ESAIA 3:17 - Jinghpaw Common Language Bible 2009

¹⁷ Rai ti mung ngai gaw shanhte hpe ari jaw na we ai. Ngai gaw shanhte a baw ni hpe rep kau nna shanhte hpe pung krin tawn da na we ai.”

Jinghpaw Hanson Version Bible

¹⁷ Madu gaw, Ziun shayi sha ni a baw pungding hpe hpye shakan kau ya ai hte, Yehowa gaw shanhte a hpun palawng sharun kau ya nna, kaya jahkrum na mu ai.

ESAIA 3:17 ပူးပေါင်းရင်းမြစ်များ

Shawlumon A Mahkawn Ga 3:11

Ziun numsha ni e, Hkawhkam Shawlumon hpe sa yu yu mu. Shi a hkungran poi galaw ai shani, shi a kabu gara ai hte kabu awng sharawng ai shani hta, shi a kanu gaw shi a baw hta shagup ya ai janmau hpe shi gup nga ai.

ESAIA 20:4

Asuri hkawseng wa gaw ndai mungdan lahkawng kaw na shi lu rim la ai bawng masha ni hpe singgu krin woi mat wa na ra ai. Kaji kaba n nga, shanhte gaw lagaw kaman hte singgu krin hkawm nna shanhte a dangbau ni hpaw da let, Egutu mung hpe kaya jahkrum na mara ai.

ESAIA 3:16

Dai Madu gaw, “Yu u, Yerusalem numsha ni kade wa gumrawng gumtawng nga ma hka! Shanhte gaw shanhte a baw ni sharawt nhtawm hkawm sa ma ai. Shanhte gaw galoi mung apyaw sha hkalem sha nga ma ai. Shanhte gaw lagaw lahkam kaji sha hte nawt sa nhtawm shanhte a lagaw lahkawn ni mung sharat nga ai.

ESAIA 3:18

Dai Madu gaw Yerusalem numsha ni grai gumrawng gumtawng ai hte lu ai arai magup ngu na, shanhte a lagaw ni, baw ni, du ni hte

YEREMIA 13:22

Ndai lam ni yawng nang hta hpa majaw byin a ta? Hpa majaw na a hpun palawng ni gang je kau hkrum ai hte roi rip hkrum nga ndai kun?, nga nna nang san ai rai yang, dai lam gaw grai hkrit tsang ra ai na a yubak a majaw rai nga ai.

JAW JAU 21:20

mashi marung htingkung ai, kadun akyi ai, myi machyi ai, maru ru ai hte unuk ni kadai mung sit sa lu na n rai.

MIHKA 1:11

Shahpira mare masha ni e, kaya kahpa hte singgu krin rai nna, bawng dung sa wa masu. Zanan mare hta shanu nga ai ni shanhte a mare shinggan de n pru gwi nga ma ai. Betezela mare masha ni a sharung shayawt ai nsen hpe nang na ai shaloi, dai shara hta shingbyi shara n nga ai hpe nang chye na rin dai.

NAHUM 3:5

Chyahtum Chyalai N-gun rawng ai dai Madu gaw, “Ninewe e, ngai nang hpe ari jaw na we ai! Masha amyu ni nang hpe mu la mu ga, na a kaya kahpa mahkra hpe mu la mu ga, nang hpe singgu krin raw sharun da na we ai.

TARA JAHPRANG 28:27

Dai Madu gaw Egutu masha ni hpe galaw ai zawn nanhte a ntsa e shakrwi tu shangun na ra ai. Nanhte a hkum hta mung hpye ai ningma kahpawk ga na ra ai. Machyit hte maru ru ai gaw nanhte hta chyat rai ti mung, nang hpe mai hkra tsi lajang na kadai mung nga na n rai.

SHINGRAN 16:2

Shaloi, shawng na lamu kasa pru sa nna, shi a gawm hpe ga de ru bun dat wu ai. Shaloi dai matse labye a masat dingsat shakap hkrum ai ni hte shi a hkrang sumla nawku ai masha ni hta, hkrithpa hte machyi la ai hpye shanam ai ana byin pru wa ai.