ESAIA 28:9 - Jinghpaw Common Language Bible 2009

⁹ Shanhte gaw ngai hte seng ai lam hta aput angun rai ma ai. Shanhte gaw, “Shi kadai hpe sharin achyin ya nga ai gaw kadai hpe rai nga a ta? Shi a mungga hpe kadai wa ra marit nga ma ta? Dai gaw ya sha chyu jahka kau sai ma ni a matu chyu sha mai kaja nga ai!

Jinghpaw Hanson Version Bible

⁹ “Dai myihtoi wa gaw kadai hpe sharin mayu a ta? shi tsun ai shiga, kadai hpe chye shangun a ta? Chyu chyu nna, kanu a madoi chyu hpang hta hka ai ni hpe, rai kun?

ESAIA 28:9 ပူးပေါင်းရင်းမြစ်များ

SHAKAWN KUNGDAWN 131:2

Shing rai na malai, ngwi pyaw sim sa ai lam hta ngai myit dik myit hkut nga nngai. Chyu chyu ai ma gaw shi kanu a lahpyen hta atsin sha yup galeng taw nga ai zawn, nye a myit masin mung atsin sha nga nga li ai.

SHAKAWN KUNGDAWN 50:17

Ngai shading sharai ai ga hpe nang ningdang kau nna; nye a hkang da ai ga ni hpe nang nyet kau nga ndai.

GA SHAGAWP 1:29

Nang gaw machye machyang hpaji loi mi hpe pyi, galoi mung akyu n jashawn yu nga ndai, dai Madu hpe hkrit hkungga na matu mung, tut nawng e, ningdang kau nga ndai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 28:26

Karai Kasang gaw shanhte hpe sharin ya nu ai majaw shanhte a amu hpe gara hku galaw na lam shanhte chye ma ai.

ESAIA 30:20

Dai Madu gaw nanhte hpe nni nkri hkrum shangun nga ai, rai ti mung shi nan dai shara hta nanhte hpe sharin achyin ya na matu nga nga na ra ai, nanhte gaw shi hpe loi mi mung hkan tam la ra na ra ai n rai.

ESAIA 48:17

Nang hpe hkye la ai dai Madu Israela a chyoi pra ai Karai Kasang gaw ning nga tsun ai: “Ngai gaw na a mai kaja lam a matu nang hpe sharin achyin ya mayu ai wa hte nang hkawm sa mai ang ai lam hta nang hpe lakawn la ai wa dai Madu na a Karai Kasang rai nga nngai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 53:1

Amyu masha ni gaw, “Anhte ya htawn tsun ai shiga hpe kadai wa kam nga sata? Ndai amu hta dai Madu a lata hpe kadai mu lu sata?

ESAIA 54:13

“Ngai hkum nan na a amyu masha ni hpe sharin achyin ya na nngai, shanhte hpe ngamu ngamai lam hte ngwi pyaw sim sa lam jaw ya na nngai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 6:10

Ngai gaw, “Ngai shanhte hpe ga shaga nna sadi jaw ai rai yang, nye a ga hpe kadai madat ya na rai ta? Shanhte gaw du ja ai hte na a mungga hpe n kam madat ma ai; nang ngai hpe tsun shangun ai lam hpe shanhte mani asawng kau ya nga ai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MARKU 10:15

Nanhte hpe ngai teng teng tsun made ga, kadai rai ti mung, Karai Kasang a mungdan hpe ma kaji langai mi zawn n hkap la ai wa gaw, dai hta e kaja wa n shang lu na ra ai,” ngu nna shanhte hpe tsun mu ai.

YAWHAN 12:38

Ning rai byin ai gaw, “Madu e, anhte tsun ai ga hpe kadai kam ya a ta? Kadai wa kaw dai Madu a n-gun atsam shadan dan a ta?,” nga nna myihtoi Esaia tsun ai ga dik u ga, she byin wa sai.

YAWHAN 3:19

Tara dara ai masa lam ndai hku rai nga ai; nhtoi gaw ndai mungkan ga de du sa sai, rai ti mung masha ni a arawn alai n shawp nga malu ai majaw, shanhte gaw nsin hpe nhtoi hta grau tsaw ma ai. Dai gaw tara dara hkrum ai lam nan rai nga ai.

1 PETRU 2:2

Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.