ESAIA 26:14 - Jinghpaw Common Language Bible 2009

¹⁴ Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

Jinghpaw Hanson Version Bible

¹⁴ Dai madu ni gaw si ma masai; bai hkrung lu na n rai; shanhte minla tai masai, bai rawt lu na n rai; dai lam majaw, nang shanhte hpe kawan katsan yu ai hte, shanhte hpe jahten shabyak kau nna, shanhte a masat dingsat pyi n nga lu hkra, shamyit kau manu ai.

ESAIA 26:14 ပူးပေါင်းရင်းမြစ်များ

YOBA 18:17

Shanhte a dan hkung ai gaw nta hta mung, sumtsan shara hta mung mat mat nna, shanhte hpe galoi mung adum nga na mara ai n rai.

YOBA 24:20

Ya pyi, shi a kanu shi hpe dum ai n rai; shanhte gaw byet e sha kau hkrum nna agrawp daw mat ai hpun zawn hten za mat nga ma ai.

YOBA 7:9

Sumwi hkoi mat nna mat mat ai zawn, anhte shinggyim masha ni mung si mat wa nna, galoi mung nhtang wa ai n rai; anhte hpe chye yu sai ni anhte hpe malap kau na ma ai.

SHAKAWN KUNGDAWN 106:28

Dai hpang, Karai Kasang a masha ni Bala hpara hpe Peura shara hta nawku daw jau nga ma ai; hpara chyasi ni hpe nawng jau ai hkungga shan ni hpe mung sha nga ma ai.

SHAKAWN KUNGDAWN 109:13

Shi a aru arat ni yawng hte mung si mat mu ga; shi a mying hpe hpang ban prat hta n dum shajang mu ga.

SHAKAWN KUNGDAWN 135:17

Shanhte hta na tu ti mung, n na lu ma ai, shanhte gaw nsoi nsa pyi n lu sa nga ma ai.

SHAKAWN KUNGDAWN 36:12

Yu u, n hkru ai masha ni kanang kadawng taw nga sai hpe yu u. Shanhte gaw dai yang e kataw nna n lu rawt nga ma ai.

SHAKAWN KUNGDAWN 59:5

Chyahtum Chyalai n-gun rawng ai Madu Karai Kasang e, rawt u, ngai hpe karum la na sa rit; Israela a Karai Kasang e, nang hkum nan yu yu u! Rawt nna maigan masha ni hpe ari jaw u: gumle gumlau sadi n dung ai masha ni hpe matsan dum ai myit hkum madun nga et!

SHAKAWN KUNGDAWN 9:6

Anhte a gumlau hpyen ni gaw htani htana htum mat masai; nang gaw shanhte a mare ni hpe jahten kau nit dai hte shanhte gaw tsep kawp malap kau ai hkrum nga masai.

PRU MAT 14:30

Dai shani jang, dai Madu gaw Israela amyu masha ni hpe Egutu masha ni a lata kaw na hkye hkrang la nu ai rai nna panglai hkin-gau hkan e si taw nga ai Egutu masha ni hpe shanhte mu ma ai.

GA SHAGAWP 10:7

Mai kaja ai masha ni gaw shaman chyeju langai zawn, matsing da ai hkrum nga ma ai; tara n lang ai masha ni chyawm gaw, loi hkring mi rai jang, malap kau ai hkrum na mara ai.

HPAJI NINGLI 9:5

Rai sa, hkrung nga ai ni gaw shanhte si na hpe chye nga ma ai, rai ti mung si mat sai ni chyawm gaw hpa n chye ma ai. Shanhte gaw hpa shabrai mung n hkam la lu ma ai; shanhte gaw tsep kawp malap kau ai hkrum na ma ai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 37:19

karai ni n rai nga ai shanhte a karai ni hpe nat kau ma ai; dai ni gaw masha a lata hte galaw ai hpun nlung hpara sumla ni sha rai nga ai hpe anhte yawng chye ga ai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

MAHTE 2:20

“Rawt u, dai ma kaji hte kanu hpe woi la nna, Israela mung de wa su, hpa majaw nga yang, dai ma kaji a asak hpe tam ai ni si mat masai,” nga ai.

TARA JAHPRANG 4:28

Dai shara hkan e, myi n mu, na n na, n lu n sha chye ai hte manam n chye ai hpara ni ngu ai shinggyim masha a lata hte tawk da ai hpun hpara, nlung hpara ni hpe nanhte daw jau na marin dai.

SHINGRAN 20:5

(Ngam nga ai masha jasi ni chyawm gaw, dai shaning hkying mi garai n htum ai laman bai n hkrung lu na ma ai.) Dai gaw shawng na bai hkrung rawt ai ngu ai rai nga ai.