ESAIA 29:9 - Jinghpaw Common Language Bible 2009

⁹ Matut nna myit n su nga mu! Matut nna myi di nga mu! Sabyi n lu ti mung nang nga mu! Chyaru kahte mi n lu tim ndi nda rai nga mu!

Jinghpaw Hanson Version Bible

⁹ Mak mat nna mau nga mu; myi di nna n mu nga mu; shanhte tsabyi jahku hte nang ai n rai, chyaru hte ndi nda re ai n rai.

ESAIA 29:9 ပူးပေါင်းရင်းမြစ်များ

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 19:14

Dai Madu gaw shanhte hpe shanut shanat rai nga ai hpaji jaw nu ai. De a akyu gaw, chyaru nang ai wa gaw tinang a nhpat hta bai galwi la ai zawn Egutu mung gaw lam shagu hta shut hpyit amu galaw ai hte ndi nda rai nga ai.

ESAIA 29:1

Karai Kasang a tawn hkungri ngu ai Yerusalem nan dingnye hkrum nga sai! Dawi dabang but ai mare gaw dingnye hkrum nga sai! Lusha poi hte poi shingra ladaw ni hpe laning mi hta laning mi kahtap nna galaw nga mu.

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

ESAIA 56:10

Shi gaw, “Nye a amyu masha ni hpe sadi jaw na zawn nawn ai ningbaw ni yawng, myi kyaw nga ma hka! Shanhte gaw hpa mung n chye ma ai. Shanhte gaw n wau ai sha, sin yu nga ai gwi ni hte bung ma ai-shanhte gaw hpum yup nga nna yup mang mu ma ai. Shanhte yup nga ai gaw kade sha yu tsaw ra hpa rai nga a hka!

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

ESAIA 63:6

Nye a masin kahtet ai hta, ngai gaw masha amyu baw ting hpe kabye anut kau ai hte shanhte hpe gamang ayai kau ni ai. Ngai gaw shanhte a asak sai hpe ga ntsa e ru kau ni ai,” ngu nna tsun ai.

YEREMIA 13:13

Dai hpang, shanhte hpe tsun u, Dai Madu ngai nan Dawi a aru arat ni rai nga ai hkawhkam ni, hkinjawng ni, myihtoi ni hte Yerusalem mare masha ni yawng sabyi ntsin nang mat ai aten du hkra, ndai mungdan hta nga ai amyu masha ni hpe sabyi ntsin hte jahpring da na we ai.

YEREMIA 2:12

Dai rai nna, ngai gaw shamau kau na matu hte mau mahka mat na matu, ja ja hkrit gari ai hte ashun na matu sumsing lamu hpe hkang da nngai,

YEREMIA 23:9

Nye a myit masin gaw daw hten mat ni ai, ngai gaw gari ashun nga nngai. Dai Madu a majaw mung, shi a chyoi pra ai mungga ni a majaw mung, ngai gaw chyaru nang ai masha wa hte sabyi ntsin ladu lai hkra lu nang ai masha wa zawn rai nga nngai.

YEREMIA 25:27

Dai hpang, dai Madu gaw ngai hpe, “Chyahtum Chyalai N-gun Rawng ai dai Madu Israela a Karai Kasang ngai nan shanhte hpang de shangun dat ai hpyen majan a majaw shanhte lu nang, madawn ai hte kataw mat nna n lu sharai rawt mat hkra dai ntsin lu na matu ngai hkang da ni ai lam shanhte hpe tsun u.

YEREMIA 4:9

Dai Madu gaw, “Dai shani e, hkawhkam ni hte du salang ni gaw myit n-gun htum mat na mara ai; hkinjawng ni mak mat nna, myihtoi ni mau mahka mat na mara ai,” ngu nna tsun wu ai.

YEREMIA 51:7

Babelon gaw nye a lata hte lang nna mungkan ting hpe shanang kau ai ja gawm zawn rai nga ai. Masha amyu baw ni gaw dai hta rawng ai sabyi ntsin hpe lu nang nna, shanhte chye ai hku hkawm nga ma ai.

SHARUNG SHAYAWT 4:21

Edom hte Uza mung masha ni e, mani sumsai rai nga mu; nang dang lu ai made kabu gara nga u. Na a ru yak tsin-yam tsindam mung du wa ra ai; nang mung ndi nda rai lam hkawm nhtawm singgu krin kaya kahpa hkrum na rin dai.

HABAKU 1:5

Dai hpang, dai Madu gaw shi a amyu masha ni hpe, “Nanhte hpe wang gawan da nga ai masha amyu ni hpe yu shati nga mu, nanhte gaw nanhte hpa mu ai lam hpe mau mat na myit dai. Nanhte dai lam na ai shaloi, nanhte n kam lu ai lam lama mi hpe ngai shabyin dat na nngai.

MAHTE 26:45

Dai hpang sape ni kaw shi bai nhtang wa nna, “Nanhte gaw naw yup pyaw nga nna hkring sa la nga myit ni? Yu mu! Dai ahkying ni wa magang ra ai rai nna dai Masha Kasha gaw yubak kap ai ni a lata hta e, ap kau ai hkrum na ra ai.

MARKU 14:41

Masum lang ngu na nhtang wa yang, “Nanhte gaw naw yup pyaw nga nna hkring sa la lu nga myit ni? Ram sai! Ahkying aten du sai! Yu mu, dai Masha Kasha gaw yubak kap ai ni a lata hta ap kau ai hkrum na ra ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.