ESAIA 28:14 - Jinghpaw Common Language Bible 2009

¹⁴ Ya chyawm gaw Yerusalem hta nga ai ndai amyu masha ni hpe up ai myit tsaw myit dap ai ningbaw ni e, dai Madu tsun nga ai ga hpe madat mu.

Jinghpaw Hanson Version Bible

¹⁴ Dai rai nna, Yerusalem mare na amyu hpe up ai jahpoi ga chye tsun ai ni e, Yehowa a ga madat mu:

ESAIA 28:14 ပူးပေါင်းရင်းမြစ်များ

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

GA SHAGAWP 29:8

Kaga masha ni hpe n kaw n law re ai masha ni gaw mare ting hpe kabring kabrawng shabyin shangun lu nga ai; hpaji rawng ai ni chyawm gaw dai lam ni hpe shazim lu nga ai.

GA SHAGAWP 3:34

Shi gaw myit tsaw myit dap ai masha ni hpe n ra sharawng ti mung, shagrit shanem ai masha ni hpe chyawm gaw myi man pa shangun nga ai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 28:22

Ngai nanhte hpe jaw ya nga ai shadum jahprang ga hpe hkum mani asawng kau myit! Nanhte dai hku galaw ai rai yang, dai gaw nanhte a matu hprawng lawt lu na pyi grau nna ayak ahkak tai wa na ra ai. Mungdan ting hpe jahten kau na matu Chyahtum Chyalai N-gun rawng ai dai Madu a daw dan lam hpe ngai na ni ai.

ESAIA 29:20

Dai gaw kaga masha ni hpe dip gamyet sha ai ni hte Karai Kasang hpe n gawn n sawn rai madun dan ai ni a jahtum na lam rai na ra ai. Yubak kap ai masha shagu hte gaw jahten kau hkrum na mara ai.

ESAIA 3:12

Gumhpraw hkoi sha ai ni gaw nye a amyu masha ni hpe dip gamyet sha nga ma ai, shanhte a hka madu ni gaw shanhte hpe masu hkalem nga ma ai. Nye a amyu masha ni e, nanhte a ningbaw ni gaw nanhte hpe lam woi shadam nga ma ai, dai rai nna nanhte gaw gara hku kayin wa na lam n chye nga myit dai.

ESAIA 46:12

“Du ja nna awng padang hte tsan nga ai ngu myit nawn nga ai ni e, nye a ga madat mu.

ESAIA 5:9

Ngai gaw Chyahtum Chyalai N-gun rawng ai dai Madu ning nga tsun ai ga hpe na ni ai: “Ndai kaba nna tsawm ai dum nta ni yawng kaman hten run mat na mara ai.

YEREMIA 13:15

Israela amyu masha ni e, dai Madu ga tsun nu ai! Shagrit shanem ai hte shi a ga hpe madat mu.

YEREMIA 36:23

Yehudi gaw laika daw masum mali hpe sha naw hti ngut ai hte rau hkawhkam wa gaw nhkyi kaji hte dai laika katsu hpe gadoi ashin kau nhtawm wan htung kata de kabai bang kau wu ai. Shi gaw dai laika katsu ting hkru mat hkra nat kau wu ai.

EZEKELA 16:35

Dai rai nna, Yerusalem e, nang gaw shawa num rai nga ndai! Dai Madu tsun nga ai ga na la u.

HOSEA 7:5

Shanhte gaw hkawhkam wa a poi shani hta hkawhkam wa hte shi a du salang ni hpe sabyi hte angawk angak rai mat hkra jaw shanang da nga ma ai.

AMO LAIKA (AMOS) 6:13

Nanhte gaw Lodeba mare hpe gasat la lu ai majaw shakawng nga myit dai. Nanhte gaw, “Karnaim hpe lu la na matu n-gun law nga ga ai,” nga nna gumrawng myit dai.

KASA 13:41

Myihtoi ga hta, ‘Yu mu, ngai tsun ai lam hpe jahpoi asawng ai ni e, mau nna si mu! Dai ni ngai galaw nga ai lam hpe marai langai ngai nanhte hpe hkai dan ti mung, nanhte n kam na marin dai!,’” nga nna hkaw tsun nga ai.