ESAIA 26:19 - Jinghpaw Common Language Bible 2009

¹⁹ Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

Jinghpaw Hanson Version Bible

¹⁹ Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

ESAIA 26:19 ပူးပေါင်းရင်းမြစ်များ

YOBA 14:8

De a aru ni dingsa mat wa nna, hpundu ni ga kata hta hkraw rawng nga tim pyi,

YOBA 29:19

Ngai gaw tut e hka lu lu ai hpun ru zawn mung, numri hte madi nga ai hpun lakung lakying ni zawn mung rai nga nngai

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

SHAKAWN KUNGDAWN 22:29

Gumrawng gumtawng ai masha yawng hte gaw shi hpe dingnyawm wa na mara ai; si chye ai masha yawng hte mung shi a man e, dingnyawm wa na mara ai.

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

SHAKAWN KUNGDAWN 88:11

Lup sung hku kata e, na a dinggrin tsaw ra myit a lam hpe tsun kajai nga ma ni? Ngarai mung e na a sadi sahka lam hpe shanhte hkai nga ma ni?

ESAIA 18:4

Dai Madu gaw ngai hpe, “Mangai aten lum ai shana ni hta atsin sha hkrat ai numri zawn, kahtet kang ai shani hta asim sha jan katen ai zawn sumsing lamu kaw nna ngai gum yu na nngai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

Daniela 12:2

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

HOSEA 14:5

Ngai gaw hkun hkraw ai shara hta marang htu ai zawn ngai gaw Israela amyu masha ni a matu tai na nngai. Shanhte gaw nampan ni zawn pu wa nna; Lebanon a hpun ni zawn ngang ngang ru jung na ra ai.

HOSEA 6:2

Lahkawng masum ya rai jang, shi anhte hpe shaprawn la na ra ai, anhte gaw shi a man e nga lu na ga ai.

ZEHKARIA 8:12

Shanhte gaw ngwi pyaw sim sa ai hte nsi naisi gat hkai lu na mara ai; shanhte a sabyi ru ni hta asi si wa na mara ai; lamu ga mung nsi naisi shatut ya nna dai yang e marang law nga na ra ai. Dai rai nna naw hkrung nga ai nye a amyu masha ni hpe ndai shaman chyeju yawng ngai jaw na mawe ai.

MAHTE 27:52

Lup ni mung hpaw mahka wa nna si mat sai Karai Kasang a masha ni law law wa bai hkrung rawt wa ma ai.

MAHTE 27:58

Shi gaw Pilat hpang de shang nna, Yesu a hkum tsawp moi mang hpe hpyi wu ai. Shaloi Pilat gaw dai wa hpe ap ya dat na ahkang jaw wu ai.

KASA 24:15

Shanhte myit mada ai hte maren ngai mung kaja ai ni mi da, n kaja ai ni mi da, si ai kaw na bai hkrung rawt wa na mara ai ngu nna Karai Kasang hta myit mada nga nngai.

1 KORINHTU 15:20

Rai ti mung, teng teng byin ai lam gaw, Hkristu gaw si mat ai ni kaw na bai hkrung rawt wa sai rai nna, yup pyaw mat wa sai ni bai hkrung rawt wa na mara ai lam pahkam hkam ai lam lu la saga ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

TARA JAHPRANG 32:2

Nye a sharin shaga ai ga gaw marang si ni zawn htu hkrat nna, ginding aga ntsa e numri zawn rai nga na ra ai. Nye a ga mung hpun bawng ni a ntsa e marang mahpawng zawn, tsit lali ai tsingdu ni a ntsa e marang shaya zawn htu bun na ra ai.

TARA JAHPRANG 33:13

Shi gaw Yosep amyu bawsang hte lakap nna ning ngu tsun wu ai: “Dai Madu gaw shanhte a lamu ga hta lamu Marang hte mung, ginding aga lawu tsang na hka hte mung, shaman ya nga u ga law.

TARA JAHPRANG 33:28

Shing rai, lamu de na numri hkrat ai hte ga kata na hka hpawk ni pru nhtawm, nai mam hte sabyi ntsin ing ai lamu ga hta, Yaku amyu matu ni ngwi pyaw sim sa ai hte shim ai hku nga lu na rai ma ai.

HPILIPI 3:10

Ngai gaw Hkristu hpe chye chyang na lam, shi a bai hkrung rawt wa ai n-gun atsam hpe mu hkrum hkam sha lu na lam, shi hte rau nni nkri hkam nna shi si hkam ai zawn si hkam na hpe sha ngai ra marit nga nngai.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

1 SAMUELA 2:6

Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.