ESAIA 30:10 - Jinghpaw Common Language Bible 2009

¹⁰ Shanhte ni gaw myihtoi ni hpe atsin sha nga na matu tsun ma ai. Shanhte gaw, “Teng man ai amu anhte hpe hkum tsun dan mi. Anhte na mayu ai hpe sha tsun mu. Anhte a n teng n man ai ga ni hpe atsun na ga ai.

Jinghpaw Hanson Version Bible

¹⁰ shanhte gaw shingran mu ai wa hpe, “Shingran hkum mu et; myihtoi ni hpe, Tengman ai hku hkum htoi myit; ga ngwi ga pyaw she tsun mu; hkalau ai lam htoi mu;

ESAIA 30:10 ပူးပေါင်းရင်းမြစ်များ

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM 22:27

Ngai shim lum ai hte bai nhtang wa ai aten du hkra, shi hpe htawng sharen da nna, muk hte hka jaw lu jaw sha na lam shanhte hpe tsun u,” ngu nna hkang dat wu ai.

2 HKAWHKAM LABAU 16:10

Dai ga gaw Asa hpe masin grai pawt shangun nga ai rai nna myihtoi wa hpe htawng hta sharen da ma ai. Dai aten hta nan Asa gaw amyu masha nkau mi hpe mazut ai hku zingri hpang wa nu ai.

2 HKAWHKAM LABAU 25:16

Dai lam tsun ai shaloi Amazia gaw, “Nang hpe hkawhkam wa a hpaji jaw hku anhte galoi aten kaw nna san da nga ga ni? Atsin zim rai nga u, shing n rai yang, ngai nang hpe sat kau na ra ai!,” ngu nna ginjang shawn wu ai.

YOBA 41:3

Shi hpe sa shangun na matu shi nang hpe hpyi lajin na rai wu ni? Shi gaw nang hpe matsan yu dum la na matu hpyi nem na rai wu ni?

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 5:20

Nang gaw dingnye hkrum nga ndai! Nang gaw n kaja ai hpe kaja ai, kaja ai hpe n kaja ai nga nna tsun ndai. Nang gaw nsin hpe nhtoi de, nhtoi hpe nsin de kayin kau nga ndai. Nang gaw hka ai hpe dwi ai, dwi ai hpe hka ai hku galaw nga ndai.

YEREMIA 11:21

Anahtot masha ni gaw ngai hpe sat kau mayu nga ma ai; ngai rai nna dai Madu a mungga hpe matut hkaw tsun ai rai yang, shanhte ngai hpe sat kau na ma ai lam ngai hpe tsun ma ai.

YEREMIA 23:17

Ngai tsun ai ga hpe madat hkam la na matu lale ai amyu masha ni hpang de shanhte hte rau hkawm sa ai rai yang, lam shagu hta mai kaja wa na ra ai nga nna shanhte matut tsun ma ai. Dai zawn adu ja nga ai ni langai hte langai hpe tsin-yam tsindam hkra lu na ra ai n rai, nga nna shanhte hkaw tsun na mara ai,” ngu nna tsun wu ai.

YEREMIA 26:11

Dai hpang hkinjawng ni hte myihtoi ni gaw ningbaw ni hte amyu masha ni hpe, “Anhte a mare hpe ninghtan shai ai hku shi tsun nu ai majaw ndai wa gaw si ging ai wa rai nga ai. Nanhte gaw shi a lam hpe nanhte a na hte nan shi a nsen hpe na manit dai,” ngu nna tsun ma ai.

YEREMIA 29:27

Amyu masha ni hpe myihtoi zawn nga nna shaga nga ai Anahtot masha Yeremia hpe dai lam nang hpa majaw n daru kau nga n ta?

YEREMIA 36:29

Dai Madu gaw hkawhkam wa hpe tsun na matu ngai hpe ning nga nna hkang da wu ai: “Nang gaw ndai laika katsu nat kau nit dai, Babelon hkawhkam wa gaw ndai mung de du shang wa nna, mungdan hpe mung shamyit kau nga sai; dai mung na amyu masha ni hte yam nga ni hpe sat kau na ru ai nga nna shi hpa majaw ka da wu ta?, ngu nna nang Yeremia hpe san nit dai.

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

AMO LAIKA (AMOS) 2:12

Rai ti mung, nanhte gaw Nazari masha ni hpe sabyi lu shangun nna myihtoi ni hpe nye a mungga n tsun na matu hkang da manit dai.

AMO LAIKA (AMOS) 7:13

Ndai Behtela e galoi mung myihtoi hkum htoi sa. Ndai shara gaw hkawhkam wa a nawku shara ngu ai amyu sha ting hte seng ai nawku htingnu rai nga ai,” ngu nna tsun wu ai.

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

MIHKA 2:6

Amyu masha ni gaw ngai hpe hkaw tsun ai hte, “Anhte hpe mungga hkum hkaw mi. Dai hte seng ai lam yawng hkum hkaw hkum tsun myit. Karai Kasang gaw anhte hpe sari jahpa ya nga ai n rai.

YAWHAN 7:7

Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

YAWHAN 8:45

Ngai teng man ai lam tsun nngai majaw, nanhte n kam n sham myit dai.

KASA 4:17

Rai ti mung, dai lam mung masha ni hta grau nna n bra n gara wa u ga, ya kaw nna dai Yesu a mying gang nna kadai hpe mung n tsun dan na hku shan hpe daru jet sadi jaw kau ga,” nga ma ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

GALATI 4:16

Ya chyawm gaw nanhte hpe dai teng man ai lam tsun dan made ai majaw ngai nanhte a hpyen wa tai wa ni ai kun?

2 TIMOHTI 4:3

Masha ni gaw dai teng man nna ra n rawng ai sharin shaga ai lam hpe n madat n mara nna tinang a myit kayut ai hta hkan mat wa ai hte shanhte a myit hta kaya kayoi nga hkra madat la mayu ai lam ni hpe sharin ya na sara ni shanhte a matu grau grau law wa hkra tam lahkawn la ai aten du na ra ai.

2 TIMOHTI 4:4

Shanhte gaw dai teng man ai lam hpe madat mara ai kaw na kayin htak mat wa nna masha a maumwi mausa ga ni hpe madat mara myit lawm mat wa na mara ai.

SHINGRAN 11:7

Shan lahkawng tinang hkaw tsun ndau ai amu ngut mat ai shaloi, sung htum ai shara na pru lung wa ai matse labye gaw, shan hpe gasat dang kau nna sat kau na ra ai.

1 SAMUELA 9:9

Shawlu gaw, “Dai gaw kaja ai lam langai rai nga ai! Gai sa yu saga,” ngu nna htang tsun wu ai. Dai rai nna, chyoi pra ai wa nga ai mare de sa mat wa ma ai. Shan gaw dai mare nga ai bum de lung wa ma ai shaloi, hka ja na matu pru sa wa ai numsha nkau mi hte hkrum ma ai. Shing rai shan gaw dai numsha ni hpe, “Myi san wa mare kata e n nga a ni?,” ngu nna san ma ai. (Dai aten hta myihtoi wa hpe myi san wa ngu nna shamying ma ai rai nna, marai langai ngai Karai Kasang kaw ga san san mayu ai shaloi, “Myi san wa kaw sa yu ga,” ngu nna shi tsun na wu ai.)