ESAIA 26:16 - Jinghpaw Common Language Bible 2009

¹⁶ Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

Jinghpaw Hanson Version Bible

¹⁶ Yehowa e shanhte nni nkri hkrum yang, nang hta myit manoi nga masai; nang shanhte hpe shari yang, shanhte hpyi madai masai.

ESAIA 26:16 ပူးပေါင်းရင်းမြစ်များ

SHAKAWN KUNGDAWN 142:2

Nye a aru ara lam mahkra hte hpe shi hpang de, ngai la sa nngai; nye a ru tsang lam yawng hte hpe mung, shi hpe ngai tsun dan nngai.

SHAKAWN KUNGDAWN 27:8

“Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 77:3

Ngai Karai Kasang a lam hpe myit yu ai shaloi, nsa kaba shaw nngai; ngai myit aru yu ai shaloi, myit ru myit yak ai lam hpe ngai hkam sha nga nngai.

SHAKAWN KUNGDAWN 78:34

Shanhte kaw na n kau mi hpe shi sat kau ai aten shagu hta, ngam ai ni gaw shi hpang de kayin wa ma ai; shanhte myit malai wa nna, Madu kaw akroi anoi akyu hpyi nga ma ai.

SHAKAWN KUNGDAWN 91:15

Shanhte ngai hpe shaga yang, ngai shanhte hpe htan ya na nngai; shanhte ru tsang hkrum yang, ngai shanhte hte rau nga nga na nngai. Ngai shanhte hpe mawai la nna; shagrau sha-a na mawe ai.

ESAIA 37:3

Ndai gaw Esaia hpe sa tsun na matu shi shanhte hpe hkang dat ai ga rai nga ai: “Dai ni na nhtoi gaw nni nkri hkrum sha ai shani rai nga ai; anhte gaw ari hkrum sha nna kaya kahpa hkrum nga saga ai. Anhte gaw ma shangai na matu jin jin rai nga sai, rai ti mung shangai lu na matu n-gun n rawng ai numsha langai hte bung nga saga ai.

YEREMIA 2:27

Hpun gaw na a kawa, lunghkrung gaw na a kanu ngu nna tsun ai nanhte yawng hte gaw jahpoi hkrum na rai myit dai. Nanhte gaw ngai kaw kayin wa na malai, nanhte mahtang ngai kaw na kayin mat wa manit dai majaw dai amu byin wa na ra ai. Rai ri mung nang ru yak tsin-yam tsindam hkrum ai shaloi, nang hpe sa hkye hkrang la na matu nang ngai hpe hpyi nem ndai.

YEREMIA 22:23

Lebanon mung kaw na la wa ai arit hpun ni a lapran hta nang shim ai hte ban sa lu ti mung, shinggyim machyi hkrum ai num zawn nchyi nmu gaw nang hpe machyi shangun ai shaloi, nang kade wa matsan mayan hkrum nga n hka!

YEREMIA 29:12

Dai hpang, nanhte gaw ngai hpe shaga na myit dai. Nanhte gaw ngai kaw sa nna akyu hpyi na myit dai. Ngai mung nanhte hpe htan ya na nngai.

SHARUNG SHAYAWT 2:19

Shana tup lang hte lang rawt nna Madu hpe hpyi jahtau u; Na a myit masin hpe ru shapraw dat nhtawm lam jut shara shagu hkan e si na daram Kawsi kyet nga ai ma kaji ni hpe matsan dum la na matu, shi hpe hpyi nem u!

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

BU HKAWM 21:7

Amyu masha ni mung Mawshe hpang de sit sa nhtawm, “Anhte gaw dai Madu hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai Madu hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.

TARA AGYI 10:15

Rai ti mung Israela amyu masha ni mahtang dai Madu hpe, “Anhte yubak galaw shut kau saga ai; nang ra ai hku anhte hpe galaw mi; rai ti mung ya e pyi chyeju hte anhte hpe hkye hkrang la mi,” ngu nna tsun ma ai.

1 SAMUELA 1:15

Shi chyawm gaw, “N rai law, Madu e, ngai gaw chyaru nang ai wa n rai nngai; chyaru mung n lu yu nngai! Ngai myit htum nga nngai majaw Madu hpang de nye a ru yak tsin-yam tsindam tsun shapraw na ngu nna she ngai akyu hpyi nga nngai.