ESAIA 27:11 - Jinghpaw Common Language Bible 2009

¹¹ Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

Jinghpaw Hanson Version Bible

¹¹ Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 27:11 ပူးပေါင်းရင်းမြစ်များ

SHAKAWN KUNGDAWN 106:40

Shing rai, Madu gaw shi a amyu masha ni hpe pawt sindawng nga nna; shanhte hpe shi matsat kau wu ai.

ESAIA 1:3

Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 18:5

Pu ni yawng run hkrat mat nna sabyi si ni myin wa nga ai aten, sabyi si ni hpe garai n di mahkawng yang, sabyi ru ni kaw na kungdam ai lakung lakying ni hpe nhkyi hte aloi loi sha kran kau ai zawn, gumlau hpyen ni gaw Ehtiopi masha ni hpe jahten shaza kau na ra ai.

ESAIA 43:1

Israela e, nang hpe hpan da sai dai Madu gaw, “Hkum hkrit et-ngai nang hpe hkye la na nngai. Na a mying hte ngai nang hpe shaga ni ai-nang gaw nye a rai nga ndai.

ESAIA 43:7

Shanhte gaw nye a amyu masha ni nan rai nga ma ai, nye a hpung shingkang a matu ngai shanhte hpe hpan da ni ai,” ngu nna tsun ai.

ESAIA 44:2

Ngai gaw nang hpe hpan da ai dai Madu rai nga nngai; nang shangai wa ai aten kaw nna, ngai nang hpe karum ni ai. Hkum hkrit et; nang gaw nye a shangun ma rai nga ndai, ngai tsaw ra ai hte lata la hkrum ai nye a amyu masha ni rai nga myit dai.

ESAIA 44:24

“Ngai gaw nang hpe hkye hkrang la ai dai Madu rai nga nngai; Ngai gaw nang hpe hpan da ai wa rai nngai. Ngai gaw arai yawng mayawng hpe Hpan Da Ai Wa, dai Madu rai nga nngai. Ngai chyu sha sumsing lamu ni hpe kahpyan da nngai; Ginding aga hpe ngai hpan ai shaloi, kadai mung ngai hpe n karum nga ai.

ESAIA 5:13

dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

YEREMIA 11:16

Lang mi, ngai gaw shanhte hpe tsawm htap ja kat ai asi ni hte hpring nna tsit lali ai tsanlun hpun langai mi ngu nna shamying da ti mung, ya chyawm gaw mu zawn wu kadu ai nsen hte ngai dai hpun lap ni hpe wan jahkru kau nna de a lakung lakying ni hpe agrawp daw kau we ai.

YEREMIA 13:14

Dai hpang, ngai gaw namtau shada ahkawk hkat ai zawn kaji kaba n nga, shanhte hpe agrawp daw kau na nngai. Lahpawt dum ai myit, matsan dum ai myit, n-gaw nwai ai myit hpa mung shanhte hpe sat shamyit kau na kaw na ngai hpe hkum da lu na ra ai n rai,” nga nna tsun ai.

YEREMIA 16:5

“Nang gaw sharung shayawt nga ai nta hta shang lu na n rai. Kade a matu mung hkum yawn et. Nye a amyu masha ni hpe ngwi pyaw sim sa ai, tsaw ra ai hte matsan dum ai hte loi mi pyi shaman ya na nngai n rai.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

YEREMIA 8:7

Mali tau u ni pyi bai pyen nhtang wa na aten hpe chye ma ai; hkrudu, pilan hte u kawp ni gaw htawt hkawm na aten hpe chye ma ai. Rai ti mung, nye a amyu masha ni e, ngai nang hpe up hkang ai tara ni hpe pyi nang n chye ndai.

EZEKELA 19:12

Rai ti mung, pawt sindawng ai lata gaw dai hpe ru hte hpawn baw kau nna ga de kabai kau nga ai. Sinpraw nbung gaw de a asi ni hpe jahkraw kau nu ai. De a lakung lakying ni agrawp daw mat nna; dai ni hkun hkraw mat ai hte hkru mat hkrum nga ai.

EZEKELA 20:47

Dai Tsaw Htum ai Madu kaning nga tsun ai mungga hpe na la na matu dingda maga de na maling hpe htawn tsun u: Yu u, ngai gaw wan shachyi dat na nngai; dai wan gaw nang hta tu ai tsit lali ai hte hkun hkraw mat ai hpun shagu hte hpe hkru kau na ra ai. Dai wan hpe hpa hte mung sat shangap kau lu na ra ai n rai, dai wan gaw dingda maga kaw nna dingdung maga de du hkra hkru mat wa nna masha shagu gaw kang kahtet ai wan numli ni hpe hkam sha na mara ai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

HOSEA 4:14

Ti mung, Nanhte hkum nan htingnu shawa num ni hte rau hkawm sa nna shanhte hte rau tara maigan hpe nanhte shagu hkungga ni nawng ya nga myit dai ndai amu a majaw ngai shanhte hpe ari jaw na n rai. Ga shagawp hta tsun da ai hte maren, ‘Nyan n rawng ai masha gaw hten run mat ai hkrum na ra ai,’ nga nga ai.

HOSEA 4:6

Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

MAHTE 3:10

Hpun ni hpe ru npawt kaw nna kran daw kau na matu ningwa hpe hkyen tawn da chyalu rai nna, asi kaja n si ai hpun shagu hpe kran daw kau nna, wan hta kabai bang kau na ra ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 1:31

chye na ai htauli htaula myit n rawng ai ni, ga sadi ga shaka n hkan shatup ai ni, nja nhpra myit n rawng ai hte matsan dum n chye ai ni, shanhte rai nga ma ai.

TARA JAHPRANG 4:6

Dai tara ni hpe sadi sahka hte hkan shatup nga mu; shing rai jang, nanhte gaw hpaji byeng-ya hta kade wa kunghpan nga myit dai lam masha amyu baw ni hpe madun dan lu na rai myit dai. Shanhte mung dai matsun maroi tara ni hpe na yang, ‘Ndai amyu baw ni gaw hpaji byeng-ya hte chye na hkawn hkrang ai nyan marai lu la nga manu hka!,’ ngu nna tsun na rai ma ai.

1 HTESALONI 2:16

Anhte maigan masha ni hpe shanhte kaning rai hkye hkrang la hkrum lu na lam hkaw tsun ai hpe pyi Yuda masha ni hkum shingdang shakut ma ai. Ndai lai hku nna shanhte shut hpyit nga ai yubak mara ni hpe hkum hkra galaw manu ai. Dai rai nna hpang jahtum e Karai Kasang a pawt sindawng ai gaw shanhte a ntsa de du hkrat wa sai!

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.