ESAIA 25:8 - Jinghpaw Common Language Bible 2009

⁸ Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

Jinghpaw Hanson Version Bible

⁸ Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 25:8 ပူးပေါင်းရင်းမြစ်များ

SHAKAWN KUNGDAWN 116:8

Dai Madu gaw ngai hpe si ai kaw nna mung, nye a myi prwi pru ai kaw nna mung, nye a lagaw kashawt ai kaw nna mung, hkye hkrang la sai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

ESAIA 30:19

Yerusalem hta shanu nga ai amyu masha ni, nanhte gaw galoi mung hkrap sana n rai. Dai Madu gaw matsan chye dum ai wa rai nga ai, nanhte shi kaw karum la na matu jahtau ai shaloi, shi nanhte hpe htan ya na ra ai.

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 37:3

Ndai gaw Esaia hpe sa tsun na matu shi shanhte hpe hkang dat ai ga rai nga ai: “Dai ni na nhtoi gaw nni nkri hkrum sha ai shani rai nga ai; anhte gaw ari hkrum sha nna kaya kahpa hkrum nga saga ai. Anhte gaw ma shangai na matu jin jin rai nga sai, rai ti mung shangai lu na matu n-gun n rawng ai numsha langai hte bung nga saga ai.

ESAIA 51:11

Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

ESAIA 60:15

“Nang gaw galoi mung kau da nna n dawng ai hkrum sana n rai, Shagram kau da ai mare, katsi katsang mare tai sana n rai. Ngai gaw nang hpe galu kaba ai hte tsawm htap shangun na nngai, Htani htana prat dingsa kabu gara ai shara shatai na nngai.

ESAIA 61:7

Na a kaya kahpa hte arawng hpoi hkrum ai gaw htum mat nga sai. Nang gaw na a mungdan hta nan nga lu na rai ndai, Na a sut gan gaw htam lahkawng law jat wa nna; Na a kabu gara ai gaw htani htana agrin nga na ra ai.

ESAIA 65:19

Yerusalem hte dai hta nga ai amyu masha ni a majaw, ngai hkum nan kabu gara ai hte hpring nga na nngai. Dai mare hta hkrap ngu hkrap ngoi nga na n rai, karum la na matu saw shaga ai nsen na lu na n rai.

ESAIA 66:5

Shi hpe hkrit kamyin ai hte shi a ga madat mara nga ai nanhte gaw dai Madu ning nga tsun ai ga hpe madat mu: “Nang gaw ngai hta sadi dung nga ndai majaw, na a amyu masha majing na nkau mi ngai hpe n ju ai hte nang hte hpa amu mung galaw na mara ai n rai. Shanhte gaw nang hpe ashu ai hte, ‘Dai Madu gaw shi a galu kaba ai hpe madun nna nang hpe hkye la u ga, shaloi nang kabu gara ai hpe anhte mu lu n-ga,’ ngu nna tsun ma ai. Rai ti mung shanhte nan kaya kahpa hkrum na mara ai!

YEREMIA 31:16

Na a hkrap ai hpe shangap kau u na a myi prwi hpe katsut kau u. Na a nshu nsha ni a matu nang galaw sai lam yawng mayawng hte maren shabrai n hkam la na ma ai n rai; shanhte gaw gumlau hpyen ni a mung kaw nna nhtang wa na mara ai.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

LUKA 1:25

Ya Elisabet gaw, “Jahtum e, Madu ngai hpe karum la ni ai; masha ni a man e ngai hkrum ai sari jahpoi shatan nhkan hpe karum la ni ai; masha ni a man e ngai hkrum ai sari jahpoi shatan nhkan hpe yawng yeng seng kau ya ni ai,” nga nna tsun ai.

1 KORINHTU 15:26

Hpang jahtum na hpyen wa ngu ai si hkrung si htan gaw yeng seng kau ai hkrum na ra ai.

1 KORINHTU 15:54

Dai rai nna, ndai hten mat, yat mat chye ai gaw n hten n mat chye ai hpe mung, si mat chye ai gaw n si n mat chye ai hpe mung galai dagraw la ai shaloi, “Si hkrung si htan gaw padang e kamaw mayu ai hkrum nu ai; si hkrung si htan hpe padang dip ai lam ngut kre sai!,” nga nna Chyum Laika hta tsun da ai ga dik wa na ra ai.

2 TIMOHTI 1:10

Rai ti mung ya gaw, anhte a hkye hkrang la ai Madu Hkristu Yesu du sa ai aten e, dai lam anhte hta shadan dan dat mani ai. Shi gaw si hkrung si htan a atsam hpe yeng seng kau nna, dai Kabu Gara Shiga hku nna n si n mat ai asak hkrung lam hpe shadan dan dat nu ai.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.

SHINGRAN 20:14

Shaloi si hkrung si htan hte si ai ni a katsan ga gaw, wan nawng hta jahkrat bang kau ai hkrum ma ai. (Dai wan nawng gaw lahkawng lang ngu na si ai lam rai nga ai.)

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.