ESAIA 26:6 - Jinghpaw Common Language Bible 2009

⁶ Dip gamyet sha hkrum ai ni gaw de a ntsa hkan ya jang kabye hkawm lu nna dai hpe shanhte a lagaw lahpan hte kabye anut nga ma ai.

Jinghpaw Hanson Version Bible

⁶ Masha lagaw dai hpe kabye kau na ra ai: gaja wa, matsan mayan ni a lagaw, hpa n lu ai ni a lahpan, dai hpe kabye kau na ra ai.

ESAIA 26:6 ပူးပေါင်းရင်းမြစ်များ

2 HKAWHKAM 9:33

Yehu gaw shanhte hpe, “Shi hpe kabai jahkrat dat mu!,” ngu nna tsun wu ai. Shanhte mung kabai jahkrat dat mu ai rai nna shi a asai gaw nta shakum hta mung, gumra ni hta mung gamang hkra nga ai. Yehu gaw shi a gumra hte rau shi a mang ntsa hku gawt lai mat wa nhtawm,

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 25:10

Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

ESAIA 28:3

Chyaru ya ningbaw ni a gumrawng gumtawng lam gaw lagaw lahpan hte kabye anut kau ai hkrum na mara ai.

ESAIA 29:19

Matsan mayan ni hte shagrit shanem ai amyu masha ni gaw dai Madu Israela a chyoi pra ai Karai Kasang jaw ai kabu gara lam hpe kalang mi bai mu na mara ai.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

ESAIA 37:25

Nang gaw maigan mung ni hkan hka htung ni htu nna hka lu lu ai hpe mung, na a hpyenla ni a lagaw ni hte Nila hka nu hpe kabye jahkraw ai hpe mung shakawng nga ndai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

YEREMIA 50:45

Dai rai nna, Babelon mare hpe ngai htim na matu hpaji jaw ai lam hte de a amyu masha ni hpe ngai galaw na matu shatawng shada ai lam hpe madat mu. Shanhte a kashu kasha ni pyi dun garawt kau ai hkrum nna masha shagu hte gaw hkrit kajawng na mara ai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

LUKA 10:19

Yu mu! Lapu hte n-gaw gawk ni hpe kabye lu na hte, gumlau a atsam yawng hpe dang lu na ahkang, ngai nanhte hpe jaw made ai rai nna, hpa mung nanhte hpe hkra lu na n rai.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

1 KORINHTU 1:26

Ya hpu nau ni e, nanhte hpe Karai Kasang e shaga la ai shaloi na lam hpe myit dum aru yu mu; shinggyim myi jut maga hku yu ga nga yang, hpaji byeng-ya rawng ai ni, ahkang aya lu ai ni, du amyu hta na law law wa nanhte hta lawm nga myit dai n rai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

YAWSHU 10:24

Dai hpang Yawshu gaw Israela amyu masha ni yawng hpe shaga la nhtawm shi hte rau hpyen gasat ai du salang ni hpe dai hkawhkam ni a du kabye ya na hkang dat wu ai hte maren, shanhte galaw ma ai.

SHINGRAN 2:26

Awng padang lu nna jahtum du hkra ngai ra sharawng ai arawn alai lam hkan nang ai ni hpe, nye Wa kaw na ngai lu ai ahkang aya hpe nan jaw ya na mawe ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.