ESAIA 26:15 - Jinghpaw Common Language Bible 2009

¹⁵ Madu e, nang gaw anhte a amyu baw hpe shalaw jahtam ya nit dai, de a lamu ga hpe man maga shagu de shadam dat ya nga ndai; dai gaw nang hpe arawng sadang jaw ya nga sai.

Jinghpaw Hanson Version Bible

¹⁵ Yehowa e, nang anhte a amyu hpe shalaw jahtam nu ai, gaja wa shalaw jahtam nu ai; nang hpung shingkang dan hkung ndai; na mung a lamu ga jarit grup, nang maden jat nu ai.

ESAIA 26:15 ပူးပေါင်းရင်းမြစ်များ

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 13:16

Na a amyu matu mara ni hpe ngai shalaw jahtam na nngai; kadai mung shanhte yawng hpe dang hti lu na mara ai n rai; dai gaw ga ntsa e taw ai ga nhpu ni hpe n dang hti ai zawn law htam na mara ai.

1 HKAWHKAM 8:46

“Na a amyu masha ni hta yubak n galaw ai kadai mung n nga nga ai majaw na a pawt sindawng ai hta shanhte hpe shanhte a gumlau hpyen ni hpe dang kau shangun nna kaga mungdan nkau mi de bawng masha hku woi mat wa ai majaw mungdan hte tsan mat wa tim,

2 HKAWHKAM 17:23

Israela masha ni gaw Yeroboam a hpang hkan nna, shi shut kau nu ai yubak yawng hta matut nna hkan galaw nga ma ai. Dai rai nna Israela amyu masha ni Asuri mung de bawng rim mat wa ai hkrum nna dai ni du hkra nga nga ma ai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

2 HKAWHKAM 23:27

Dai Madu gaw, “Israela hpe ngai galaw kau we ai zawn Yuda amyu masha ni hpe mung nye man kaw nna shaden shapraw kau na we ai. Ndai ngai lata da ai Yerusalem mare hpe mung, ngai hpe nawku mu ga, ngu nna ngai tsun ai Nawku Htingnu shara hpe mung ngai kau da na nngai,” ngu nna tsun wu ai.

NEHEMIA 9:23

Nang gaw shanhte a kashu kasha ni hpe lamu na shagan ni zawn law law jaw nna, shanhte hpe jaw na ngu nna shanhte a kaji kawa ni hpe nang ga sadi jaw da sai mung hpe madu la shangun ai hte nga nga shangun u.

YOBA 12:23

Shi gaw masha amyu baw ni hpe n-gun ja shangun ai hte galu kaba shangun nga ai; rai ti mung shanhte hpe dang kau nna shamyit kau wu ai.

ESAIA 10:22

Israela amyu masha ni gaw ya rai tim panglai hkin-gau na zaibru tum ni daram law htam nga ma ti mung, ngam ai loi mi chyu sha nhtang wa na mara ai. Sharun jahten ai gaw amyu masha ni a matu mahkawng da ya nga ai, dai gaw hpring tup hkra hkam la lu na mara ai.

ESAIA 33:17

Nang gaw mungkan jut shara shagu de dep nang nga ai mungdan langai a ntsa hpung shingkang hte up hkang nga ai hkawhkam langai hpe kalang mi bai mu lu na rin dai.

ESAIA 40:5

Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 6:12

Ngai gaw amyu masha ni hpe sumtsan de sa kau dat nna lamu ga ting hpe katsi katsang shara shatai kau na nngai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 9:3

Madu e, nang gaw shanhte hpe kabu gara lam kaba jaw ya nit dai; nang gaw shanhte hpe kabu gara shangun nga nit dai. Shanhte gaw nang galaw dan sai amu a majaw, amyu masha ni nsi shu la lu ai shaloi hte shanhte sut gan lanep karan la lu ai shaloi kabu ai zawn kabu gara ma ai.

YEREMIA 30:19

Dai yang e nga ai amyu masha ni gaw mahkawn shakawn na mara ai; shanhte gaw kabu gara jahtau garu na mara ai. Nye a shaman chyeju ga a majaw, shanhte law htam mayat maya wa na mara ai; nye a shaman chyeju gaw shanhte hpe shagrau sha-a lam jaw ya na ra ai.

YEREMIA 32:37

Nye a pawt sindawng ai hte masin kahtet ai hta ngai shanhte hpe shaden shabra kau dat ai mungdan ni yawng hta na amyu masha ni hpe ngai shinggyin la na nngai; ngai gaw shanhte hpe ndai shara de bai woi wa nhtawm ndai yang e shim lum ai hte shanhte shanu nga lu mu ga.

EZEKELA 36:24

Ngai gaw nanhte hpe amyu baw shagu hte mungdan shagu kaw na shapraw la nhtawm nanhte a mungdan majing de woi nhtang wa na nngai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

BU HKAWM 23:10

Israela amyu matu ni gaw ga nhpu zawn- Grai law nga ma ai majaw n dang hti lu nga ai. Karai Kasang a amyu masha hta na langai mi wa zawn nye a nhtoi ni hpe jahtum kau n-ga; Ding man ai wa si ai zawn ngwi pyaw sim sa ai hte ngai si wa n-ga law.”

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

YAWHAN 15:8

Nanhte asi law law si wa ai a majaw nye Wa a hpung shingkang dan hkung wa na ra ai, ndai hku nna nanhte gaw nye a sape ni tai wa myit dai.

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

TARA JAHPRANG 10:22

Nanhte a nji nwa ni Egutu mung de yu sa wa ma yang, marai sanit shi sha rai ma ai. Rai ti mung ya chyawm gaw dai Madu nanhte a Karai Kasang she nanhte hpe sumsing lamu na shagan ni zawn shalaw jahtam ya manit dai.

TARA JAHPRANG 28:25

“Nanhte hpe hpyen ai gumlau hpyen ni hpe dai Madu gaw awng padang jaw kau ya na ra ai. Nanhte gaw man maga langai hku sha shanhte hpang de htim sa wa lu myit ti mung, nanhte gaw shanhte kaw na lam maga sanit hku hprawng htaw mat wa na rai myit dai. Ga ntsa na masha amyu baw ni yawng nanhte hta byin ai lam ni hpe yu nna hkrit gari mat na mara ai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.