ESAIA 3:5 - Jinghpaw Common Language Bible 2009

⁵ Masha hkum shagu hte gaw shada da zai hku nna adip arip di hkat na mara ai. Shabrang ni gaw asak kaba ai ni hpe hkungga lara na mara ai n rai, hpa n tai ai masha ni gaw shanhte a ntsa na masha ni hpe hkungga lara na mara ai n rai.

Jinghpaw Hanson Version Bible

⁵ Mung masha ni langai hte langai, htingbu ni langai hte langai shada da adip arip na mara ai: ma kaji gaw dingla wa hpe, hpa n hkaw ai wa gaw, arawng lu ai wa hpe, gumrawng gumtawng di na ra ai.

ESAIA 3:5 ပူးပေါင်းရင်းမြစ်များ

2 HKAWHKAM 2:23

Elisha gaw Yerihko mare nna pru mat wa nhtawm Behtela mare de sa wa ai hkrun lam hta lasha ma nkau mi mahtang mare kaw nna pru wa nhtawm shi hpe, “Pungkrin wa e, ndai shara kaw nna pru mat wa u,” ngu ashu let shanhte jahtau tsun ma ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 11:13

Israela mungdan gaw Yuda hpe galoi mung yu manawn sana n rai; Yuda gaw Israela a gumlau hpyen tai sana n rai.

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 9:18

Amyu masha ni a tara n lang ai amu gaw ju sumwum hte ju hpun ni hpe hkru kau ai wan hte bung nga ai. Dai gaw wan hkut shadaw shalun dat ai maling htinggram wan zawn jahkru kau nga ai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

EZEKELA 22:12

Amyu masha nkau mi gaw gumhpraw a jaw e masha sat ma ai. Nkau mi gaw shanhte a kahpu kanau Israela masha ni hpe gumhpraw amyat tam sha nna, sut su wa na matu shanhte hpe mawp sha nga ma ai. Shanhte gaw ngai hpe mung malap kau manu ai.” Dai Tsaw Htum ai Madu tsun nu ai.

JAW JAU 19:32

“Asak kaba sai ni hpe hkungga lara ai lam madun dan mu; shanhte hpe shagrau sha-a mu. Ngai hpe hkrit hkungga lu na rai myit dai. Ngai gaw dai Madu rai nga ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

ZEHKARIA 11:6

(Dai Madu gaw, “Ngai gaw ginding aga ntsa na masha kadai hpe mung galoi mung n matsan dum na nngai. Ngai nan amyu masha ni hpe shanhte a mung up du ni a lata hta ap kau na mawe ai. dai mung up du ni gaw ginding aga hpe jahten shaza kau na mara ai; shanhte a lata kaw na ngai hkye hkrang la na nngai n rai,”) ngu nna tsun wu ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MARKU 14:65

Shanhte hta na nkau mi gaw, shi hpe mayen mahtaw bun ai hte, shanhte shi hpe myi bam kau ya nna kayat nhtawm shanhte gaw, “Nang hpe kadai kayat a ta? Tak yu u!,” ngu mu ai. Hkinjawng Agyi Kaba wa a sin langa ni mung shi hpe magra bye kahpret mu ai.

LUKA 22:64

Shi a man magap kau ya nhtawm, “Tak yu u, nang hpe htwi ai gaw, kadai wa rai ta?,” ngu nna san mu ai.

YAKU 2:6

Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.