ESAIA 3:13 - Jinghpaw Common Language Bible 2009

¹³ Dai Madu gaw shi a amu tsun na matu jin jin rai nga ai; shi gaw shi a amyu masha ni hpe jeyang na matu jin jin rai nga ai.

Jinghpaw Hanson Version Bible

¹³ Yehowa gaw mung masha ni hpe dawdan na matu, rawt tsap nga ai.

ESAIA 3:13 ပူးပေါင်းရင်းမြစ်များ

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 74:22

Karai Kasang e, rawt u, nang galaw ai amu hpe makawp maga u! karai kata ai masha ni gaw shani tup nang hpe mani asawng nga ma ai hpe dum nga u.

SHAKAWN KUNGDAWN 82:1

Karai Kasang gaw sumsing lamu na kongsi hpe woi awn nga ai; karai ni a zup hpawng hta shi a daw dan ai lam hpe tsun dan nga ai;

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 51:22

dai Madu na a Karai Kasang gaw nang hpe makawp maga ai hte, “Nye a masin kahtet ai majaw nang hpe jaw ai gawm hpe ngai la kau nga nngai. Nang gaw nang hpe ndi nda byin shangun ai sabyi ntsin hpe galoi mung lu ra sana n rai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

YOELA 3:12

“Masha amyu baw ni gaw Tara Jeyang ai Kadit de sa na jin jin rai nga lu na rai ma ai. Dai yang e, dai Madu ngai nan grup yin masha amyu baw ni yawng hpe tara jeyang na matu dung nga na nngai.

MIHKA 6:1

Israela hte dangrang hkat ai dai Madu a amu hpe madat mu. O Madu e, rawt u, na a amu jashawn u; bum ni hte kawng ni nang hpa tsun ai lam na la mu ga.

MIHKA 6:2

Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.