ESAIA 30:1 - Jinghpaw Common Language Bible 2009

¹ Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

Jinghpaw Hanson Version Bible

¹ Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 30:1 ပူးပေါင်းရင်းမြစ်များ

2 HKAWHKAM 18:21

Nang hpe karum la na matu Egutu hpe nang la dingda nga n hka gaw! Rai ti mung dai gaw mai-aw hpe lam hkawm dawhkrawng zawn lang ai hte bung nna dai gaw daw mat ai hte na a lata hpe ju htinggrang ya na ra ai. Shi hpe marai langai ngai kam hpa wa ai shaloi dai gaw Egutu hkawhkam wa zawn hkrum sha na lam rai nga ai,” ngu nna tsun dan wu ai.

2 HKAWHKAM 18:24

Nang gaw Asuri du salang na kaji htum duwa hte pyi n dang bung ai mi, Egutu masha ni gaw hpyen leng ni hte gumra jawn masha ni hte nang hpang de shangun dat ya na hpe la dingda nga n hka i!

SHAKAWN KUNGDAWN 61:4

Nye a asak prat tup na a chyoi pra ai shara hta ngai nga nga lu n-ga; na a singkaw ni a npu e shim ai shara hta ngai shingwung lu n-ga.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 28:20

Nanhte gaw ga shagawp laika na, latsawn n mai hkra kadun ai yup ku ntsa e yup na matu shakut ai wa, hpun n ram hkra nau kaji ai nba hpe hpun ai wa zawn tai na myit dai.

ESAIA 29:15

Dai Madu n mu lu hkra nga, shanhte a maw mawn ai lam ni hpe makoi shakut ai ni gaw dingnye hkrum nga ma ai! Shanhte gaw shanhte a da da ai amu ni hpe mayun galaw ai hte dai amu hpe kadai mung n mu, shanhte hpa galaw nga ma ai hpe n chye ma ai ngu, myit nawn ma ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 4:5

Dai hpang Ziun Bum ntsa hte dai yang e jahpawng da hkrum ai ni yawng a ntsa e, dai Madu gaw shani e sumwi hte shana e wan hkut hte htoi san ai wan shinglet ni dat dat na ra ai. Karai Kasang a hpung shingkang gaw ka-up nga nna mare ting hpe makawp maga na ra ai.

ESAIA 5:18

Nang gaw dingnye hkrum nga ndai! Nang gaw na a yubak kaw nna n lawt lu nga ndai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

ESAIA 65:2

Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

ESAIA 8:11

Dai Madu gaw shi a daru magam n-gun kaba hte amyu masha ni hkan nga ai lam hta n hkan na matu ngai hpe sadi jaw wu ai. Shi gaw

ESAIA 8:12

“Amyu masha ni a maw mawn ai lam ni hta hkum shang lawm et, shanhte hkrit kajawng ai arai ni hpe hkum hkrit nga et.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

YEREMIA 17:5

Dai Madu gaw, “Ngai kaw na kayin mat wa ai masha ni hte shinggyim masha ni hte si chye ai masha a n-gun hta kam hpa nga ai ni hpe ngai daw dan na we ai.

YEREMIA 2:18

Nang gaw Nila hka lu na matu Egutu mung de sa ai gaw hpa baw akyu lu la na re ngu, myit nawn da wu ni? Uhprat hka lu lu na matu Asuri mung de sa ai gaw hpa baw akyu lu la na re ngu, myit nawn da wu ni?

YEREMIA 37:7

“Egutu hpyen luksuk ni gaw nang hpe karum la na matu pru sa wa ma ai, rai ti mung, dai ni gaw shanhte a dum nta de nhtang mat wa na mara ai.

YEREMIA 4:17

Shi a amyu masha ni gaw dai Madu hpe gumlau manu ai majaw sun sin nga ai masha ni zawn dai masha ni Yerusalem hpe wang da na mara ai. Dai Madu nan tsun nu ai.

YEREMIA 42:19

Dai hpang, ngai gaw, “Yuda mung hta naw ngam nga ai amyu masha ni hpe Egutu mung de n yu sa na matu, dai Madu nanhte hpe tsun nu ai. Ya mung ngai gaw

YEREMIA 5:23

Rai ti mung, amyu masha ni e, nang gaw du ja ai hte gumlau nga ndai; nang gaw ngai kaw nna kayin mat wa ai hte ngai hpe kau da nit dai.

EZEKELA 11:2

Karai Kasang gaw ngai hpe, “Si chye ai masha wa e, ndai masha ni gaw ndai mare hta n hkru ai amu maw mawn nna n kaja ai lam hpaji jaw ma ai.

EZEKELA 2:3

“Si chye ai masha wa e, ngai gaw nang hpe Israela amyu masha ni hpang de shangun dat nga nngai. Shanhte gaw ngai hpe gumlau nna hpyen tai ma ai, shanhte a kaji kawa ni zawn ya du hkra naw gumlau ma ai.

EZEKELA 24:3

Ngai hpe gumlau ai amyu masha ni hpe Tsaw Htum ai dai Madu ngai nan shanhte a matu ning nga ai ngu nna ndai ga shadawn hpe htawn tsun u: Wan mang ntsa e di dun u dai hpe hka hte jahpring u.

EZEKELA 29:16

Israela gaw shi hpe karum la na matu shanhte hpe galoi mung bai shamyet shanat na mara ai n rai. Egutu hpe kam hpa ai gaw kade sha shut nga sai lam, shanhte hta byin ai maka hpe yu nna Israela hpe myit dum shangun na ra ai. Ngai nan Tsaw Htum ai Madu rai nga ai hpe Israela ni chye lu na mara ai,” ngu nna tsun wu ai.

EZEKELA 3:9

Ngai gaw nang hpe ngang ai lunghkrung hte ja ai lung seng zawn shaja ya na nngai; ndai gumlau ai masha ni hpe hkum hkrit et,” nga nna tsun wu ai.

HOSEA 11:6

Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

BU HKAWM 32:14

Ya mung dai Madu a masin kahtet ai gaw Israela a ntsa e jin jin bai shagrung dat na, dai n shawp n kap ai ban nnan masha nanhte gaw nanhte a kawa ni a malai rai nga manit dai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

TARA JAHPRANG 29:19

Ndai dagam ga hpe dai ni, ndai yang e na ai ni lam shagu shi hte mai kaja na re ngu shi nan myit hkawn da tim, myit ja ai hte shi a lam shi hkawm ai rai yang, dai gaw kaja ai rai ti mung, n kaja ai rai ti mung nanhte yawng hpe shamyit kau na wu ai.

TARA JAHPRANG 9:24

Nanhte hpe ngai chye ai aten kaw nna pyi dai Madu hpe gumlau nga manit dai.

TARA JAHPRANG 9:7

“Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.

2 TIMOHTI 3:13

N hkru n kaja ai masha ni hte masu hkalem sha ai ni chyawm gaw masha hpe hkalem sha nna tinang ni nan hkalem sha ai bai hkrum ai hte n hkru ai lam hta n kaja ai kaw nna n kaja dik ai de grau grau matut shanang sa wa na mara ai.

YAWSHU 9:14

Israela amyu masha ni mung dai Madu hpe n san yu ai sha, shanhte a lusha nkau mi hpe hkap la ya ma ai.