ESAIA 3:25 - Jinghpaw Common Language Bible 2009

²⁵ Mare salang ni e, rai sa, n-gun ja htum ai ni pyi majan hta sat kau ai hkrum na mara ai.

Jinghpaw Hanson Version Bible

²⁵ Na a lasha ni ri nhtu hte, na a share ninghkrin ni, hpyen majan hta, si mat na mara ai.

ESAIA 3:25 ပူးပေါင်းရင်းမြစ်များ

2 HKAWHKAM LABAU 29:9

Anhte a kawa ni majan hta sat kau ai hkrum nna anhte a madu jan ni hte ma kaji ni mung bawng masha ni hpe zawn woi la mat wa ai hkrum masai.

ESAIA 1:20

Rai ti mung nanhte ngai hpe ninghkap myit dai rai yang, nanhte gaw si ai dingnye lu na rai myit dai. Ngai dai Madu nan tsun ni ai,” ngu nna tsun ai.

ESAIA 65:12

Dai na a Auba gaw kabring kabrawng du daw sai hkaw si hkrung si htan hte si na rai nga ai, hpa majaw nga yang, ngai nang hpe shaga yang nang n htan ndai, nang hpe ga shaga yang n madat ndai. Nang gaw nye a ga lale na hte n hkru ai amu galaw na matu lata la nga ndai.

YEREMIA 11:22

Dai rai nna, Chyahtum Chyalai N-gun Rawng ai dai Madu gaw, “Ngai shanhte hpe ari jaw na we ai! Shanhte a shabrang ni gaw majan pa hta sat kau hkrum na mara ai; shanhte a shayi shadang sha ni mung kawsi hpang gara ai hte si mat na mara ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 15:8

Na a mungdan na gaida ni gaw panglai makau na zaibru tum ni hta grau law nga ai. Ngai gaw na a shabrang ma ni hpe shanhte a wa-ngan aten ni hta sat kau ai hte shanhte a kanu ni hpe nni nkri jahkrum nngai. Ngai gaw shanhte hpe makyin madut hte hkrit kajawng hpa hte akajawng sha kayat ni ai.

YEREMIA 18:21

Rai ti mung, ya chyawm gaw Madu e, shanhte a kashu kasha ni hkuwa hkrum nna si mat manu ga; shanhte mung hpyen majan hta sat kau ai hkrum manu ga; numsha ni hpe ma n lu shangun ai hte gaida shabyin ya u; dinghku la ni mung ana zinli hta si htum mat nna shabrang ni majan pa hta sat kau ai hkrum manu ga.

YEREMIA 19:7

Ngai gaw Yuda mung masha ni hte Yerusalem mare masha ni a myit maw ai lam yawng hte hpe ndai shara e shabyak kau ya na we ai. Shanhte a gumlau hpyen ni shanhte hpe dang kau ai hte majan pa e shanhte hpe sat kau shangun na we ai. Shanhte a moi mang ni hpe ntsa malen u ni hte matse labye dusat ni a matu lusha zawn ngai jaw na we ai.

YEREMIA 21:9

Ndai mare hta nga ai kadai rai ti mung majan, kawsi hpang gara hte ana zinli ni hte sat kau hkrum na mara ai. Rai ti mung, ya mare hpe htim gasat nga ai Babelon masha ni hpang de sa shang mat wa ai ni chyawm gaw sat kau hkrum na mara ai n rai; shanhte a asak sha gaw lawt lu na mara ai.

SHARUNG SHAYAWT 2:21

Shabrang ni hte numsha ni n nga nmaw lam hkan e si kadawng taw nga ma ai, Shabrang ni hte numsha ni mung gumlau hpyen wa a nhtu ni hte sat kau hkrum nga masai. Na a pawt sindawng ai shani e, shanhte hpe matsan n dum ai sha, nang htau sat kau nit dai.

AMO LAIKA (AMOS) 9:10

Nye a amyu masha ni hta na yubak kap ai masha ni gaw, ‘Karai Kasang gaw anhte hpang de tsin-yam tsindam dep shangun na n rai,’” nga nna tsun ai ni yawng majan hta sat kau hkrum na mara ai.