ESAIA 26:20 - Jinghpaw Common Language Bible 2009

²⁰ Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

Jinghpaw Hanson Version Bible

²⁰ Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 26:20 ပူးပေါင်းရင်းမြစ်များ

NINGPAWT NINGHPANG 7:1

Dai Madu gaw Noa hpe, “Nang hte na a nta masha ni yawng dai sanghpaw li kata de shang manu; ndai mungkan ga yawng hta jaw ai amu galaw ai gaw nang chyu sha rai nga ndai hpe ngai mu se ai.

NINGPAWT NINGHPANG 7:16

Noa hte rau dai sanghpaw li kata de shang ma ai. Dai hpang dai Madu gaw Noa hpe kata e la sharawng da wu ai.

YOBA 14:13

Nang ngai hpe katsan ga e makoi da na hpe ngai ra sharawng nngai; na a masin kawp ai aten du hkra ngai makoi nga n-ga, dai hpang ngai hpe dum nga na matu aten langai masat da ya e law.

SHAKAWN KUNGDAWN 143:9

Madu e, makawp maga la na matu, nang kaw ngai sa wa nga nngai; nye a gumlau hpyen ni a lata kaw nna ngai hpe mawai la e law.

SHAKAWN KUNGDAWN 17:8

Tara n lang ai ni a gasat gala ai hte law la ai hpyen ni ngai hpe wang shinggrup nga ai kaw na na a myi sha ni hpe nang makawp maga ndai zawn ngai hpe na a singkaw ni a shingnip a npu e makoi da e.

SHAKAWN KUNGDAWN 27:5

Ru tsang hkrum ai aten ni hta, shi gaw nye a shingbyi shara tai ya na ra ai; shi gaw ngai hpe shi a Htingnu kata hta shim ai hte bau sin na ra ai hte, tsaw ai lunghkrung ntsa e, ngai hpe shim nga shangun na ra ai.

SHAKAWN KUNGDAWN 30:5

Shi a masin kahtet ai gaw hkring mi sha rai nga ai, shi a mai kaja ai lam prat ting a matu rai nga ai. Shana e myi prwi ni lwi nga ti mung, jahpawt e kabu gara ai lam lu la nga ai.

SHAKAWN KUNGDAWN 31:20

Masha ni a maw mawn ai kaw na nang shanhte hpe na a man na shim lum ai shara hta makoi da nna; shanhte a gumlau hpyen ni roi rip ai kaw nna mung shim ai shara hta nang shanhte hpe makoi da nga ndai,

SHAKAWN KUNGDAWN 32:7

Nang gaw nye a gawp makoi shara rai nga ndai; nang gaw ngai hpe ru yak tsin-yam kata kaw nna hkye hkrang la na rin dai. Nang ngai hpe makawp maga ndai majaw na a hkye hkrang la ai lam hpe ja ja mahkawn na nngai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 57:2

Tsaw Htum ai Karai Kasang ngu ai, nye a ra kadawn ai lam shagu hta karum la ai Karai Kasang hpe ngai shaga nngai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

SHAKAWN KUNGDAWN 91:4

Shi gaw shi a singkaw ni hte nang hpe magap da na ra ai, shi a lanu lahku mada mara ai hta nang shim nga lu na ra ai; shi a sadi sahka gaw nang hpe makawp maga ya ai hte, bau sin ya na ra ai.

SHAKAWN KUNGDAWN 94:13

Tara n lang ai ni hpe mahkam hkam na matu, nhkun htu tawn ai aten du hkra ru tsang ai nhtoi ni kaw na, nang shi hpe ban sa ai lam jaw ya nga ndai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

GA SHAGAWP 22:3

Chye myit chye mang ai masha ni gaw du wa na ru yak tsin-yam hpe tau mu nna, dai hpe koi yen ti mung; nyan tang ai ni chyawm gaw dai tsin yam kata de shang bang wa nna, hpang e she shut dum na mara ai.

ESAIA 10:25

Kade n na yang, ngai nanhte hpe ari jaw nga ai hpe jahtum kau na nngai, dai hpang ngai shanhte hpe jahten kau na nngai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 13:5

Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

ESAIA 34:2

Dai Madu gaw masha amyu baw ni yawng hte shanhte a hpyen luksuk ni yawng hpe pawt sindawng nga ai. Shi gaw shanhte hpe shamyit kau na matu daw dan nu ai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 51:4

“Nye a amyu masha ni e, nye a ga madat mara mu, ngai tsun ai ga hpe madat mu: Ngai gaw masha amyu baw ni hpe nye a sharin shaga ga jaw nngai; nye a tara ni gaw shanhte a matu nhtoi tai na ra ai.

ESAIA 66:14

Ndai zawn byin ai hpe nang mu ai shaloi, nang kabu gara na ndai; dai gaw nang hpe n-gun shaja ya ai hte hkam kaja shangun na ra ai. Dai hpang nang gaw dai Madu ngai nan nye a ga madat ai ni hpe karum ai mung, nye a gumlau hpyen ni hpe ninghkap na matu nye a masin kahtet ai hpe madun dan ai mung nang chye na rin dai,” ngu nna tsun wu ai.

YEREMIA 31:14

Ngai gaw hkinjawng ni hpe mu htum ai lusha hte jahpring ya na nngai, nye a amyu masha ni a ra kadawn ai lam yawng hpe myit shadik ya na nngai. Dai Madu ngai nan tsun ni ai,” ngu nna tsun ai.

YEREMIA 7:23

Rai ti mung, nye a ga madat na matu shanhte hpe ngai hkang da ni ai, ngai gaw shanhte a Karai Kasang tai nna, shanhte gaw nye a amyu masha ni tai na mara ai. Ngai shanhte hpe hkang da sai asak hkrun lam hta hkawm sa na lam ngai tsun ni ai, shaloi, shanhte gaw lam shagu hta ngamu ngamai wa na mara ai.

EZEKELA 11:16

Ya chyawm gaw, na a bawng dung kahpu kanau ni hpe ngai tsun shaga ai mungga tsun dan u. Ngai gaw shanhte hpe sumtsan mung na masha amyu baw ni kaw shanu nga na matu, shangun kau dat ai wa rai nna, shanhte hpe kaga mungdan ni de shabra ayai kau ni ai. Rai ti mung, shanhte sa nga ai mungdan ni hta ngai gaw shanhte hte tawng marang mi rau nga nga na nngai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

ZEHPANI 2:3

Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

MAHTE 6:6

Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.