ESAIA 3:7 - Jinghpaw Common Language Bible 2009

⁷ Rai ti mung shi gaw, “Ngai n tai ya lu na nngai! Ngai nanhte hpe n lu karum la na nngai. Ngai gaw lusha mung, bu hpun palawng mung n lu nngai. Ngai hpe nanhte a ningbaw hkum tai shangun mi!,” ngu nna htan na ra ai.

Jinghpaw Hanson Version Bible

⁷ Ngai nan sharai lu nngai n rai; nye a nta hta muk mung, hpun palawng mung, n nga ai: mung masha ni a du ngai hpe hkum shatai myit, nga nna dai shani e dan dan tsun na ra ai.

ESAIA 3:7 ပူးပေါင်းရင်းမြစ်များ

NINGPAWT NINGHPANG 14:22

Abram gaw, “Na a arai ngu na hpa hpe mung, dai sha n-ga ri yan mi hte kyepdin sumri yan mi du hkra pyi, ngai n la na nngai ngu, Sumsing lamu hte ginding aga hpe hpan da ai wa dai Tsaw Htum ai

ESAIA 58:12

Na a amyu masha ni gaw moi na hten run mat sai ni hpe bai de da na mara ai, moi moi na npawt nhpang ni a ntsa e bai gaw kahtap na ra ai. Nang gaw bunghku ni hpe bai gaw gap nna hten run mat sai dum nta ni hpe bai gram lajang da ai amyu masha ni zawn kajai gumhkawng na ra ai.

YEREMIA 14:19

Madu e, nang gaw Yuda mung hpe atsai awai kau da nu ni? Nang gaw Ziun amyu masha ni hpe n dawng nga n ni? Anhte n mai wa lu hkra nang anhte hpe hpa majaw laja lana di machyi shangun mi ta? Anhte gaw ngwi pyaw sim sa lam hpe tam ga ai, rai ti mung mai kaja ai amu hpa mung n byin wa nga ai; anhte gaw shamai shatsai hkrum na matu myit mada ga ai, rai ti mung de a malai, hkrit hpa lam pru wa nga sai.

SHARUNG SHAYAWT 2:13

O Yerusalem, tsaw ra htum ai Yerusalem e, ngai kaning ngu tsun lu na rai nga a ni? Nang hpe ngai gara hku shalan shabran lu na rai nga a ta? Ndai zawn re ai nni nkri hpe kadai mung n hkam sha yu ma ai. Na a ru yak tsin-yam tsindam gaw nammukdara zawn shadawn masat n lu hkra dam lada nga ai; mai byin na zawn re ai myit mada shara hpa mung n nga nga ai.

EZEKELA 34:4

Gawng kya ai sagu ni hpe pyi nanhte lanu lahku nga myit dai n rai; machyi hkrum ai wa hpe mung tsi shamai ya nga ai n rai, ningma kap ai sagu hpe ahkyen kayawp ai n rai, dam mat wa ai sagu hpe mung bai woi la ai n rai, mat mat sai sagu hpe mung tam la nga myit dai n rai. Shing rai hkan galaw na malai, nanhte gaw shanhte hpe myit ja ai hte adip arip di reng nga myit dai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

YOELA 1:16

Anhte a nsi naisi ni hten za mat sai majaw, karum la lam n nga sai ngu anhte mada yu ga ai. Anhte a Karai Kasang a Nawku Htingnu hta kabu gara ai lam n nga sai.

TARA JAHPRANG 32:40

Ngai gaw teng teng ahkrung nga ai Karai Kasang rai nga nngai hte maren; nye a lata hpe ngai sharawt nhtawm dagam let,