ESAIA 3:14 - Jinghpaw Common Language Bible 2009

¹⁴ Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

Jinghpaw Hanson Version Bible

¹⁴ Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

ESAIA 3:14 ပူးပေါင်းရင်းမြစ်များ

YOBA 22:4

Karai Kasang hpe n hkrit hkungga ai majaw nang hpe daru sharin na ra ai; shi nang hpe tara jeyang ai shara de woi sa na ra ai.

YOBA 24:14

Masha sat ai wa gaw nhtoi htoi jang rawt nna, matsan mayan ni hpe sat na nga, pru sa wa ai, shi gaw shana e hkan lagu hkawm nga ai.

YOBA 24:9

N hkru ai masha ni gaw kawa n lu ai ma kaji ni hpe mayam shatai nhtawm, matsan mayan wa a ma ni hpe hka wa shangun nga ma ai.

YOBA 34:23

Anhte a matu hkawm sa wa na lam hte shi a lata hte tara jeyang na matu, Karai Kasang hta aten masat da ya ra ai n rai.

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 14:4

Madu gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai, ngai kaw galoi mung akyu n hpyi yu ma ai,” nga nna san nga ai.

SHAKAWN KUNGDAWN 143:2

Na a shangun ma wa, ngai hpe, tara jeyang ai hpe hkum hkrum shangun nga et; na a man e, mara n kap ai masha langai mi mung n nga nga ai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 10:1

Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

ESAIA 10:2

Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 14:30

Dai Madu gaw matsan mayan re ai shi a amyu masha ni a sagu rem wa langai tai na ra ai, shi gaw shanhte hpe shim lum ai hte nga shangun na ra ai. Rai ti mung shi gaw Hpilisti masha ni a ntsa e hkrit hpa hkuwa dat dat na ra ai, dai gaw kadai hpe mung asak hkrung nga shangun na ra ai n rai.

ESAIA 26:6

Dip gamyet sha hkrum ai ni gaw de a ntsa hkan ya jang kabye hkawm lu nna dai hpe shanhte a lagaw lahpan hte kabye anut nga ma ai.

ESAIA 29:19

Matsan mayan ni hte shagrit shanem ai amyu masha ni gaw dai Madu Israela a chyoi pra ai Karai Kasang jaw ai kabu gara lam hpe kalang mi bai mu na mara ai.

ESAIA 30:12

Rai ti mung, ndai gaw Israela a chyoi pra ai Karai Kasang tsun ai ga rai nga ai: “Nanhte gaw ngai nanhte hpe tsun ai ga hpe hpa n nawn ya myit dai, nanhte gaw kashun kashe du daw sai hkaw amu hte masu magaw amu hta myit manoi nga myit dai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 58:4

Nanhte a lusha gam ai gaw kabring kabrawng du daw sai hkaw shabyin nna, nanhte gaw ga law ga la hte gasat gala nga myit dai. Dai zawn re ai lusha gam ai lam gaw nanhte a akyu hpyi ga ni hpe madat shangun na matu rai nga ai ngu, nanhte myit nawn da myit ni?

YEREMIA 12:10

Law la ai maigan up hkang du salang ni gaw nye a sabyi sun hpe jahten kau manu ai; shanhte gaw nye a sun ni hpe kabye anut kau ya mi ai; shanhte gaw tsawm la ai nye a mungdan hpe zaibru jang shatai kau ya mani ai.

YEREMIA 5:27

Jaugawng wa gaw shi a u rawng hta u law law hte jahpring da ai zawn, shanhte mung shanhte a nta ni hta lagu la lu ai arai ni hte jahpring da ma ai. Shing re ai majaw, shanhte gaw n-gun lagaw rawng wa nna sut su ai ni tai wa nga masai.

EZEKELA 18:12

Shi gaw matsan mayan ni hpe adip arip di nna maw lu maw sha ai hte hpya lu hpya sha nga ai. Hkoi la ai wa shi hpe tang da ai arung arai hpe mung mazing la kau ya nga ai. Shi gaw maigan htung tara hkan ai ni galaw da ai htingnu shara hkan sa nna matsat shabat re ai hpara sumla ni hpe nawku ai hte,

EZEKELA 20:35

Ngai gaw nanhte hpe, ‘Masha Amyu baw ni a Nam Mali’ ngu ai shara de woi jashawn nna dai yang e, nanhte hpe myi man chyaw ngai daw dan na nngai.

EZEKELA 20:36

Nanhte a kaji kawa ni hpe Sina Nam mali e ngai daw dan ni ai zawn, ya mung nanhte hpe ngai daw dan na nngai,” ngu Tsaw Htum ai dai Madu tsun ai.

JAW JAU 25:14

Dai re ai majaw nanhte Israela amyu masha shada da lamu ga mari hkat ai shaloi dip zingri lu na myit dai n rai.

JAW JAU 25:17

Nanhte Israela amyu masha manang shada da hkum maw sha hkat myit. Dai Madu nanhte a Karai Kasang a ga hpe hkrit hkungga ai hte madat mara nga mu.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

MIHKA 2:1

Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

MIHKA 2:2

Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

MIHKA 3:3

Nanhte gaw nye a amyu masha ni hpe sha kau myit dai. Shanhte a ahpyi ni hpe gawng kau nna nrut nra ni hpe daw kahtum kau nhtawm di bu hta shadu na matu shan azat ai zawn, shanhte hpe azat kau nga myit dai.

MIHKA 6:10

N hkru ai masha ni a dum nta kata na sut gan ni gaw n ding n man ai hku nna lu tawn ai arai ni rai nga ai. Shanhte gaw n teng n man ai dang hte bye ni hpe lang ma ai; dai zawn re ai mawp sha ai arai hpe ngai matsat nngai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

YAKU 2:6

Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!