ESAIA 27:7 - Jinghpaw Common Language Bible 2009

⁷ Dai Madu gaw shanhte a gumlau hpyen ni hpe laja lana ari jaw ai hte sat kau ai daram Israela amyu masha ni hpe ari jaw nna sat ai n rai.

Jinghpaw Hanson Version Bible

⁷ Shan hpe adup kau ai ni, adup kau ai hkrum ai hte maren, shan gaw adup kau ai hkrum ma sani? shan hpe sat kau ai ni, sat kau hkrum ai hte maren, shan sat kau hkrum ma sani?

ESAIA 27:7 ပူးပေါင်းရင်းမြစ်များ

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 10:17

Karai Kasang, Israela a nhtoi gaw wan tai na ra ai. Israela a chyoi pra ai Karai Kasang gaw wan shinglet tai na ra ai, dai gaw lani mi hta sha arai shagu hte hpe hkru kau na ra ai, ju hpun ni hte sumwum ni hpe pyi hkru kau na ra ai.

ESAIA 17:14

Shanhte gaw shana de e hkrit kajawng hpa shabyin dat ma ai, rai ti mung jahpawt manap e, shanhte hkoi mat ma ai. Dai gaw anhte a mung hpe hpya lu hpya sha ai masha shagu hte a hpang jahtum na lam rai nga ai.

ESAIA 17:3

Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 30:31

Asuri masha ni gaw dai Madu a nsen hpe na ai shaloi hkrit gari wa nna shi a ari jaw ai n-gun hpe hkam sha wa na mara ai.

ESAIA 31:8

Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.

ESAIA 31:9

Shanhte a hkawseng wa gaw hkrit gari ai hte hprawng mat wa na ra ai, du salang ni mung grai hkrit kajawng mat ma ai majaw shanhte a majan dawnghkawn ni hpe kabai kau da na mara ai,” ngu nna tsun ai. Dai Madu gaw ning nga tsun nu ai-dai Madu gaw Yerusalem hta nawku daw jau hkrum ai hte dai yang e shagu hkungga ni a matu wan nat hkungga nawng jau ya ai hkrum nga ai.

YEREMIA 50:40

Sodom hte Gomora, de a makau grup yin hkan na mare ni hpe ngai shamyit kau ai zawn, Babelon mung hta mung byin wa na ra ai. Kadai mung dai shara hta bai shanu nga na mara ai n rai. Dai Madu ngai nan tsun ni ai.

YEREMIA 51:24

Dai Madu gaw, “Babelon mung hte de a mung masha ni gaw Yerusalem e shanhte galaw ai n hkru ai lam yawng a matu ngai matai htang na hpe nanhte mu na rai myit dai.

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

NAHUM 3:19

Na a hkala nba ningma ni hpe tsi tsi lajang ya na, kadai n nga nga ai; na a ningma ni hpe n lu tsi shamai nga ai. Na a hkrat sum mat sai shiga na ai masha yawng hte gaw kabu gara lahpawk dum na mara ai; na a n htum mai ai zingri zingrat ai kaw na kadai wa hprawng lawt lu yu nga sata?