ESAIA 30:11 - Jinghpaw Common Language Bible 2009

¹¹ Anhte a lam kaw na yen mu, anhte a lai lam hkum pat myit. Anhte gaw nanhte a Israela a chyoi pra ai Karai Kasang hte seng ai lam n na mayu ga ai.

Jinghpaw Hanson Version Bible

¹¹ lam yen mu, tengman ai hpe koi mu; Israela a Chyoi pra ai Wa a lam anhte a man e ip da mu,” nga nna tsun ma ai.

ESAIA 30:11 ပူးပေါင်းရင်းမြစ်များ

2 HKAWHKAM 19:22

Nang hpe n kaw n law di nna asawng asang di kau nit dai gaw kadai rai nga ai zawn nang myit nawn la wu ni? Nang gaw chyoi pra ai Israela a Karai Kasang ngai hpe n gawn n sawn di kau nga nit dai.

YOBA 21:14

Shanhte hpe sha pru wa shangun ai, nga nna n hkru ai ni Karai Kasang hpe tsun ma ai; shanhte gaw shanhte a asak hkrun lam ni a matu shi a myit ra sharawng ai lam hpe n chye mayu nga ma ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

AMO LAIKA (AMOS) 7:13

Ndai Behtela e galoi mung myihtoi hkum htoi sa. Ndai shara gaw hkawhkam wa a nawku shara ngu ai amyu sha ting hte seng ai nawku htingnu rai nga ai,” ngu nna tsun wu ai.

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

KASA 13:8

Rai ti mung (Grik ga hku Eluma) mying ai Lakle sara wa gaw munggyi wa Hkristan makam masham hpe n kam n sham n hkap la hkra Pawlu yan Barnaba hpe ninghkap shingdang ma ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 1:30

Shanhte gaw ga shaga baw law ai ni, kaga wa a sari jahpoi ai ga, kadum kahte ai ni, Karai Kasang hpe n dawng ai ni, manang wa hpe n kaw n law rai aroi ara re ai ni, gumrawng gumtawng ai ni, shakawng shakat rai grang dakat ai ni, n hkru n kaja ai amu amyu myu hpe myit shapraw nna galaw ai ni, kanu kawa ni a ga n madat ai ni,

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.