ESAIA 25:9 - Jinghpaw Common Language Bible 2009

⁹ Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

Jinghpaw Hanson Version Bible

⁹ Dai shani e, Yu u, ndai gaw anhte a Karai Kasang rai nga ai: anhte shi hpe myit mada nna, shi anhte hpe hkye hkrang la na ra ai; ndai gaw Yehowa nan rai nga ai; anhte shi hpe myit mada nna, shi a hkye hkrang la ai lam majaw anhte kabu gara awng sharawng nga na ra ga ai, nga nna tsun shajang na mara ai.

ESAIA 25:9 ပူးပေါင်းရင်းမြစ်များ

NINGPAWT NINGHPANG 49:18

“Madu e, ngai gaw na a hkye hkrang la ai lam hpe ala nga nngai.

SHAKAWN KUNGDAWN 100:1

Mungkan ga yawng hte e, dai Madu hpe mahkawn mangoi nga mu!

SHAKAWN KUNGDAWN 20:5

Shing rai, anhte gaw na a awng padang a majaw, kabu jahtau nga na ga ai; anhte a Karai Kasang hpe shakawn kungdawn ai hte na a awng padang ninglaw hpe masat poi galaw na ga ai. Na a hpyi lajin ai lam yawng mayawng hte hpe mung Madu htan ya nga u ga law.

SHAKAWN KUNGDAWN 21:1

Madu e, nang gaw hkawhkam wa hpe n-gun atsam jaw ya nit dai majaw, shi kabu gara nga ai; nang gaw shi hpe padang ninglaw lu shangun ndai majaw shi kabu gara nga ai.

SHAKAWN KUNGDAWN 27:14

Madu hpe kam hpa nga u. Kam sham nga u, myit hkum htum et; Madu hpe kam hpa nga u.

SHAKAWN KUNGDAWN 33:20

Anhte gaw dai Madu hpe myit mada nga ga ai; shi gaw anhte a makawp ninggang hte karum la ai wa rai nga ai.

SHAKAWN KUNGDAWN 33:21

Shi a majaw anhte kabu gara nga ga ai; shi a chyoi pra ai mying nsang hta anhte kam ga ai.

SHAKAWN KUNGDAWN 40:17

Madu e, ngai gaw gawng kya nga nngai hte matsan mayan re ai wa rai nga nngai, rai ti mung, nang gaw ngai hpe malap kau nga ndai n rai. Nang gaw nye a hkye hkrang la ai wa hte nye a Karai Kasang rai nga ndai- ngai hpe karum la na tin tin du rit law!

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

SHAKAWN KUNGDAWN 95:1

Wa marit, Madu hpe anhte shakawn ga! Anhte hpe makawp maga ai Karai Kasang hpe kabu gara mahkawn shakawn ga!

ESAIA 33:2

Madu e, anhte hpe matsan dum la mi. Anhte nang hpe myit mada ga ai. Anhte hpe lani hte lani makawp maga ya mi, ru yak tsin-yam tsindam hkrum ai aten ni hta anhte hpe hkye la mi.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 64:4

Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

ESAIA 65:18

Ngai hpan da ai lam hta htani htana kabu gara awng sharawng nga mu. Ngai hpan ai Yerusalem ningnan gaw kabu gara ai hte hpring nga na ra ai, dai hta shanu nga ai amyu masha ni mung kabu gara lu na mara ai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

MIHKA 7:7

Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.

HABAKU 3:18

ngai gaw naw kabu gara ai hte kabu sharawng nga na nngai, hpa majaw nga yang Madu Karai Kasang gaw nye a hkye la madu rai nga ai.

ZEHKARIA 10:7

Israela amyu masha ni gaw hpyenla ni zawn n-gun ja wa nna, sabyi ntsin lu lu sai ni zawn kabu gara na mara ai. Shanhte a amyu matu mara ni gaw ndai awng padang hpe dum wa na mara ai dai Madu galaw nu ai amu a majaw kabu gara lu na mara ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

HPILIPI 3:1

Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

1 PETRU 1:6

Nanhte hkrum hkra nga ai agung alau amyu myu a majaw ya jahkring jahkra yawn hkyen hkrum ra mat ti mung, dai hkye hkrang la ai lam a marang e nanhte akabu gara nga mu.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

2 PETRU 3:12

Nanhte gaw Karai Kasang a nhtoi hpe ala nga ai lam hta alawan du wa ru ga; kaja dik ai hku shakut sharang let ala nga mu. Dai nhtoi hta sumsing lamu ni gaw hkru mat nna hten za mat na mara ai; sumsing lamu na ahtoi hkum ni mung kahtet ai majaw byawng mat na mara ai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

SHINGRAN 22:20

Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!