ESAIA 29:3 - Jinghpaw Common Language Bible 2009

³ Karai Kasang gaw dai mare hpe gasat na ra ai, dai mare grup yin e dap jung na ra ai, dai mare hpe wang tawn na ra ai.

Jinghpaw Hanson Version Bible

³ Ngai gaw na a grup yin e dap jung na nngai; san da ai luksuk ni hte nang hpe wang tawn nna, kaduk htu na nngai.

ESAIA 29:3 ပူးပေါင်းရင်းမြစ်များ

2 HKAWHKAM 18:17

Asuri hkawseng wa gaw Yerusalem mare e nga ai Hezekia hpe Lahkisha mare kaw nna htim gasat na matu hpyen hpung kaba langai mi dat dat wu ai: dai luksuk hpe shi a npu na tsaw htum ai du kaba masum e up hkang da nga ma ai. Shanhte Yerusalem mare de du shang wa jang, lahta hka lawng kaw nna hka la yu wa ai hka hkawng makau e hpun nba hkrut ai ni lang ai nmaw lam hpe sa madu la nga ma ai.

2 HKAWHKAM 19:32

“Ndai lam gaw Asuri Hkawseng wa hte seng ai dai Madu tsun da sai mungga rai nga ai: ‘Shi gaw dai mare de shang wa lu na n rai: dai mare kata de pala langai mi pyi gap bang lu na ra ai n rai. Dai mare makau hkan e mung, hpyenla ni hpyen ninggang shaw madun lu na n rai, ga sumpum ni hpe gawan da lu na ra ai n rai.

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

EZEKELA 21:22

Ya chyawm gaw! Shi a hkra lata hte ‘Yerusalem’ hpe sha-ang ai pala hpe jum da nu ai! Dai gaw bunghku sharun ai gawng hpe tawn da na matu mung, hpyen gasat ai shaloi jahtau garu na matu mung, mare chyinghka ni hpe jahten na gawng tawn da na matu mung, kawng e dap jung na hte kaduk ni htu na matu mung, shi hpe tsun dan nga ma ai.

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

TARA JAHPRANG 20:20

Kaga hpun ni hpe chyawm gaw nanhte mai kran kau nga ai; mare hpe gasat dang la lu ai aten du hkra, dai ni hpe kaduk kum ai hta akyu jashawn lang mu.