ESAIA 28:1 - Jinghpaw Common Language Bible 2009

¹ Israela mungdan gaw dingnye hkrum nga sai! Dai mung a arawng sadang gaw chyaru ya ningbaw ni a abaw ntsa na nampan janmau ni zawn nyui mat nga sai. Shanhte a gumrawng gumtawng ai abaw ni gaw manam pyaw bat hawm nga ai, rai ti mung shanhte gaw n dum ndam rai lu nang gumpye taw nga ma ai.

Jinghpaw Hanson Version Bible

¹ Tsabyi jahku nang nna, sau hpum ai kadit mahka e nga ai, Ehprim a chyaru ya ni a gumrawng ai janmau hte, nyui mat magang ai arawng sadang a nampan gaw, dingnye nga u ga.

ESAIA 28:1 ပူးပေါင်းရင်းမြစ်များ

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

GA SHAGAWP 23:29

Ladu lai chyaru lu ai hte lu hpa amyu myu hpe chyim ra ai masha langai ngai, ngai hpe madun dan et, shaloi nchyi nmu rai nna, shi hkum shi machyi dum ai wa, tut nawng ru yak tsin-yam shabyin ai hte tut nawng aput angun nga ai marai mi hpe, na a man e, ngai madun dan na we ai. Shi a myi ni hkyeng nga nna, koi yen kau lu mai ai hpe n koi yen kau lu mat ai nma ni shi hta kap nga ai.

ESAIA 28:7

Myihtoi ni hte hkinjawng ni pyi chyaru grai nang nna ndi nda rai hkawm nga ma ai. Shanhte gaw sabyi hte chyaru nau law lu nang nga ma ai majaw, maru marang rai, ahtu gumpye hkawm nga ma ai. Myihtoi ni grai nang nga ma ai majaw Karai Kasang jaw ai shingran hpe n dum n chye nga ma ai. Hkinjawng ni mung grai sawng hkra lu nang nga ma ai majaw shanhte hpang de la sa wa ai amu ni hpe n chye hparan daw dan ya nga ma ai.

ESAIA 5:11

Nanhte gaw dingnye hkrum nga myit dai! Nang gaw jahpawt manap jau jau rawt nna chyaru lu hpang ai hte, shana du hkra chyaru nang let aten shama hkawm nga ndai.

ESAIA 5:22

Nang gaw dingnye hkrum nga ndai! Sabyi palin a share ninghkrin ni! Tsi kayau lu nang ai shaloi share shagan ai hte hkrit myit hpa mung n rawng ai ni!

ESAIA 8:4

Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

ESAIA 9:11

Dai Madu gaw shanhte hpe gasat na matu shanhte a gumlau hpyen ni hpe shalut ya nu ai.

ESAIA 9:8

Dai Madu gaw Israela mung a ntsa hte Yaku a matu mara ni a ntsa e, tara jeyang na lam tsun shana dat wu ai.

ESAIA 9:9

Israela amyu masha ni yawng hte Samari mare hta shanu nga ai masha hkum shagu hte gaw shi galaw dan sai ndai amu hpe chye wa na mara ai. Ya chyawm gaw, shanhte gumrawng gumtawng ai hte myit tsaw myit dap nga ma ai. Shanhte gaw,

HOSEA 4:11

Dai Madu gaw, “Sabyi ntsin dingsa nnan lahkawng yan gaw nye a amyu masha ni a machye machyang myit ni hpe shamak kau ya nga ai!

HOSEA 5:5

Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

HOSEA 5:9

Ari jaw ai nhtoi gaw du wa nga sai, Israela gaw hten run mat na ra ai. Israela amyu masha ni e, ndai lam teng teng byin wa na ra ai!

HOSEA 6:10

Ngai gaw matsat shabat re ai amu langai Israela mung hta mu ni ai: nye a amyu masha ni gaw shanhte a hkum hpe hpara sumla nawku let awu asin di kau ma ai.

HOSEA 7:5

Shanhte gaw hkawhkam wa a poi shani hta hkawhkam wa hte shi a du salang ni hpe sabyi hte angawk angak rai mat hkra jaw shanang da nga ma ai.

JAW JAU 26:19

Ngai gaw nanhte a gumrawng kawng shadaw kau ya na made ai; lamu marang htu na ra ai n rai; nanhte a lamu ga gaw hkun hkraw mat nna ahpri zawn ja mat na ra ai.

AMO LAIKA (AMOS) 2:12

Rai ti mung, nanhte gaw Nazari masha ni hpe sabyi lu shangun nna myihtoi ni hpe nye a mungga n tsun na matu hkang da manit dai.

AMO LAIKA (AMOS) 2:8

Shanhte gaw matsan mayan ni a hka a matu shadun da ai nba hpe Karai Kasang hpe nawku ai shara shagu hkan nep da nna yup ma ai. Shanhte gaw shanhte a Karai Kasang a Nawku Htingnu hta shanhte shawa la lu ai gumhpraw hte sabyi ntsin mari lu nga ma ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

AMO LAIKA (AMOS) 6:4

Zing hkam ai yup ra ntsa hta hkum chyan nna dumsu hkalung hte sagu kasha shan sha ai gaw nanhte a matu kade sha hkrit hpa rai na rai nga a hka!

AMO LAIKA (AMOS) 6:6

Nanhte gaw sabyi ntsin hpe gawm hta lu nna manam pyaw htum ai sau jet ni lang nga myit dai, rai ti mung nanhte gaw Israela a hten run lam hpe sharung shayawt nga myit dai n rai.

AMO LAIKA (AMOS) 6:8

Chyahtum Chyalai N-gun rawng ai Tsaw Htum ai dai Madu gaw ndai dagam sadi jaw ai lam jaw ya nu ai: “Ngai gaw Israela amyu masha ni a gumrawng gumtawng ai hpe n dawng nngai; ngai gaw shanhte a zing hkam ai nta htingnu ni hpe matsat nngai. Ngai gaw shanhte a mare daju hte dai hta nga manga shagu hpe gumlau hpyen a lata de jaw kau na we ai.”