ESAIA 3:11 - Jinghpaw Common Language Bible 2009

¹¹ Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

Jinghpaw Hanson Version Bible

¹¹ Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

ESAIA 3:11 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

2 SAMUELA 3:39

Ngai gaw Karai Kasang e lata san da sai hkawhkam rai nga tim pyi, dai ni ngai gawng kya nga nngai. Ndai Zeruia a kasha ni gaw nye a matu nau wa ja la nga masai. Ndai ru hka amu galaw shapraw ai majaw shanhte hkam la ging ai hte maren dai Madu ari jaw ya u ga law!,” ngu nna tsun wu ai.

1 HKAWHKAM 21:21

Dai rai nna dai Madu gaw nang hpe, “Na a ntsa e tsin-yam tsindam shangun dat nhtawm nang hpe mung, na a dinghku na kaji kaba n nga, lasha shagu hpe yeng seng kau na ra ai.

2 HKAWHKAM LABAU 6:23

O Madu e, sumsing lamu hta e madat la nna na a shangun ma ni hpe jeyang mi; mara kap ai wa hpe shi hkam la ging ai hte maren ari jaw u, mara n kap ai wa hpe chyawm gaw shi hkam la ging ai hte maren mara dat ya u law.

YOBA 10:15

Ngai shut hpyit mara galaw ai shaloi jang, ngai hta ru yak tsin-yam hkrum nngai, rai ti mung, jaw ai amu hpe ngai galaw ai shaloi, ngai gaw arawng sadang hkam la lu ai n rai. Ngai gaw nni nkri hte kaya kahpa e htinggrum da hkrum nga nngai.

SHAKAWN KUNGDAWN 28:4

Shanhte hpa galaw sai lam hte shanhte shut hpyit kau sai n hkru n shawp ai amu a matu, shanhte hpe ari jaw u; shanhte a sat lawat yawng a matu shanhte hpe ari jaw u; shanhte hpe ang ai hte maren tai ya u!

SHAKAWN KUNGDAWN 62:12

O Madu e, nang na masha shagu hte hpe tinang galaw ai amu hte maren, shagrau kumhpa jaw ya nga u law.

GA SHAGAWP 1:31

Dai re ai majaw, nang galaw ai hte maren, nang hkam la lu na ra ai rai nna, nang galaw ai amu gaw nang hpe nchyi nmu hkrum shangun na ra ai.

GA SHAGAWP 11:31

Mai kaja ai masha ni gaw ndai dinghta ga ntsa e, shagrau ai hpe hkam la lu nga ai; tara n lang ai ni hte yubak kap ai masha ni chyawm gaw ari hkrum na mara ai lam, nang hkrak chye lu na ndai.

GA SHAGAWP 12:14

Na a shagrau kumhpa gaw nang tsun shaga ai ga hte nang galaw ai amu bungli ni hta madung rai nga nna, nang hkam la ging ai lam nang lu la na rin dai.

GA SHAGAWP 26:27

Kaga masha ni a matu, mahkam hkam da ai ni gaw shanhte hkum nan dai hta ahkang la na mara ai; sharut gyi hkra galaw hpang dat ai wa gaw shi nan dai hta agrawp lawm na ra ai.

HPAJI NINGLI 8:13

rai ti mung, dai chyawm gaw tara n lang ai wa a matu ngamu ngamai lam rai na ra ai n rai. Shanhte a asak hkrun lam gaw shingnip zawn rai nga ai; Karai Kasang a ga hpe shanhte n madat nga ma ai majaw asak naw kaji yang shanhte si mat na mara ai.”

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 48:22

Dai Madu gaw, “Yubak kap ai ni a matu shim lum lam n nga nga ai,” ngu nna tsun ai.

ESAIA 65:20

Ma chyangai ni ma prat hta galoi mung si na mara ai n rai, amyu masha ni yawng hte gaw shanhte a asak hpring hkra nga lu na mara ai. Asak latsa ning du hkra hkrung nga lu ai wa hpe pyi, ma kaji ngu nna myit la na mara ai. Dai latsa ning a shawng e si mat ai rai yang, ngai shanhte hpe ari jaw sai masat kumla tai na ra ai.

ESAIA 65:6

“Ngai gaw shanhte hpe ari jaw na matu daw dan da chyalu rai ni ai, shanhte a ari hpe mung ka matsing da sai. Shanhte galaw kau sai amu hpe yu numtawt kau ya na nngai n rai, rai ti mung shanhte galaw shut ai yubak mara ni hte

ESAIA 65:7

shanhte a kaji kawa ni a yubak ni a matu chyawm gaw shanhte hpe bai htang jaw na nngai. Shanhte gaw tara maigan masha ni a kawng ntsa na nawku shara ni hta manam pyaw ai baw nat nna ngai hpe n shawp ai ga tsun ma ai. Dai re ai majaw, lai sai aten na shanhte a arawn alai hte maren, shanhte hpe ngai ari jaw na we ai.”

YEREMIA 21:14

Rai ti mung, nang galaw sai amu ni hte maren, ngai nang hpe ari jaw na we ai. Na a hkawhkam htingnu hpe mung wan nat kau na we ai, shing rai dai wan gaw grup yin yawng mayawng hpe hkru kau na ra ai. Dai Madu ngai nan tsun ni ai.”

YEREMIA 31:30

Shing ngu tsun na malai, kadai rai ti mung hkri ai sabyi si ni hpe sha ai wa gaw wa makrim na ra ai, shi galaw ai yubak a majaw langai hte langai si na mara ai,” ngu nna dai Madu ngai nan tsun ni ai.

EZEKELA 16:59

Tsaw Htum ai dai Madu gaw, “Nang gaw na a ga sadi ni hpe hpa n sawn ya ai hte ga shaka hpe jahten kau nit dai majaw, nang hpe ging dan ai hku ngai nang hpe di na nngai.

EZEKELA 18:20

Yubak galaw ai wa gaw si na ra ai. Kawa galaw ai yubak ni a majaw kasha hkam ra na n rai, kasha galaw ai yubak ni a majaw kawa hkam na ra ai n rai. Mai kaja ai masha wa gaw shi galaw ai mai kaja ai amu a majaw shagrau sha-a hkrum nna, n hkru ai masha wa gaw shi galaw ai n hkru ai amu a shabrai hpe hkam la na ra ai.

EZEKELA 2:10

Dai lata hta rawng ai laika katsu hpe hpyan dat yang, laika man lahkawng maga hta ka da ai yawn hkyen hkrap ngu hkrap ngoi nsen ga, hkrap agru ai nsen hte yawn madai sharung shayawt ai ga ni hte ka da ai hpe ngai mu nngai.

EZEKELA 24:14

Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

EZEKELA 33:8

Ngai gaw n hkru ai wa hpe nang teng teng si lu na ndai, ngu nna tsun ti mung, shi gaw shi a asak hkye la lu u ga, shi a lam ni galai shai mat wa hkra nang n shadum jahprang ai rai yang chyawm gaw yubak mara naw kap nga ai wa zawn shi si wa na ra ai. Ngai gaw shi a si hkrung si htan a matu lit nga ai nang hpe bunglat hka hpyi na nngai.

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

MIHKA 7:13

Rai ti mung dai mungkan ga hta nga ai ni a n hkru ai amu ni a majaw, mungkan ga gaw katsi katsang shara tai mat na ra ai.

BU HKAWM 32:23

Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.

2 KORINHTU 5:10

Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

TARA AGYI 9:57

Gidon a kasha Yohtam gaw shanhte hpe matsa ai hte maren Shehkem masha ni shanhte nan galaw ai n hkru n shawp ai a matu Karai Kasang gaw shanhte hpe nni nkri jahkrum mu ai.