ESAIA 28:6 - Jinghpaw Common Language Bible 2009

⁶ Shi gaw tara agyi amu galaw ai ni hpe teng man ai nyan hte, mare chyinghka lam e hpyen hkap manga kau lu ai ni hpe n-gun atsam jaw na ra ai.

Jinghpaw Hanson Version Bible

⁶ tara tingnyang hta dung ai wa hpe tara ding ai nyan, mare chyinghka lam e hpyen hkap manga kau lu ai ni hpe n-gun atsam jaw na ra ai.

ESAIA 28:6 ပူးပေါင်းရင်းမြစ်များ

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

2 HKAWHKAM LABAU 32:6

Shi gaw mare kata na lasha ni yawng hpe luksuk du magam ni a npu hta tawn da nna mare chyinghka na dam ai shara e shanhte hpe jahpawng da nga ai. Shi gaw shanhte hpe,

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai; ru tsang hkrum ai aten ni hta karum la na, tut nawng jin jin rai nga ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

GA SHAGAWP 20:8

Tara tingnyang hta dung nga ai hkawhkam wa gaw n hkru ai lam hpe shi mu ai shaloi, dai lam yawng mayawng hpe shi chye nga ai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

ESAIA 33:5

Dai Madu gaw kade sha galu kaba nga a hka! Shi gaw arai yawng mayawng hpe up nga ai. Shi gaw Yerusalem hpe teng man rap ra ai tara hte ding hpring ai lam hte jahpring da na ra ai,

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

ZEHKARIA 12:5

Dai hpang, Yuda amyu lakung ni gaw shanhte a myit kraw kata hta, ‘Chyahtum Chyalai N-gun rawng ai Madu Karai Kasang gaw Yerusalem hta nga ai shi a amyu masha ni hpe n-gun jaw ya nga ai,’ ngu nna tsun na mara ai.

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

YAWHAN 5:30

Ngai gaw nye a myit hte hpa mung n galaw lu nngai; ngai gaw Karai Kasang tsun ai hte maren sha jeyang nngai; nye a jeyang daw dan ai lam mung ding man li ai; hpa majaw nga yang, ngai gaw ngai ra ai lam hkan galaw na matu shakut nga nngai n rai, ngai e shangun dat ai wa a ra ai lam hkan galaw na matu chyu sha tam shakut nga nngai.

1 KORINHTU 12:8

Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

TARA JAHPRANG 20:4

Dai Madu nanhte a Karai Kasang gaw nanhte hte rau sa wa nga ai rai nna shi nanhte hpe awng padang jaw ya na ra ai,’ ngu nna tsun na rai wu ai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.