ra sharawng ai hpe shadik ya na matu dai ni hpe lang lu ai n rai; dai hta n-ga, kan hpe jahpring ya lu ai n rai. Aja gumhpraw gaw shanhte hpe yubak lam de woi sa wa manu ai.

EZEKELA 7:20

Shanhte gaw shanhte a tsawm htap ai ja lung seng arai ni hta lang mi gumrawng lai wa yu manu ti mung, dai ni hpe matsat shabat re ai hpara sumla ni galaw ai hta lang ma ai. Dai re ai majaw, dai Madu gaw shanhte a ngamu ngamai ai sut gan hpe shanhte a matu matsat shabat re ai arai zawn shatai kau ya mu ai.

HOSEA 14:8

Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

JAW JAU 13:52

Hkinjawng wa gaw dai hpe nat kau na rai wu ai; dai gaw nshu lamu ni hte hpra jawng nga ai majaw wan nat kau lu na rai nga ai.

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

TARA JAHPRANG 7:25

Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.