ESAIA 28:12 - Jinghpaw Common Language Bible 2009

¹² Shi gaw nanhte yawng hpe ban sa lam hte shalan shabran ai lam jaw ya nu ai, rai ti mung nanhte gaw shi a ga madat na matu ningdang kau myit dai.

Jinghpaw Hanson Version Bible

¹² shi gaw, tsasam ga tsun ai nten hte, ga amyu kaga hku ndai amyu hpe tsun da na ra ai.

ESAIA 28:12 ပူးပေါင်းရင်းမြစ်များ

2 HKAWHKAM LABAU 14:11

Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 29:12

Nang gaw dai hpe n chye hti ai wa hpe jaw nna nang hpe hti dan na matu shi hpe san ai rai yang, shi gara hku hti dan na n chye ai hpe shi htan na ra ai.

ESAIA 30:15

Tsaw Htum ai dai Madu Israela a Chyoi Pra ai Wa gaw shi a amyu masha ni hpe, “Nhtang wa nna ngai hpe atsin sha kam hpa mu. Dai hpang nanhte gaw n-gun ja wa nna shim lum lam lu na rai myit dai,” ngu nna tsun ai. Rai ti mung nanhte gaw dai hku hkan galaw na ningdang nga myit dai.

ESAIA 32:17

Masha hkum shagu gaw jaw ai amu galaw wa na mara ai majaw dai mung e ngwi pyaw sim sa lam hte shim lum lam htani htana nga nga na ra ai.

ESAIA 32:18

Karai Kasang a amyu masha ni gaw tsin-yam tsindam kaw na shalawt hkrum na mara ai, shanhte a dum nta ni ngwi pyaw sim sa ai hte shim nga na mara ai.

YEREMIA 44:16

“Dai Madu a amying hta nang anhte hpe tsun nit dai lam hpe anhte n madat na ga ai.

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

ZEHKARIA 7:11

“Rai ti mung, nye a amyu masha ni mahtang du ja ai hte n madat hkraw ma ai. Shanhte gaw tinang a myit masin

ZEHKARIA 7:14

Shanhte hpe nbung laru e shapoi mat wa ai zawn maigan mungdan ni de ye kau nngai. Ndai ningru ningja ai mungdan gaw katsi katsang shara tai mat nna, kadai mung dai mung e nga nga na ma ai n rai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.