ESAIA 28:5 - Jinghpaw Common Language Bible 2009

⁵ Chyahtum Chyalai N-gun rawng ai dai Madu gaw ngam nga ai shi a amyu masha ni a matu arawng sadang hte hpring ai nampan janmau zawn tai ai nhtoi langai du wa ra ai.

Jinghpaw Hanson Version Bible

⁵ Dai shani e, Zaw nawng zaw wa up ai Yehowa gaw, naw ngam nga ai, shi a amyu masha ni a matu, arawng sadang janmau hte tsawm htap ai shanghkawng tai na ra ai.

ESAIA 28:5 ပူးပေါင်းရင်းမြစ်များ

YOBA 29:14

Ngai gaw tut nawng rap ra ai tara hte amu galaw nngai.

ESAIA 11:16

Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

ESAIA 24:16

Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

ESAIA 4:3

Naw ngam nga na matu Karai Kasang e lata da sai Yerusalem e ngam da hkrum sai masha shagu hte gaw chyoi pra ai ni ngu shaga hkrum na mara ai.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 60:19

“Ajan gaw na a matu shani na nhtoi tai sana n rai, Shata gaw na a matu shana na nhtoi tai sana n rai; Dai Madu ngai gaw na a matu htani htana nhtoi tai nga na nngai; Nye a hpung shingkang a nhtoi gaw na a ntsa e htoi tu nga na ra ai.

ESAIA 62:3

Nang gaw dai Madu a matu tsawm htap ai janmau langai zawn tai na rin dai.

EZEKELA 16:12

Na a ladi hta shanghkawng, na a na hta lakan ngai bang ya nna, na a baw ntsa e tsawm htap ai janmau shagup ya nngai.

ZEHKARIA 12:5

Dai hpang, Yuda amyu lakung ni gaw shanhte a myit kraw kata hta, ‘Chyahtum Chyalai N-gun rawng ai Madu Karai Kasang gaw Yerusalem hta nga ai shi a amyu masha ni hpe n-gun jaw ya nga ai,’ ngu nna tsun na mara ai.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.