ESAIA 27:8 - Jinghpaw Common Language Bible 2009

⁸ Dai Madu gaw shi a amyu masha ni hpe maigan mungdan de gawt shapraw kau ai ari jaw nga ai. Shi gaw shanhte hpe sinpraw nbung bung ja hte shapoi kau nu ai.

Jinghpaw Hanson Version Bible

⁸ N rai law, nang shanhte hpe shapraw kau yang, sharam ai myit hte nang ari jaw nna, sinpraw nbung bung ai shani e shanhte hpe ahpawt kau manu ai.

ESAIA 27:8 ပူးပေါင်းရင်းမြစ်များ

YOBA 23:6

Karai Kasang gaw ngai hpe ninghkap ai hta shi a n-gun atsam mahkra hte hpe lang na rai wu ni? N rai law, ngai tsun ai hte maren sha, shi madat ya na wu ai.

SHAKAWN KUNGDAWN 103:14

Anhte hpe hpa hte galaw da nga ai hpe shi chye nga ai; anhte ga nhpu ni rai nga ga ai hpe shi dum nga ai.

SHAKAWN KUNGDAWN 103:9

Shi tut nawng e, daru nga ai n rai, shi htani htana apawt nga ai wa n rai.

SHAKAWN KUNGDAWN 38:1

O Madu e, na a masin kahtet ai hta ngai hpe ari hkum jaw et!

SHAKAWN KUNGDAWN 6:1

Madu e, masin pawt ai hte ngai hpe hkum daru et! Na masin kahtet ai hte ngai hpe ari hkum jaw et!

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 54:7

“Aten kadun mi hta, ngai nang hpe kau da nngai; tsaw ra myit sung sung hte ngai nang hpe bai woi la nngai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

ESAIA 64:5

Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

YEREMIA 10:24

Madu e, na a amyu masha ni hpe shading sharai u, rai ti mung, anhte a ntsa e laja lana sharin ai hku n rai u ga; nang pawt sindawng ai shaloi anhte hpe ari hkum jaw mi; dai gaw anhte a hpang jahtum tai na ra ai.

YEREMIA 30:11

Ngai gaw nanhte kaw du sa nna hkye la na nngai. Ngai gaw nanhte hpe shabra kau dat ai shara na masha amyu baw ni yawng hpe shamyit kau na nngai, rai ti mung, ngai gaw nanhte hpe shamyit kau na nngai n rai. Ngai gaw nanhte hpe ari n jahkrum ai sha dat dat na n rai; rai ti mung ngai nanhte hpe ari jaw ai shaloi, matsan dum la na nngai. Dai Madu ngai nan tsun ni ai.”

YEREMIA 4:11

Zaibru jang e bung nga ai kahtet kang ai nbung gaw shanhte hpang de bung wa na lam, Yerusalem amyu masha ni hpe tsun dan na aten gaw du wa nga sai. Dai nbung gaw numhkaw hpe sha shapoi kau lu ai nbung bungli ahpawt ai zawn sha rai na ra ai n rai.

YEREMIA 4:27

(Dai Madu gaw ginding aga ting katsi katsang shara tai mat na ra ai, rai ti mung shi gaw dai hpe tsep kawp jahten kau na ra ai n rai, nga nna tsun nu ai.)

YEREMIA 46:28

Ngai gaw nanhte kaw sa nna hkye la na nngai. Ngai nanhte hpe shabra kau dat ai mungdan na masha amyu baw yawng hpe ngai jahten kau na nngai. rai ti mung, ngai nang hpe jahten kau na n rai. Ngai gaw nanhte hpe ari n jaw ai sha dat dat na n rai; rai ti mung, ngai nang hpe ari jaw ai shaloi, ngai gaw teng man rap ra nga na nngai. Dai Madu ngai nan tsun ni ai.”

SHARUNG SHAYAWT 3:31

Dai Madu gaw matsan dum ai wa rai nga nna, anhte hpe htani htana kau da na ra ai n rai.

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

EZEKELA 19:12

Rai ti mung, pawt sindawng ai lata gaw dai hpe ru hte hpawn baw kau nna ga de kabai kau nga ai. Sinpraw nbung gaw de a asi ni hpe jahkraw kau nu ai. De a lakung lakying ni agrawp daw mat nna; dai ni hkun hkraw mat ai hte hkru mat hkrum nga ai.

HOSEA 13:15

Israela gaw tsingdu tsingman ni zawn law htam mayat maya wa mu tim, ngai gaw zaibru jang kaw nna kahtet kang ai sinpraw nbung dat dat na nngai. Dai gaw shanhte a hka hpawk ni hte hka htung ni hpe jahkraw kau na ra ai. Dai gaw manu hpu ai arai shagu hpe la kau ya na ra ai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

1 KORINHTU 10:13

Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.

1 PETRU 1:6

Nanhte hkrum hkra nga ai agung alau amyu myu a majaw ya jahkring jahkra yawn hkyen hkrum ra mat ti mung, dai hkye hkrang la ai lam a marang e nanhte akabu gara nga mu.