ESAIA 30:19 - Jinghpaw Common Language Bible 2009

¹⁹ Yerusalem hta shanu nga ai amyu masha ni, nanhte gaw galoi mung hkrap sana n rai. Dai Madu gaw matsan chye dum ai wa rai nga ai, nanhte shi kaw karum la na matu jahtau ai shaloi, shi nanhte hpe htan ya na ra ai.

Jinghpaw Hanson Version Bible

¹⁹ Yerusalem mare na Ziun bum ntsa e shanu nga ai amyu e, nang gaw htawm hpang de hkrap sa na, n rai; nang jahtau ai nsen majaw, shi teng teng gaja wa nang hpe matsan dum na ra ai; dai nsen hpe na jang, shi htan na ra ai.

ESAIA 30:19 ပူးပေါင်းရင်းမြစ်များ

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

ESAIA 10:24

Chyahtum Chyalai N-gun rawng ai Tsaw Htum ai dai Madu gaw Ziun Bum hta shanu nga ai shi a amyu masha ni hpe, “Egutu masha ni galaw ga ma ai zawn Asuri masha ni nanhte hpe dip gamyet tim, shanhte hpe hkum hkrit nga myit.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 33:2

Madu e, anhte hpe matsan dum la mi. Anhte nang hpe myit mada ga ai. Anhte hpe lani hte lani makawp maga ya mi, ru yak tsin-yam tsindam hkrum ai aten ni hta anhte hpe hkye la mi.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 41:17

“Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 58:9

Nang akyu hpyi ai shaloi, ngai nang hpe htan ya na nngai. Nang ngai hpe shaga ai shaloi, ngai htang shana na nngai. “Dip gamyet sha hkrum ai lam, n kaw n law re ai lai kumla shagu, hte n hkru ai n-gup aga shagu hpe nang jahtum kau nna,

ESAIA 60:20

Na a yawn hkyen ai nhtoi ni gaw htum mat na ra ai. Dai Madu ngai nan na a htani htana nhtoi tai nga na nngai, Dai gaw ajan hte shata yan hta grau nna agrin nga na ra ai.

ESAIA 65:18

Ngai hpan da ai lam hta htani htana kabu gara awng sharawng nga mu. Ngai hpan ai Yerusalem ningnan gaw kabu gara ai hte hpring nga na ra ai, dai hta shanu nga ai amyu masha ni mung kabu gara lu na mara ai.

ESAIA 65:19

Yerusalem hte dai hta nga ai amyu masha ni a majaw, ngai hkum nan kabu gara ai hte hpring nga na nngai. Dai mare hta hkrap ngu hkrap ngoi nga na n rai, karum la na matu saw shaga ai nsen na lu na n rai.

ESAIA 65:24

Shanhte ngai kaw akyu hpyi ai ga garai n htum yang pyi, ngai gaw shanhte a akyu hpyi ga ni hpe htan ya na nngai.

ESAIA 65:9

Ngai gaw Yuda amyu bawsang hte seng ai Israela masha ni hpe shaman ya na nngai, shanhte a aru arat ni gaw nye a bum ni hpe madu na mara ai. Ngai hpe daw jau ai lata la hkrum ai nye a amyu masha ni gaw dai yang e shanu nga lu na mara ai.

YEREMIA 30:12

Dai Madu gaw shi a amyu masha ni hpe, “Nanhte a ningma ni gaw tsi la n lu nga ai, nanhte machyi hkrum ai nma ni shamai shatsai la lu nga ai n rai.

YEREMIA 31:12

Shanhte gaw Ziun bum ntsa de du wa nna, kabu gara mahkawn mangoi na mara ai, shanhte gaw nye a kumhpa ngu ai nai mam nsi naisi, sabyi ntsin hte tsanlun sau, sagu kasha hte dumsu kasha ni hpe ra sharawng na mara ai. Shanhte gaw hka atsawm sha jaw ai sun zawn tai nna; shanhte hta ra kadawn nga ai lam shagu hkam la lu na mara ai.

YEREMIA 31:16

Na a hkrap ai hpe shangap kau u na a myi prwi hpe katsut kau u. Na a nshu nsha ni a matu nang galaw sai lam yawng mayawng hte maren shabrai n hkam la na ma ai n rai; shanhte gaw gumlau hpyen ni a mung kaw nna nhtang wa na mara ai.

YEREMIA 31:6

Rai sa, Ehprim bum ntsa hkan e sin nga ai masha ni gaw, ‘Ziun bum e nga ai dai Madu anhte a Karai Kasang hpang de anhte rawt lung wa saga, nga nna marawn tsun ai aten du wa na ra ai,’” nga ai.

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

YEREMIA 50:28

(Babelon mung kaw na hprawng lawt wa ai tsin-yam hkrum sha ai masha ni gaw Yerusalem de du wa nna, dai Madu anhte a Karai Kasang gaw shi a Nawku Htingnu hpe Babelon masha ni shaza kau mu ai majaw, kaning rai matai dawp nga ai lam, shanhte tsun ma ai.)

YEREMIA 51:10

Dai Madu gaw, “Nye a amyu masha ni e, ‘Anhte ding hpring nga ga ai gaw dai Madu madun dan nu ai. Dai Madu anhte a Karai Kasang hpa galaw nu ai lam Yerusalem hta nga ai amyu masha ni hpe sa tsun dan saga,’” ngu nna jahtau ma ai.

EZEKELA 20:40

Israela amyu masha ni yawng gaw dai mungdan hta nga ai nye a chyoi pra ai bum ngu ai Israela a bum hta ngai hpe nawku daw jau na mara ai; ngai mung nanhte hta awng sharawng wa nna nye a matu ngu nna nawng jau na matu la sa wa ai nanhte a shagu hkungga ni, nanhte a kaja htum ai wan nat hkungga ni hte chyoi pra ai kumhpa ni hpe ngai myit mada nga na nngai.

EZEKELA 36:37

Tsaw Htum ai dai Madu gaw, “Ngai gaw karum la na matu ngai hpe hpyi ai Israela amyu masha ni a nsen hpe kalang mi bai madat ya na nngai. Dai hpang, ngai gaw shanhte hpe sagu hpung zawn shalaw jahtam shangun na nngai.

MIHKA 4:9

Nang hpa majaw ja ja jahtau shabam nga n ta? Shinggyim machyi ai num zawn nang hpa majaw nni nkri hkrum sha nga n ni? Nang hta hkawhkam n nga ai majaw kun? Nang hpe hpaji jaw ai ni si mat ai majaw kun?

LUKA 6:21

Ya kawsi nga ai ni, nanhte a lu myit dai: kaning rai nme law nanhte hkru kat lu na myit dai. Ya hkrap nga ai ni, nanhte a lu myit dai: kaning rai nme law nanhte mani lu na marin dai.

ROMA 11:26

Shing rai Israela masha ni yawng hte gaw hkye hkrang la ai hkrum na mara ai. Dai hte maren Chyum Laika hta, “Ziun kaw na hkye hkrang la ai wa paw pru na ra ai rai nna Yaku a aru arat ni kaw na n hkru n shawp ai lam mahkra hte hpe yeng seng kau na ra ai.

EHPESU 3:20

Anhte a myit masin hta shi a n- gun atsam hte amu galaw nga ai, anhte hpyi chye ai shing n rai myit yaw shada ai hta pyi grau lai hkra galaw shabyin jaw ya lu ai. Karai Kasang gaw dai hpung a marang e mung,

SHINGRAN 5:4

Dai laika shabawn hpaw nna de a kata de ka da ai lam ni hpe hti yu na ging dan ai masha kadai hpe mung n mu tam ai majaw, ngai ja ja hkrap nngai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.