ESAIA 25:5 - Jinghpaw Common Language Bible 2009

⁵ hkun hkraw ai lamu ga hta jan gri ai zawn gasat ma ai. Rai ti mung, Madu e, nang gaw anhte a gumlau hpyen ni hpe jasim kau ya nit dai; nang gaw mazut ai masha ni a jahtau garu ai nsen hpe kahtet kang ai shani e sumwi ka-up katsi shangun ai zawn shangap kau nga ndai.

Jinghpaw Hanson Version Bible

⁵ Hkun hkraw ai shara hta jan kahtet ai hpe shakawp kau ya ai zawn, tsasam masha ni a wu ngoi ai hpe, nang jasim kau ya na ndai; htat ai sumwi hte jan shinggang kau ai zawn, gumshem ai ni a mahkawn mangoi ga sim mat na ra ai.

ESAIA 25:5 ပူးပေါင်းရင်းမြစ်များ

SHAKAWN KUNGDAWN 105:39

Karai Kasang gaw shi a amyu masha ni a ntsa e, sumwi ka-up da ya nna; shana e, shanhte hpe wan jahtoi ya nga ai.

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 14:19

rai ti mung nang mahtang lup shara n lu nga ndai, na a moi mang gaw kabai shayat kau hkrum nga ai. Dai gaw majan hta sat kau hkrum ai hpyenla ni a moi mang ni hte ka-up da nna shanhte hte rau lunghkrung nhkun de kabai bang nna kabye anut kau hkrum nga ai.

ESAIA 18:4

Dai Madu gaw ngai hpe, “Mangai aten lum ai shana ni hta atsin sha hkrat ai numri zawn, kahtet kang ai shani hta asim sha jan katen ai zawn sumsing lamu kaw nna ngai gum yu na nngai.

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

EZEKELA 38:9

Shi hte shi a hpyen luksuk ni hte shi hta lawm nga ai masha amyu baw law law ni gaw nbung laru hte sumwi ni zawn mungdan hpe gasat ka-up na mara ai,” ngu nna tsun wu ai.