ESAIA 28:17 - Jinghpaw Common Language Bible 2009

¹⁷ Teng man rap ra ai gaw npawt nhpang a matu shadawn sumri tai na ra ai, ding man ai gaw de a joi si sumri rai na ra ai,” ngu nna tsun ai. Sin marang gaw nang manoi nga ai masu magaw ga mahkra hte hpe ye magawn mat wa nhtawm, mawru hka hpungla gaw nanhte a shim lum ai nga shara hpe agre jahten kau ya na ra ai.

Jinghpaw Hanson Version Bible

¹⁷ Dai hta kaga ngai gaw, tara ding ai hpe mahkret sumri, dinghpring ai hpe shadawn chyu shatai nna, sin laru gaw masu matsa ga a shingbyi shara jahkoi kau ai hte, hka hpungla ni gaw makoi shara hpe lim kau na ra ai.

ESAIA 28:17 ပူးပေါင်းရင်းမြစ်များ

2 HKAWHKAM 21:13

Samari hpe ngai galaw ai zawn mung Israela Hkawhkam Ahab hte shi a amyu matu ni hpe di ai zawn Yerusalem mare hpe ngai ari jaw na we ai. Hka wan hpe katsut jasan kau nna dagup da ai zawn Yerusalem mare e nga ai amyu masha ni hpe katsut jasan kau na we ai.

YOBA 22:16

Shanhte a aten garai n du yang, hka mawru hpungtun e kashin shayawng kau ai hkrum nga masai.

SHAKAWN KUNGDAWN 94:15

Tara rung ni hta teng man ai lam hpe bai mu lu wa na ra ai; ding hpring ai masha ni yawng hte mung dai lam hpe madi shadaw na mara ai.

ESAIA 10:22

Israela amyu masha ni gaw ya rai tim panglai hkin-gau na zaibru tum ni daram law htam nga ma ti mung, ngam ai loi mi chyu sha nhtang wa na mara ai. Sharun jahten ai gaw amyu masha ni a matu mahkawng da ya nga ai, dai gaw hpring tup hkra hkam la lu na mara ai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 30:28

Shi gaw arai yawng mayawng hpe agre shayawng kau dat ai mawru hka hpungla zawn shi a man e nbung hpe dat dat nga ai. Dai gaw masha amyu baw ni hpe hten byak lam de ye magawn mat wa nna shanhte a n hkru n shawp ai maw mawn lam ni hpe jahtum kau ya na ra ai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 5:16

Rai ti mung Chyahtum Chyalai N-gun rawng ai dai Madu gaw teng man ai amu galaw let shi a galu kaba ai lam hpe madun dan nga ai, shi gaw shi a amyu masha ni hpe tara jeyang ai hku nna shi a chyoi pra ai lam hpe hpaw dan nga ai.

ESAIA 61:8

Dai Madu gaw, “Ngai gaw teng man rap ra ai tara hpe tsaw ra nngai, ngai gaw dip gamyet sha ai amu hte ru hka amu hpe n dawng nngai. Ngai gaw nye a amyu masha ni hpe kangka ai hte kumhpa shagrau na nngai. Shanhte hte htani htana ga shaka tawn da na nngai.

YEREMIA 19:7

Ngai gaw Yuda mung masha ni hte Yerusalem mare masha ni a myit maw ai lam yawng hte hpe ndai shara e shabyak kau ya na we ai. Shanhte a gumlau hpyen ni shanhte hpe dang kau ai hte majan pa e shanhte hpe sat kau shangun na we ai. Shanhte a moi mang ni hpe ntsa malen u ni hte matse labye dusat ni a matu lusha zawn ngai jaw na we ai.

YEREMIA 23:19

Shi a pawt sindawng ai gaw nbung laru rai nga nna dai sindawng kahtet ai bungsha gaw n hkru ai wa a baw ntsa e ahpawt na ra ai,

YEREMIA 7:14

Dai rai nna, ngai gaw Shilo shara hpe di kau we ai zawn nang kam hpa nga ai ndai nye a Nawku Htingnu hpe mung di kau na we ai. Na a nji nwa ni hte nang hpe jaw ai ndai shara hpe mung Shilo shara e ngai di kau ai zawn di na we ai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

Daniela 11:22

Shi hte nhtan shai ai ni kadai mung Karai Kasang a Hkinjawng Kaba wa du hkra pyi magawn kau ai yeng seng kau hkrum na ra ai.

NAHUM 1:8

Shi gaw shi a gumlau hpyen ni hpe mawru kaba zawn atsai awai jahten kau nga ai; shi gaw shi hte nhtan shai ai ni hpe shanhte a si du a lata de sa dat ya nga ai.

MAHTE 7:27

Dai marang htu nna, hka tung wa ai hte nbung bung wa nna, dai nta hpe ahtu wu ai rai nna dai gaw kadawng daw mat ai; de a kadawng daw mat ai gaw nyawp rap rai nga ai!,” ngu nna hkaw dan mu ai.

ROMA 2:2

Shing re ai amu ni hpe galaw ai masha ni a ntsa e Karai Kasang jeyang daw dan ai gaw, teng man nga ai hpe anhte chye nga ga ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

ROMA 9:28

Hpa majaw nga yang, Madu gaw mungkan ga na masha ni hpe lawan ai hku tara jeyang ai lam shadik shatup na ra ai,” nga ai.

YAWSHU 10:11

Israela hpyen luksuk ni a lata kaw na uhkan hku Amori masha ni ru htaw yu wa nga ma yang, dai Madu gaw lamu de na sin tawng kaba jahkrat bun ai rai nna Azeka mare lam dingyang shanhte adup hkrum ma ai. Israela amyu masha ni sat kau ai hta sin tawng hte adup sat hkrum ai mahtang grau law nga ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 16:21

Shaloi lamu de nna joi mali tsa daram li ai sin kaba gaw masha ni a ntsa e htu bun mu ai. Masha ni gaw, dai sin kaba htu bun ai ari zinli a majaw Karai Kasang hpe matsa shatan ma ai. Hpa majaw nga yang, dai ari gaw hkrithpa ari rai nga ai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.