ESAIA 3:3 - Jinghpaw Common Language Bible 2009

³ shanhte a hpyen luksuk hpyen du ni hte ninghtawn ningbaw ni, mung masa ninghkrin ni hte mandan chye bau ai masha shagu hpe la kau na ra ai.

Jinghpaw Hanson Version Bible

³ hpyen manga shi up ai du, arawng lu ai wa, hpaji daw chye ai wa, hpaji maka pru ai wa, mandan chye bau ai ni yawng hpe, jahtum kau na ra ai.

ESAIA 3:3 ပူးပေါင်းရင်းမြစ်များ

YOBA 22:8

Nang gaw na a daru magam n-gun hte arawng aya lang nna lamu ga ting hpe madu la nga ndai.

PRU MAT 18:21

Rai ti mung, dai hta kaga, atsam ningja rawng ai masha nkau mi hpe nang lata la nhtawm, amyu masha ni a ningbaw tai ai hta, hkying mi a ningbaw ni, latsa a ningbaw ni, manga shi a ningbaw ni hte shi a ningbaw ni ngu nna san tawn u. Shaloi shanhte gaw Karai Kasang hpe hkrit kamyin ai ni, kam hpa ging ai ni hte mayun kumhpa n la sha ai ni rai lu na ma ai.

PRU MAT 4:10

Rai ti mung Mawshe gaw, “Madu e, n rai law, ngai hpe hkum shangun e; ngai gaw galoi mung ga namsup rawng ai wa n rai nngai. Nang ngai hpe ga tsun hpang ai aten kaw nna pyi ngai tai la ai wa n rai nngai. Ngai gaw n-gup li nna ga shaga lanyan ai hte shinglet li ai wa rai nga nngai,” ngu nna tsun wu ai.

ESAIA 3:2

shanhte a share ninghkrin ni hte hpyenla ni, shanhte a tara agyi ni hte myihtoi ni, shanhte a gumhpan hpan ai ni hte mungdan rap daw salang ni,

ESAIA 3:4

Dai Madu gaw amyu masha ni a ntsa e, n kung n kyang ai ma ni hpe up hkang shangun na ra ai.

ESAIA 5:13

dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

TARA JAHPRANG 1:15

Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.

TARA AGYI 8:18

Dai hpang Gidon mung Zeba yan Zalmuna hpe, “Tabora e nan sat kau ai masha ni gaw kaning san ai ni rai ma ta?,” ngu nna san yu wu ai. Shaloi shan gaw, “Shanhte gaw nang zawn re ai hkrai rai ma ai. Shanhte langai hte langai mung hkawhkam kasha zawn rai ma ai,” ngu nna htan ma ai.

1 SAMUELA 8:12

Shi gaw shanhte hta na nkau mi hpe masha hkying mi up na du salang ni, masha manga shi up na du salang ni, shatai na rai wu ai. Nanhte a shadang sha nkau mi gaw shi a yi hkauna galau, shi a nai mam nsi naisi shu na hte shi a gumra leng ni a matu hkinghku shachyaw ai hte hpyen laknak ni hpe galaw shangun na rai wu ai.