ESAIA 3:16 - Jinghpaw Common Language Bible 2009

¹⁶ Dai Madu gaw, “Yu u, Yerusalem numsha ni kade wa gumrawng gumtawng nga ma hka! Shanhte gaw shanhte a baw ni sharawt nhtawm hkawm sa ma ai. Shanhte gaw galoi mung apyaw sha hkalem sha nga ma ai. Shanhte gaw lagaw lahkam kaji sha hte nawt sa nhtawm shanhte a lagaw lahkawn ni mung sharat nga ai.

Jinghpaw Hanson Version Bible

¹⁶ Bai Yehowa gaw, Ziun shayi sha ni myit kaba ai hte, tinang du shadap let myi le le rai nawt hkawm nna, tinang lagaw lahkawn sharat ma ai majaw,

ESAIA 3:16 ပူးပေါင်းရင်းမြစ်များ

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

GA SHAGAWP 21:4

Tara n lang ai masha ni gaw shanhte a myit tsaw myit dap ai hte gumrawng gumtawng ai myit ni hta up hkang da ai hkrum nga ma ai, dai gaw yubak rai nga ai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

Shawlumon A Mahkawn Ga 3:11

Ziun numsha ni e, Hkawhkam Shawlumon hpe sa yu yu mu. Shi a hkungran poi galaw ai shani, shi a kabu gara ai hte kabu awng sharawng ai shani hta, shi a kanu gaw shi a baw hta shagup ya ai janmau hpe shi gup nga ai.

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

ESAIA 24:4

Ginding aga gaw hkun hkraw ai hte nyui nga ai; mungkan ga ting n-gun yawm nga ai; ginding aga hte sumsing lamu gaw tsam mat na ra ai.

ESAIA 3:1

Chyahtum Chyalai N-gun rawng ai Madu e, Madu gaw ya jang Yerusalem hte Yuda mung na amyu masha ni a myit mahta shara hte shamyet shanat shara rai nga ai arung arai shagu hte masha hkum shagu hte hpe la kau na hkyen nga ai. Shi gaw shanhte a malu masha hte shanhte a lu hka ni hpe mung,

ESAIA 3:17

Rai ti mung ngai gaw shanhte hpe ari jaw na we ai. Ngai gaw shanhte a baw ni hpe rep kau nna shanhte hpe pung krin tawn da na we ai.”

ESAIA 3:18

Dai Madu gaw Yerusalem numsha ni grai gumrawng gumtawng ai hte lu ai arai magup ngu na, shanhte a lagaw ni, baw ni, du ni hte

ESAIA 3:4

Dai Madu gaw amyu masha ni a ntsa e, n kung n kyang ai ma ni hpe up hkang shangun na ra ai.

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

MAHTE 21:5

Myihtoi gaw, “Ziun mare hpe tsun mu: Yu u, nanhte a hkawhkam wa gaw nanhte hpang de du sa wa ra ai! Shi gaw shagrit shanem ai myit hte, lawze kanu a kasha a ntsa e jawn nga ai; rai sa, lawze kanu a kasha ntsa e jawn nga ai,” nga ai.

LUKA 23:28

Yesu gaw shanhte hpang de kayin nna, “Yerusalem shayi sha ni e, nye a majaw hkum hkrap myit, nanhte hkum dai hte nanhte a nshu nsha ni a matu hkrap nga mu.