ESAIA 28:22 - Jinghpaw Common Language Bible 2009

²² Ngai nanhte hpe jaw ya nga ai shadum jahprang ga hpe hkum mani asawng kau myit! Nanhte dai hku galaw ai rai yang, dai gaw nanhte a matu hprawng lawt lu na pyi grau nna ayak ahkak tai wa na ra ai. Mungdan ting hpe jahten kau na matu Chyahtum Chyalai N-gun rawng ai dai Madu a daw dan lam hpe ngai na ni ai.

Jinghpaw Hanson Version Bible

²² Ya chyawm gaw nanhte gyit hkang ai grau nna n hkrum myit ga, jahpoi ai ga hkum tsun myit: kaning rai nme law, lamu ga ting hpe dawdan shamyit kau na nga ai ga, Zaw nawng zaw wa up ai Madu Yehowa kaw na, ngai na se ai.

ESAIA 28:22 ပူးပေါင်းရင်းမြစ်များ

2 HKAWHKAM LABAU 30:10

Shiga gun ai ni gaw Ehprim hte Manashe amyu bawsang ni nga ai mare shagu hte dingdung maga Zebulun amyu bawsang ni nga ai shara de du hkra jawt hkawm ma ai; rai ti mung amyu masha ni chyawm gaw shanhte hpe mani asawng nna ashu kau ma ai.

2 HKAWHKAM LABAU 33:11

Dai re ai majaw, dai Madu gaw Asuri hpyen luksuk a up hkang du ni hpe Yuda mung de sa shang gasat shangun wu ai. Shanhte gaw Manashe hpe rim la nhtawm chyinghkyi ni hte sin-yu ni hte hkang nna Babelon mung de woi mat wa ma ai.

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

SHAKAWN KUNGDAWN 107:16

Shi gaw mare chyinghka ni hpe agrawp kau nna, hpri htinggrang ni hpe kahtum kadaw di kau nu ai.

PRU MAT 8:25

Dai hpang hkawhkam wa gaw Mawshe hte Arun yan hpe shaga la nhtawm, “Nanhte sa nna ndai mung e nan nanhte a Karai Kasang hpe shagu hkungga ni nawng ya mu,” ngu nna tsun wu ai.

GA SHAGAWP 19:29

Rai dum nna angawk ai wa gaw anu gayat ai hpe teng teng hkam la na rai nga ai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 28:23

Ngai tsun nga ai ga madat mu; ngai nanhte hpe tsun dan nga ai ga hta myit maju jung mu.

YEREMIA 15:17

Ngai gaw nye a aten hpe kaga masha ni hte mani sengbreng hkawm nna aten shama kau ai n rai. Na a hkang da ai ga ni hpe madat mara na matu ngai hkrai sha nga nga nna masin kahtet ai hte hpring nga nngai.

YEREMIA 20:7

Madu e, nang gaw ngai hpe masu hkalem kau nit dai, ngai mung masu hkalem hkrum nga nngai. Nang gaw ngai hta grau nna n-gun ja nga ndai, nang gaw ngai hpe ka-up dang kau nga ndai. Masha shagu ngai hpe mani asawng ma ai; shanhte gaw ngai hpe shani tup mani asan nga ma ai.

YEREMIA 25:11

Dai mungdan ting gaw shingran sharat katsi katsang tai mat wa nna yu kajawng mat na zawn re ai shara tai mat na ra ai, shing rai grup yin mungdan ni yawng gaw Babelon Hkawhkam wa hpe shaning sanit shi ning tup galaw daw jau na mara ai.

YEREMIA 36:23

Yehudi gaw laika daw masum mali hpe sha naw hti ngut ai hte rau hkawhkam wa gaw nhkyi kaji hte dai laika katsu hpe gadoi ashin kau nhtawm wan htung kata de kabai bang kau wu ai. Shi gaw dai laika katsu ting hkru mat hkra nat kau wu ai.

YEREMIA 39:7

Dai hpang, shi gaw Zedekia a myi hpe achyaw baw kau ya nna, Babelon mung de woi mat wa na matu hpri sumri hte gyit sumroi da ma ai.

SHARUNG SHAYAWT 1:14

“Shi gaw nye a yubak ni yawng hpe matsing da nhtawm dai ni yawng hpe gumhpawn gyit majaw da nga ai; Shi gaw dai ni hpe nye a du grup grup gyit noi da ya mi ai majaw, ngai gaw dai yubak htumbyen kata e n-gun kya ai hte taw nga nngai. Madu gaw ngai hpe nye a gumlau hpyen ni a lata de ap kau nu ai majaw, ngai gaw shanhte hpe ninghkap lu na matu karum la lam n lu rai nga nngai.

EZEKELA 22:14

Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

NAHUM 1:9

Nanhte gaw Madu hpe ninghkap na hpa baw maw mawn nga myit ni? Shi gaw nang hpe jahten shaza kau na ra ai. Kadai mung shi hpe kalang mi hta jan nna ninghkap lu ai n rai.

MAHTE 27:39

Lam e lai sa wa ai ni mung, shi hpe shatan nhkan di nna, tinang a baw ni hpe kanga let,

MAHTE 27:44

Shi hte rau jen da hkrum ai damya yan pyi gaw dai hte maren shi hpe jahpoi asawng mu ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.