ESAIA 28:13 - Jinghpaw Common Language Bible 2009

¹³ Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

Jinghpaw Hanson Version Bible

¹³ Dai re ai majaw, shanhte sa wa yang, nhtang chyaw kadawng ai, agrawp kau ai, mahkam hta lu ai hte rim la ai hkrum lu hkra, Yehowa mungga gaw shanhte a matu, htet da ai ga ntsa e htet da ai ga, htet da ai ga ntsa e htet da ai ga; lam mi a ntsa e lam mi, lam mi a ntsa e lam mi, nang e kaji mi wonang kaji mi rai na ra ai.

ESAIA 28:13 ပူးပေါင်းရင်းမြစ်များ

SHAKAWN KUNGDAWN 69:22

Shanhte a lusha poi ni gaw shanhte hpe jahten sharun shangun mu ga; shanhte a chyoi pra ai lusha poi gaw shanhte hpe hkrat sum shangun mu ga.

ESAIA 28:10

Shi gaw anhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, laika daw mi hte daw mi sharin ya na matu shakut nga ai,” nga nna tsun ma ai.

ESAIA 59:10

anhte gaw myi kyaw amyu masha ni zawn lamawm hkawm ga ai. Anhte gaw shani chyingtung e pyi ahtu kataw ga ai, shana lama rai yang, sin ai katsan ga hta anhte nga nga ai zawn rai na ga ai.

HOSEA 6:5

Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

HOSEA 8:12

Ngai gaw amyu masha ni a matu hti n dang hkra sharin achyin ga ni hpe ka da ti mung, dai ni hpe tinang hte n seng ai zawn ningdang kau ma ai.

MAHTE 13:14

Shing rai myihtoi Esaia shanhte hpe sha-ang lakap nna tsun ai myihtoi ga gaw: ‘Ndai masha ni na lana n chye na na mu ai; yu layu e n mu na mu ai.

MAHTE 21:44

(Dai nlung hta hkrat ai wa gaw achyen achya rai mat hkra daw hten na ra ai; gade a ntsa e mung dai nlung hkrat bun yang gaw dai wa gaw ayun ayaw mani mat na ra ai, ngu wu ai.)

ROMA 11:9

Dawi mung, “Shanhte a lusha poi ni gaw shanhte a matu mahkam dawnggawng zawn tai nna, hkrat sum ai hte ari jaw ai hkrum mu ga.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

2 PETRU 3:16

Pawlu gaw ndai lam hte seng nna shi ka ai laika ni hta ndai hte maren ka madun da nga ai. Shi a laika hta rawng ai ginlam nkau mi gaw chye na yak ai majaw, angawk angak re ai ni hte myit n gring ai masha ni gaw shut ai hku lachyum hpyan la ma ai, kaga chyum ga ni a lachyum hpe mung dai hte maren htai la shut ai majaw shanhte a hten bya ai lam hpe shanhte nan galaw la masai.