ESAIA 27:3 - Jinghpaw Common Language Bible 2009

³ “Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

Jinghpaw Hanson Version Bible

³ Ngai Yehowa gaw sun sin ai wa rai nngai; n sim n sa ntsin jaw we ai; kadai n jahten lu hkra, ngai shani shana sin na we ai.

ESAIA 27:3 ပူးပေါင်းရင်းမြစ်များ

NINGPAWT NINGHPANG 6:17

Ngai mung asak hkrung ai ni yawng hte hpe shamyit kau na matu ga ntsa de hka kaba hte sha-u sha-ing dat na nngai. Ga ntsa na nga manga hte gaw si htum mat na mara ai,

NINGPAWT NINGHPANG 9:9

“Ya chyawm gaw nang hte na a ru arat ni hte mung,

1 HKAWHKAM 8:59

Ndai akyu hpyi ga hte ngai shi hpe hpyi lajin ai ga ni hpe dai Madu anhte a Karai Kasang gaw aten shagu adum ya nga u ga law. Shi gaw Israela amyu masha ni hpe mung, shanhte a hkawhkam wa hpe mung shani shagu ra kadawn nga ai hte maren, tut nawng matsan dum nga u ga law.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:5

Karai Kasang gaw dai mare hta shanu nga nna, dai mare gaw galoi mung jahten kau ai hkrum na n rai; jahpawt manap jau jau e, dai mare hpe shi karum la na matu pru sa na ra ai.

ESAIA 31:5

U gaw shi a tsip ntsa e pyen kayin nna u hkalung ni hpe makawp maga ai zawn Chyahtum Chyalai N-gun rawng ai dai Madu Ngai mung Yerusalem hpe makawp maga nna dai hpe shadaw shangang na nngai.

ESAIA 42:6

“Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

ESAIA 46:4

Ngai gaw nanhte a Karai Kasang rai nga nngai, nanhte asak kaba nna dingla baw hpraw ai aten du hkra nanhte hpe lanu lahku na nngai. Ngai gaw nanhte hpe hpan da ni ai, nanhte hpe lanu lahku na nngai; Ngai gaw nanhte hpe karum ai hte hkye mawai la na nngai.

ESAIA 46:9

Moi prat hta byin lai wa sai lam hpe adum nga mu; Ngai chyu sha Karai Kasang rai nga nngai mung, ngai hte bung ai wa mi n nga nga ai hpe mung yin la mu.

ESAIA 49:8

Dai Madu gaw shi a amyu masha ni hpe, “Nang hpe hkye la na matu aten du ai shaloi, ngai nang hpe myi man madun nna, karum la na matu hpyi jahtau ai ga ni hpe htan ya na nngai. Amyu masha ni yawng hte nang ga shaka tawn da ai hku nna sha, ngai nang hpe bau sin ai hte makawp maga na nngai. Ya aten katsi katsang gram mat sai na a mungdan hta ngai nang hpe kalang mi bai shanu nga shangun na nngai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

EZEKELA 34:11

“Ngai nan nye a sagu ni hpe hkan yu nna shanhte hpe lanu lahku na nngai ngu nna Tsaw Htum ai dai Madu ngai nan nanhte hpe tsun nga nngai.

EZEKELA 34:24

Dai Madu ngai gaw shanhte a Karai Kasang tai nna nye a shangun ma Dawi hte bung ai hkawhkam wa gaw shanhte hpe up hkang ai du tai na ra ai. Ngai nan dai ga hpe tsun ni ai.

EZEKELA 37:14

Nye a nsoi nsa shanhte hta bang ya ai hte rau, shanhte asak bai hkrung wa nhtawm shanhte a mungdan hta ngai shanu nga shangun na nngai. Shaloi, ngai nan dai Madu rai nga nngai hpe shanhte chye lu na mara ai. Ngai gaw ga sadi tawn da sai hte maren, ngai myit ai hku ndai amu hpe shatup na we ai. Dai Madu ngai nan tsun ni ai,” ngu nna tsun wu ai.

EZEKELA 37:28

Ngai gaw nye a Nawku Htingnu hpe shanhte a ka-ang e htani htana tawn da ai shaloi, dai Madu ngai nan lata la sai Israela ni gaw nye a amyu masha majing ni nan rai nga ai hpe masha amyu baw ni chye lu na mara ai,” ngu nna tsun wu ai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.