ESAIA 27:5 - Jinghpaw Common Language Bible 2009

⁵ Rai ti mung nye a amyu masha ni a gumlau hpyen ni nye a makawp maga lam ra sharawng ma ai rai yang, shanhte ngai hte ngwi pyaw sim sa lam galaw mu ga. Rai sa, shanhte ngai hte ngwi pyaw sim sa lam galaw mu ga,” ngu nna tsun na ra ai.

Jinghpaw Hanson Version Bible

⁵ Shing n rai, shi nye a n-gun hta hpa nna, ngai hte jinghku hku u ga, rai sa, ngai hte jinghku hku u ga.

ESAIA 27:5 ပူးပေါင်းရင်းမြစ်များ

YOBA 22:21

Ya chyawm gaw, Yoba e, Karai Kasang hta ngwi pyaw sim sa lam galaw tawn u; gumlau hpyen zawn shi hpe hkum di et; shing rai galaw ai rai yang, shi nang hpe shaman ya na ra ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

ESAIA 26:12

Madu e, nang gaw anhte hpe ngamu ngamai lam shakat ya na rai nga ndai, anhte hkam la lu ai arai yawng mayawng hte gaw nang galaw ai amu a akyu chyeju hkrai rai nga ai.

ESAIA 42:19

Nye a shangun ma wa hta jan nna grau myi kyaw ai wa nga nga a ni? Ngai shangun dat ai dat kasa wa hta grau na lahpang ai wa nga nga a ni?

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

ESAIA 56:2

Ngai gaw Bansa Nhtoi hpe tut nawng hkan sa nna dai nhtoi hpe awu asin n di ai ni hpe shaman ya na nngai. Ngai gaw n hkru ai amu hpa mung n galaw ai ni hpe shaman ya na nngai,” ngu nna tsun ai.

ESAIA 57:19

Ngai gaw ni ai, tsan ai shara hkan nga ai ni yawng hpe ngwi pyaw sim sa lam jaw na nngai! Ngai gaw nye a amyu masha ni hpe shamai shatsai na nngai.

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

LUKA 14:32

N hkap manga lu na rai yang mung kaga hkawhkam wa tsan tsan e naw nga yang, kasa shangun dat nna, htinglu htinglai na lam hpyi nem na ra ai.

LUKA 19:42

“Mare nang e, ngwi pyaw sim sa ai lam lu la na matu hpa baw ra nga ai ngu ai hpe dai ni nang chye lu wu taw gaw law! Rai ti mung ya gaw nang dai hpe n mu n chye lu ndai!

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

YAWSHU 10:6

Gibeon masha ni mung Gilgala e dap jung nga ai Yawshu hpang de masha shangun dat wu ai: “Anhte hpe hkum kau da mi! Anhte hpe karum la na ya jang sa wa marit! Anhte hpe hkye hkrang la mi! Bum ga na Amori hkawhkam ni yawng n-gun galung la let anhte hpe gasat nga masai.