ESAIA 30:18 - Jinghpaw Common Language Bible 2009

¹⁸ Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

Jinghpaw Hanson Version Bible

¹⁸ Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

ESAIA 30:18 ပူးပေါင်းရင်းမြစ်များ

YOBA 35:14

Yoba e, nang gaw Karai Kasang hpe n mu lu nngai nga nna tsun ti mung, hkam sharang ai hte ala nga ndai-na a amu gaw shi a man e rai nga ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

SHAKAWN KUNGDAWN 27:14

Madu hpe kam hpa nga u. Kam sham nga u, myit hkum htum et; Madu hpe kam hpa nga u.

SHAKAWN KUNGDAWN 34:8

Dai Madu kade wa mai kaja nga ai gaw nang hkum nan chyim yu nna chye u; shi hta shingbyi shara mu ai wa gaw a nga ai.

SHAKAWN KUNGDAWN 84:12

Chyahtum Chyalai n-gun rawng ai Madu e, nang hpe kam hpa nga ai ni gaw kade wa a lu nga ma hka!

SHAKAWN KUNGDAWN 99:4

Chyahtum Chyalai n-gun rawng ai Hkawhkam wa e, nang gaw teng man ai lam hpe tsaw ra nga ndai; Israela mungdan hta, teng man ai tara hpe nang tawn da ya nit dai, ding man ai lam hte rap ra ai tara ni hpe mung nang jashawn da ya nit dai.

PRU MAT 34:6

Dai Madu mung shi a man hku lai wa let, “Ngai Madu nan gaw matsan dum ai n-gaw n wai ai myit hpring hkra rawng ai, myit galu kaba nna tsaw ra myit hte sadi sahka ai hpe madun dan ai Karai Kasang rai nga nngai.

GA SHAGAWP 16:20

Nang sharin la lu sai lam ni hta myit maju jung nga u; shaloi nang awng dang wa na ra ai, dai Madu hta kam hpa nga u; shaloi, nang a lu na rin dai.

ESAIA 18:4

Dai Madu gaw ngai hpe, “Mangai aten lum ai shana ni hta atsin sha hkrat ai numri zawn, kahtet kang ai shani hta asim sha jan katen ai zawn sumsing lamu kaw nna ngai gum yu na nngai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 28:17

Teng man rap ra ai gaw npawt nhpang a matu shadawn sumri tai na ra ai, ding man ai gaw de a joi si sumri rai na ra ai,” ngu nna tsun ai. Sin marang gaw nang manoi nga ai masu magaw ga mahkra hte hpe ye magawn mat wa nhtawm, mawru hka hpungla gaw nanhte a shim lum ai nga shara hpe agre jahten kau ya na ra ai.

ESAIA 33:2

Madu e, anhte hpe matsan dum la mi. Anhte nang hpe myit mada ga ai. Anhte hpe lani hte lani makawp maga ya mi, ru yak tsin-yam tsindam hkrum ai aten ni hta anhte hpe hkye la mi.

ESAIA 33:5

Dai Madu gaw kade sha galu kaba nga a hka! Shi gaw arai yawng mayawng hpe up nga ai. Shi gaw Yerusalem hpe teng man rap ra ai tara hte ding hpring ai lam hte jahpring da na ra ai,

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

ESAIA 42:14

Karai Kasang gaw, “Ngai gaw aten na na wa, atsin sha nga nga nngai; nye a amyu masha ni a ga hpe n htan ya nngai. Rai ti mung, ya chyawm gaw amu galaw na aten du nga sai; Ngai gaw shinggyim machyi ai numsha zawn jahtau nngai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 48:9

“Amyu masha ni gaw nye a mying hpe shakawn kungdawn lu na matu, nye a masin kahtet ai myit hpe ngai dip da nngai; Ngai gaw nang hpe n jahten kau u ga, hkam sharang nga nngai.

ESAIA 5:16

Rai ti mung Chyahtum Chyalai N-gun rawng ai dai Madu gaw teng man ai amu galaw let shi a galu kaba ai lam hpe madun dan nga ai, shi gaw shi a amyu masha ni hpe tara jeyang ai hku nna shi a chyoi pra ai lam hpe hpaw dan nga ai.

ESAIA 55:8

Dai Madu gaw, “Nye a myit mang ai lam ni gaw nanhte zawn n rai nga ai, nye a lam ni gaw nanhte a lam ni hte kaga ga rai nga ai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

ESAIA 61:8

Dai Madu gaw, “Ngai gaw teng man rap ra ai tara hpe tsaw ra nngai, ngai gaw dip gamyet sha ai amu hte ru hka amu hpe n dawng nngai. Ngai gaw nye a amyu masha ni hpe kangka ai hte kumhpa shagrau na nngai. Shanhte hte htani htana ga shaka tawn da na nngai.

ESAIA 64:4

Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

YEREMIA 17:7

“Rai ti mung, ngai gaw ngai hpe kam hpa nga ai wa hpe shaman ya na nngai.

YEREMIA 42:7

Nhtoi shi ya na ai hpang, dai Madu a mungga ngai kaw ning nga du ai:

Daniela 12:12

Nhtoi 1,335 lai hkra sadi sahka hte naw nga nga ai ni gaw a lu nga a hka!

HOSEA 1:7

Rai ti mung, Yuda amyu masha ni hpe chyawm gaw tsaw ra myit madun dan na nngai. Dai Madu shanhte a Karai Kasang Ngai nan shanhte hpe hkye la na nngai, rai ti mung ngai gaw majan hta nhtu, ndan, pala, gumra hte gumra jawn masha ni hpe lang na n rai.

HOSEA 2:14

Dai re ai majaw, ngai shi hpe nam mali kata de bai woi shalen shang mat wa nna dai yang e, tsaw ra ai ga tsun let shi hpe bai pyaw shangun na nngai.

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

MALAHKI 2:17

Nanhte gaw dai Madu hpe tsun shaga ai ga hte hki ba shangun myit dai. Rai ti mung nanhte chyawm gaw, “Anhte shi hpe kaning rai hki ba shangun ga ta?,” ngu nna san myit dai. Bai Chyahtum Chyalai N-gun rawng nga ai dai Madu gaw “N hkru ai amu galaw ai ni yawng mai kaja nga ma ai; ngu nna myit ma ai, teng teng shi gaw shanhte hpe ra sharawng nga ai. Shing n rai, tara malang ai hku zawn hkan ai Karai Kasang gaw kanang rai nga a ta?,” ngu nna san ai hku nna mung, shi hpe shatsang nga ai.

LUKA 15:20

Shing rai shi rawt nna, shi a kawa hpang de wa magang nga ai. “Shi nta kaw nna tsan tsan naw rai nga yang, kawa gaw shi hpe mu nna, matsan yu dum ai hte, gat sa nhtawm, kasha a du hta noi ginshum let, shi hpe pup wu ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 9:22

Karai Kasang mung dai zawn galaw nga ai, Shi gaw shi a pawt sindawng ai hpe madun nna shi a atsam hpe shadan dan mayu nga ai. Rai ti mung, shi a pawt sindawng ai a majaw hten run sum hkrum mat na ging dan ai ni hpe myit galu ai hte hkam sharang ya nga ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

EHPESU 1:8

Anhte hpe nde wa n daw n hta jaw ya ai Karai Kasang a chyeju gaw kade wa kaba la nga a hka!

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

YAKU 5:11

Shanhte gaw hkam sharang lu ai ni rai ma ai majaw anhte gaw shanhte hpe a lu ai ni ngu gaw ai. Yoba a myit galu ai lam hpe nanhte na yu manit dai. Hpang jahtum Madu gaw shi hpe gara hku karum madi shadaw jaw ya sai lam nanhte chye nga myit dai. Hpa majaw nga yang dai Madu gaw tsaw ra matsan dum nna n gaw n wai myit hte hpring tsup ai wa rai nga ai.

2 PETRU 3:15

Anhte tsaw ra ai hpu nau Pawlu mung, Karai Kasang jaw ai hpaji byeng-ya hte nanhte hpang de ka dat sai hte maren anhte a Karai Kasang hkam sharang let la ding da nga ai lam gaw nanhte Hkye Hkrang la hkrum na matu ahkaw ahkang jaw ai lam she rai nga ai hpe mu chye nga mu.

2 PETRU 3:9

Masha nkau mi myit ai zawn, Karai Kasang gaw shi a ga sadi jaw da sai lam hpe galaw shadik na matu aten la nna lanyan taw nga ai n rai; rai ti mung yawng mayawng yubak mara kaw na kayin wa nna kadai mung hten bya ai n hkrum u ga, shi ra nga ai majaw shi nanhte a ntsa e, myit galu nga ai majaw rai nga ai.

1 SAMUELA 2:3

Nanhte a ja ja shakawng ga tsun ai hpe jahkring kau mu; nanhte a gumrawng gumtawng ai ga hkum ni hpe shazim kau mu. Dai Madu gaw chye ningchyang Karai Kasang rai nga ai; shi gaw amyu masha ni galaw ai amu yawng mayawng hpe jeyang ya nga ai.