ESAIA 3:8 - Jinghpaw Common Language Bible 2009

⁸ Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

Jinghpaw Hanson Version Bible

⁸ Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

ESAIA 3:8 ပူးပေါင်းရင်းမြစ်များ

2 HKAWHKAM LABAU 28:18

Dai aten hta nan Hpilisti masha ni mung sinna maga de nga ai bum lagaw ni hkan na mare ni hte Yuda mung a dingda maga de na mare ni hpe sa shang hpya ma ai. Shanhte gaw Bet Sheme mare, Aiyalon mare, Gederot mare ni hpe mung, Sohko mare, Timna mare hte Gimzo mare ni hte de a kahtawng ni hte hpawn gasat kashun la nna dai hkan e dinggrin a nga nga ma ai.

2 HKAWHKAM LABAU 33:11

Dai re ai majaw, dai Madu gaw Asuri hpyen luksuk a up hkang du ni hpe Yuda mung de sa shang gasat shangun wu ai. Shanhte gaw Manashe hpe rim la nhtawm chyinghkyi ni hte sin-yu ni hte hkang nna Babelon mung de woi mat wa ma ai.

GA SHAGAWP 26:27

Kaga masha ni a matu, mahkam hkam da ai ni gaw shanhte hkum nan dai hta ahkang la na mara ai; sharut gyi hkra galaw hpang dat ai wa gaw shi nan dai hta agrawp lawm na ra ai.

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 49:19

“Na a mungdan gaw hten run nna katsi katsang shara tai mat sai, rai ti mung, ya chyawm gaw dai mungdan gaw dai shara hta sa shanu nga na ni a matu shara nau pyi kaji mat na ra ai. Nang hten run mat ai majaw kau da ai ni gaw nang kaw na htawt sit kau hkrum na mara ai.

ESAIA 57:4

Nanhte gaw kadai hpe mani asawng nga myit ni? Masu magaw ai nanhte gaw kadai hpe mani jahpoi nga myit ni?

ESAIA 59:3

Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

YEREMIA 23:36

Dai rai nna, shanhte gaw, ‘Dai Madu gun ai lit,’ ngu ai ga hpe galoi mung tsun lu na n rai; hpa majaw nga yang, marai langai ngai dai ga tsun a yang gaw, nye a mungga hpe shi a lit teng teng ngai shatai na we ai. Amyu masha ni gaw Chyahtum Chyalai N-gun Rawng ai dai Madu ahkrung nga ai Karai Kasang ngu ai shanhte a Karai Kasang a mungga ni hpe jashai kau manu ai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 4:13

Yu u, gumlau hpyen gaw sumwi ni zawn sa wa mara ai. Shanhte a majan hpyen leng ni gaw nbung bung hpoi zawn rai nga ai, shanhte a hpyen gumra ni gaw galang ni hta grau nna lawan nga ma ai. Anhte sum mat saga ai! Anhte daw dan ai hkrum saga ai!

YEREMIA 44:3

hpa majaw nga yang, shanhte a amyu masha ni gaw n hkru ai amu galaw nna ngai hpe masin pawt shangun nga ma ai. Shanhte gaw shanhte mung, nanhte mung, nanhte a nji nwa ni galoi mung n nawku yu ai kaga karai ni hpe shagu hkungga nawng ya nna daw jau nga ma ai.

SHARUNG SHAYAWT 1:9

Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

EZEKELA 8:12

Karai Kasang gaw ngai hpe, “Si chye ai masha wa e, Israela ningbaw ni gaw machyi shim ai shara hta hpa galaw nga ma ai hpe nang mu n ni? Shanhte yawng hte gaw hpara sumla ni hte hpring nga ai gawk kata hta nawku nga ma ai. Shanhte a mara lawt ga gaw, ‘Dai Madu anhte hpe n mu ai! Shi gaw dai mungdan hpe kau da nu ai!,’” nga nna tsun ma ai.

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

HOSEA 5:5

Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

HOSEA 7:16

Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

HABAKU 1:13

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

1 KORINHTU 10:22

Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?

YUDA 1:15

Masha yawng a ntsa e dai tara jeyang na ra ai; masha yawng mayawng hpe shanhte galaw ai n hkru n kaja ai amu ni a matu mung Karai kata ai masha ni Karai Kasang hpe ninghkap ai hku tsun shaga kau ai hkrithpa ga ni yawng a matu mung jeyang daw dan na ra ai!,” nga nna myihtoi ga hta tsun da sai.