ESAIA 29:2 - Jinghpaw Common Language Bible 2009

² Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

Jinghpaw Hanson Version Bible

² shaloi ngai gaw Ariela hpe sharu shatsang nna, sharung shayawt ai hte myit yawn ai pru na ra ai; rai timung shi gaw nye a man e Ariela zawn naw rai nga na ra ai.

ESAIA 29:2 ပူးပေါင်းရင်းမြစ်များ

ESAIA 1:14

Ngai gaw Shata Praw e galaw ai Lusha Poi ni hte chyoi pra ai nhtoi ni hpe n dawng nngai; dai ni gaw sharu shayak ai lit rai nna ngai gaw hkam sharang ai hte hki ba nga nngai.

ESAIA 10:32

Dai ni jang, gumlau hpyen ni gaw Noba mare hta nga nga ma ai, dai yang e shanhte gaw Ziun Bum ngu ai Yerusalem mare hpe sha-ang nna shanhte a lata latup nna kanga dan ma ai.

ESAIA 17:14

Shanhte gaw shana de e hkrit kajawng hpa shabyin dat ma ai, rai ti mung jahpawt manap e, shanhte hkoi mat ma ai. Dai gaw anhte a mung hpe hpya lu hpya sha ai masha shagu hte a hpang jahtum na lam rai nga ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 34:6

Shi a nhtu gaw hkungga nawng ya ai sagu bainam ni a asai hte asau ni zawn sai hkru nga nna sau abya taw nga na ra ai. Dai Madu gaw Bozra mare e ndai hkungga nawng ya na ra ai; shi gaw Edom mung hta e sat poi kaba galaw na ra ai.

ESAIA 36:22

Dai hpang Eliakim, Shebna hte Yoa ni gaw yawn madai ai hte shanhte a bu hpun palawng ni hpe gang je kau ai hte Asuri hpyen du wa kaning nga tsun sai ga hkawhkam wa hpang de shiga wa shana ya ma ai.

ESAIA 37:3

Ndai gaw Esaia hpe sa tsun na matu shi shanhte hpe hkang dat ai ga rai nga ai: “Dai ni na nhtoi gaw nni nkri hkrum sha ai shani rai nga ai; anhte gaw ari hkrum sha nna kaya kahpa hkrum nga saga ai. Anhte gaw ma shangai na matu jin jin rai nga sai, rai ti mung shangai lu na matu n-gun n rawng ai numsha langai hte bung nga saga ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 39:17

Tsaw Htum ai dai Madu gaw ngai hpe, “Si chye ai masha wa e, ntsa malen u ni hte matse labye dusat dumyeng mahkra hpe shanhte a matu lajang da ya nga ai shagu hkungga sa sha na matu shara shagu de na sa zup na saw shaga dat u. Dai gaw Israela bum ni a ntsa na kaba htum ai lusha poi rai na ra ai; shanhte gaw shan sha lu nna asai mung lu lu na mara ai.