ESAIA 3:9 - Jinghpaw Common Language Bible 2009

⁹ Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

Jinghpaw Hanson Version Bible

⁹ Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

ESAIA 3:9 ပူးပေါင်းရင်းမြစ်များ

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

NINGPAWT NINGHPANG 19:34

Hpang shani e mung, kana gaw kanau jan hpe, “Mana e ngai shi hte rau yup ni ai; ya dai na mung shi hpe jaw shanang da gaw; nang shi hte rau yup u. Shaloi an a kawa a majaw an hta kasha langai hpra lu la na ga ai,” ngu nna tsun wu ai.

NINGPAWT NINGHPANG 4:5

rai ti mung shi gaw Ka-in hte shi a hkungga hpe hpa n sawn ya wu ai. Ka-in masin ja ja kahtet ai hte pawt sindawng nga lu ai.

2 HKAWHKAM 9:30

Yehu gaw Yezrela mare de du shang wa nga sai. Yezebela gaw hpa byin nga sai lam hpe na jang, shi a myi-kaw mun hta tsi chya la nna, shi a kara ni hpe mawn sumli la nhtawm hkawhkam htingnu kata na hkuwawt hku langai mi kaw nna nmaw lam de mada tsap nga wu ai.

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

GA SHAGAWP 15:32

Sharin achyin ai ga hpe nang lale kau ai rai yang, dai gaw na hkum hpe machyi jahkrum nga ndai; shading sharai ai ga hpe nang hkap la ai rai yang chyawm gaw, hpaji grau rawng ai masha nang tai wa na rin dai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

GA SHAGAWP 8:36

Ngai hpe n mu tam ai masha wa gaw machyi hkrum nga nna; ngai hpe n dawng n yawt ai ni kadai mung si hkrung si htan hpe tsaw ra nga ai,” nga nna tsun nga ai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 3:16

Dai Madu gaw, “Yu u, Yerusalem numsha ni kade wa gumrawng gumtawng nga ma hka! Shanhte gaw shanhte a baw ni sharawt nhtawm hkawm sa ma ai. Shanhte gaw galoi mung apyaw sha hkalem sha nga ma ai. Shanhte gaw lagaw lahkam kaji sha hte nawt sa nhtawm shanhte a lagaw lahkawn ni mung sharat nga ai.

ESAIA 57:20

Rai ti mung n hkru ai masha ni gaw matsat shabat hte maza mala arai ni hpe woi tsawt sa wa nna galoi mung n sim ai panglai hka leng gumdin ni zawn rai nga ai.

ESAIA 59:12

Madu e, nang hte nhtan shai ai anhte a ru hka amu ni gaw law la nga ai. Anhte a yubak mara ni anhte hpe mara shagun nga ai. Anhte gaw dai lam yawng mayawng hpe kaja wa sadi maja nga ga ai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

YEREMIA 3:3

Shing re ai lam ni a majaw, marang n htu mat ai hte ginhtawng nnan shang wa yang na marang mahpawng n htu mat nga ai. Nang gaw shawa num langai zawn sha rai nga ndai; nang hta kaya kahpa myit hpa mung n rawng nga ndai.

YEREMIA 6:15

Shanhte galaw sai ndai matsat shabat amu ni a majaw shanhte kaya mat sani? N rai law, shanhte gaw dik hkra n chye kaya nga ma ai. Kaning rai kaya hkrum ai baw re pyi shanhte n chye ma ai. Dai rai nna, shanhte gaw kaga masha ni kataw ai zawn kataw mat na mara ai; ngai shanhte hpe ari jaw ai shaloi, dai gaw shanhte a matu jahtum rai na ra ai. Dai Madu ngai nan tsun ni ai,” nga nna tsun ai.

YEREMIA 8:12

Nye a amyu masha ni e, nang galaw ai matsat shabat amu ni a majaw, nang kaya nga n ni? N rai law, nang gaw dik hkra n chye kaya nga ndai; kaning rai kaya hkrum myi man sum rai na pyi, nang n chye nga ndai! Nang gaw kaga masha ni kataw ai zawn kataw mat na rai ndai; ngai nang hpe ari jaw ai shaloi dai gaw na a matu jahtum rai na ra ai. Dai Madu ngai nan tsun ni ai.

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

EZEKELA 16:30

Ndai gaw Tsaw Htum ai dai Madu tsun nga ai mungga rai nga ai: “Nang gaw kaya n chye ai shawa num zawn, ndai amu yawng mayawng hpe galaw nit dai.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

EZEKELA 23:16

Shi gaw shanhte hpe mu dat ai shaloi jang, shi gaw ngang gayut ai myit hte hpring wa nna Babelon mung e nga ai shanhte hpang de kasa dat dat wu ai.

Daniela 7:20

Ngai gaw de a baw hta tu ai nrung shi a lam mung, hpang e tu lung wa ai nrung hte nrung masum hkrat mat ai lam ni hpe mung chye mayu nngai. Dai ni hta myi ni tu nna, shakawng shakat gumrawng gumtawng ai hte tsun chye ai n-gup langai rawng nga ai. Dai wa mahtang kaga ni hta grau nna hkrit kajawng shangun nga ai.

HOSEA 13:9

“Israela amyu masha ni e, ngai nanhte hpe jahten shabyak kau na made ai! Shaloi nanhte hpe kadai wa karum la lu na rai ma ta?

HOSEA 5:5

Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

ROMA 6:23

Hpa majaw nga yang yubak a shabrai gaw si mat ai rai nga ai, rai ti mung Karai Kasang a chyeju kumhpa chyawm gaw anhte a Madu Hkristu hte langai sha rai nga ga ai majaw lu la ai htani htana asak nan rai nga ai.

SHINGRAN 11:8

Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.

1 SAMUELA 15:32

Samuela gaw, “Hkawhkam Agag hpe ndai yang, ngai hpang de woi wa ya mi,” ngu nna hkang dat wu ai. Agag mung shi kaw hkrit gari ai hte sa wa nhtawm, “Si hkrung si htan re ai laja lana hkrit hpa gaw ngut boi mat sai,” ngu nna shi kraw hta myit nawn la wu ai.