ESAIA 26:2 - Jinghpaw Common Language Bible 2009

² Mare chyinghka ni hpe hpaw malang da mu, kangka ai masha amyu baw hte jaw ai amu galaw ai masha amyu baw ni shang lu mu ga.

Jinghpaw Hanson Version Bible

² Dinghpring ai hte kangka re ai amyu shang lu u ga, mare chyinghka ni hpe hpaw malang da mu.

ESAIA 26:2 ပူးပေါင်းရင်းမြစ်များ

SHAKAWN KUNGDAWN 106:5

Na a amyu masha ni a ngamu ngamai ai lam hpe mung, na a amyu baw a kabu gara ai lam hpe mung, nang madu da ai amyu masha ni a kabu gumrawng ai lam hpe mung ngai hpe mu mada shangun e law.

SHAKAWN KUNGDAWN 118:19

Nawku Htingnu chyinghka ni e, nye a matu hpaw malang nga u; ngai shang wa nna dai Madu hpe chyeju sa dum na nngai.

SHAKAWN KUNGDAWN 118:20

Da ndai gaw Madu a chyinghka rai nga nna, ding hpring ai ni chyu sha shang lu nga ai.

SHAKAWN KUNGDAWN 24:7

Mare chyinghka ni hpe hpaw malang da mu, prat dingsa na chyinghka ni hpe hpaw mu; magrau grang ai hkawhkam wa shang wa na ra ai.

PRU MAT 19:6

ngai hta chyu sha ap nawng da ai amyu masha ni tai ai hte nanhte gaw hkinjawng ni zawn ngai hpe daw jau na rai myit dai.”

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 54:14

Teng man rap ra ai tara hte ding man ai gaw nang hpe n-gun shaja ya na ra ai. Nang gaw dip gamyet sha hkrum ai hte hkrit kajawng ai amu kaw na shim nga lu na ndai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

ESAIA 58:8

“Dai hpang nye a myi man gaw jahpawt manap na ajan zawn na a ntsa e htoi wa na ra ai, na a ningma ni alawan shamai shatsai ai hkrum na ra ai. Ngai gaw nang hpe hkye la na matu nang hte tut nawng nga nga na nngai; nye a hpung shingkang gaw nang hpe man maga shagu makawp maga la na nngai.

ESAIA 60:11

Na a chyinghka ni shani shana hpaw da lu na rai ndai, Shaloi masha amyu baw ni a hkawhkam ni Shanhte a sut gan nang kaw la shang wa na mara ai.

ESAIA 60:18

Kashun kashe du daw sai hkaw ai nsen hpe galoi mung na lu sana n rai; Jahten shaza ai amu gaw na a mungdan hpe bai ga gamang kau na ra ai n rai. Ngai gaw nang hpe bunghku zawn makawp maga nna dahpran shara tai ya na nngai; Ngai gaw nang hpe hkye la ni ai majaw, nang ngai hpe shakawn kungdawn na rai ndai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 62:1

Ngai gaw Yerusalem hpe n-gun atsam jaw na matu tsun shapraw na nngai; Ngai gaw dai mare hkye hkrang la hkrum ai aten du hkra atsin sha nga na n rai, Dai mare a awng padang gaw shana e htoi ai wan shanan zawn htoi tu nga ai.

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

ESAIA 62:2

Yerusalem e, masha amyu baw ni gaw nang awng padang lu la nga ndai hpe mu wa na mara ai! Shanhte a hkawhkam ni yawng gaw na a arawng sadang hpe mu wa na mara ai. Nang gaw dai Madushi nan jaw ai amying Nnan hte shaga hkrum na rai ndai.

ZEHKARIA 8:20

Chyahtum Chyalai N-gun rawng ai dai Madu gaw, “Mare kahtawng law law hkan na amyu masha ni Yerusalem mare de sa wa na aten du wa nga ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

2 PETRU 3:13

Rai ti mung anhte gaw, Karai Kasang ga sadi jaw da sai ding hpring ai ni nga na nta ngu ai sumsing lamu ningnan, ginding aga ningnan hpe anhte myit mada ala nga ga ai.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.

SHINGRAN 21:24

Mungkan ga a amyu masha ni dai mare a nhtoi hte hkawm sa lu na mara ai, ga ntsa na hkawhkam ni mung, tinang a sut gan ngamu ngamai ai hpe dai mare de la jashawn na maru ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.