ESAIA 27:10 - Jinghpaw Common Language Bible 2009

¹⁰ Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

Jinghpaw Hanson Version Bible

¹⁰ Kaning rai nme law, bunghku kum ai mare gaw katsi katsang rai nga ai hte, zaibru jang e kau tawn da ai mare dingsa hte bung nga ai: dai yang e dumsu kasha gaw ushat tam nna, hpum nga let, makrung matsun ni sha na mara ai.

ESAIA 27:10 ပူးပေါင်းရင်းမြစ်များ

ESAIA 17:2

Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.

ESAIA 17:9

Dai nhtoi du ai shaloi, Israela amyu masha ni a lata kaw nna hprawng mat wa nhtawm kau tawn da ai Hiwi hte Amori ni a mare ni zawn, ngang kang ai mare ni gaw katsi katsang shara tai mat nna hten run taw nga na mara ai.

ESAIA 24:10

Dai mare na arai yawng mayawng mung marawng marang rai nga ai, amyu masha ni gaw shanhte a dum nta ni shim lum na matu chyinghka la da nga ai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

ESAIA 32:19

(Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

ESAIA 64:10

Na a chyoi pra ai mare ni gaw nam mali zawn tai mat sai; Yerusalem gaw katsi katsang hten run mat sai,

ESAIA 7:21

“Dai aten du ai shaloi, hkauna galaw sha ai wa gaw dumsu kanu langai mi hte bainam kanu lahkawng hpe chyu sha rem da lu tim pyi,

ESAIA 7:25

Kalang mi yi galaw yu sai hkai bang kawng ni yawng gaw, dai shara ni hkan kadai n lu shang kabye hkawm lu hkra ju maling tai mat na ra ai; dai shara ni gaw dumsu hte sagu ni a udat shara tai mat na ra ai,” ngu nna tsun ai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 52:27

Hkawhkam wa gaw dai shara e shanhte yawng hpe adup ai hte kahtam sat kau wu ai. Dai rai nna, Yuda amyu masha ni gaw shanhte a mungdan kaw nna tsasam mungdan de bawng woi la hkrum nga ma ai.

SHARUNG SHAYAWT 1:4

Ya chyawm gaw chyoi pra ai shani ni hta nawku na matu Nawku Htingnu de kadai mung n sa nga ai. Dai shara hta mahkawn shakawn ai mahkawn ma ni nni nkri hkrum ma ai, hkinjawng ni mung madai sharung nga ma ai. Mare chyinghka ni gaw katsi katsang rai nna, Ziun gaw tsin-yam tsindam hkrum nga ai.

SHARUNG SHAYAWT 5:18

Ziun Bum gaw shi chyu sha re re rai shingran katsi mat ai majaw; nam na matse ai gwi ma-a ni de a hten run shara ni hkan lanyan hkawm nga ma ai.

EZEKELA 36:4

Dai rai nna, bum ni hte kawng ni, hkaraw hkamwam ni hte kadit ni, jahten sharun tawn da sai shara ni, hte grup yin masha amyu baw ni yawng e lanep hta nna n kaw n law di hkrum let jahkam da sai mare ni hte seng nna Tsaw Htum ai dai Madu ngai nan tsun ai mungga madat la mu.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.