ESAIA 27:1 - Jinghpaw Common Language Bible 2009

¹ Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

Jinghpaw Hanson Version Bible

¹ Dai shani e, Yehowa gaw, shi a ja la ai, galu kaba nna n-gun ja ai nhtu hte, lawan chye a baren lapu hte magyi magaw re ai baren lapu hpe, kawan katsan yu nna, nammukdara e, rawng ai numraw hpe sat kau na ra ai.

ESAIA 27:1 ပူးပေါင်းရင်းမြစ်များ

YOBA 26:13

Shi a nsa hte sumsing lamu hpe jasan nna, shi a lata hte hprawng lawt ai numraw hpe sat kau nga ai.

YOBA 3:8

Lewihtan hpe kaning rai hkang na chye ai ni dai nhtoi hpe matsa dagam kau na matu mandan lakle sara ni hpe tsun dan mu.

YOBA 40:19

Ngai hpan da ai hkrung kanu ni yawng hta mauhpa kaba htum n rai nga a hka! Shi a Hpan Madu chyu sha shi hpe dang lu nga ai.

YOBA 41:1

Nang gaw baren numraw Lewihtan hpe nga myek hte rim la lu na rai ni? Shing n rai, mahkam kata hta shi a ladi hpe gyit lu na n ni?

SHAKAWN KUNGDAWN 104:26

Dai nammukdara hka ntsa hta e, sanghpaw li ni hkawm nga ma ai; dai shara ni hta nang hpan da ai baren numraw Lewihtan mung pyau chyai nga ai.

SHAKAWN KUNGDAWN 45:3

N-gun chyalai rawng ai hkawhkam wa e, na a nhtu hpye u; nang gaw hpung shingkang hte daru magam hpring nga ai wa rai nga ndai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

ESAIA 65:12

Dai na a Auba gaw kabring kabrawng du daw sai hkaw si hkrung si htan hte si na rai nga ai, hpa majaw nga yang, ngai nang hpe shaga yang nang n htan ndai, nang hpe ga shaga yang n madat ndai. Nang gaw nye a ga lale na hte n hkru ai amu galaw na matu lata la nga ndai.

ESAIA 65:25

Chyahkyawn hte sagu kasha ni shat rau sha na mara ai; hkanghkyi ni gaw dumsu ni zawn yihku sha na mara ai, lapu ni a lusha gaw aga rai na ra ai. Ziun ngu ai nye a chyoi pra ai kawng ntsa hta, machyi shoichyum ai mung, n hkru ai lam hpa mung nga na ra ai n rai.”

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

YEREMIA 47:6

Nang gaw, ‘Madu a nhtu e, Kade na hkra kahtam nga na kun? Na a nhtu nhku de bai shang wa u, dai hta azim rai nga u!,’ ngu nna jahtau u.

YEREMIA 51:13

Dai mung gaw hka nu law law nga nga ai hte sut pungding e ningngai nga ti mung, de a aten htum mat sai, de a asak sumri dan kau hkrum nga sai.

YEREMIA 51:34

Babelon hkawhkam gaw Yerusalem hpe azat mani nna sha kau nu ai. Shi gaw namtau zawn; baren numraw gaw dai hpe mayu kau ai zawn mare hpe kaman di kau wu ai. Shi gaw shi ra sharawng ai hpe la nna ngam ai hpe kabai kau nu ai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

AMO LAIKA (AMOS) 9:3

Shanhte Hkarmela Bum pungding ntsa e makoi nga ai rai yang, ngai shanhte hpe hkan tam rim la na nngai. Shanhte gaw ngai kaw nna panglai htumpa hta makoi nga ai rai yang, shanhte hpe kawa na matu panglai baren numraw hpe ngai hkang dat na nngai.

SHINGRAN 12:3

Bai kaga mauhpa lamik kumla kaba langai mi lamu kata e dan pru wa ai. Baw sanit tu nna, nrung shi tu ai hkyeng ai baren numraw kaba langai mi gaw, shi a baw ni hta janmau langai hpra gup da nga ai.

SHINGRAN 13:11

Dai hpang ga kata de na pru lung wa ai matse labye kaga langai mi hpe ngai mu nngai. Shi hta Sagu Kasha a nrung hte bung ai nrung lahkawng tu nna, baren numraw zawn ga shaga ai.

SHINGRAN 13:4

Baren numraw gaw matse labye hpe shi a ahkang aya ap ya sai majaw, masha shagu gaw dai baren numraw hpe nawku ma ai. Shanhte dai matse labye hpe nawku ma ai hte, “Ndai matse labye hte kadai wa bung nga a ta? Shi hpe kadai wa shingjawng gasat lu na a ta?,” nga shajang ma ai.

SHINGRAN 16:13

Shaloi, shu zawn san ai, n san n seng ai nat masum hpe ngai mu nngai, Shanhte gaw, baren numraw a n-gup hta na mung, matse labye a n-gup hta na mung, myihtoi masu a n-gup hta na mung pru wa ma ai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

SHINGRAN 17:15

Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.

SHINGRAN 19:21

Shanhte a hpyen luksuk ni hpe gaw, gumra jawn ai wa a n-gup hta na pru ai ntawng nhtu hte sat kau ai hkrum ma ai rai nna, u ni mahkra gaw shanhte a ashan hpe shanhte sha lu ai daram hkru hkru kat kat sha ma ai.

SHINGRAN 2:16

Dai re ai majaw ya jang na a yubak mara ni kaw na kayin wa rit! Dai n rai yang, ngai alawan nang kaw du nna, nye a n-gup hta na pru ai ntawng nhtu hte shanhte hpe gasat kau na mawe ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.