ESAIA 25:2 - Jinghpaw Common Language Bible 2009

² Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

Jinghpaw Hanson Version Bible

² Mare hpe nlung sumpum, bunghku kum ai mare hpe marawng marang, tsasam ni a htingnu ni, mare n tai hkra, nang shabyin kau nu ai: dai hpe galoi mung dè da lu na n rai.

ESAIA 25:2 ပူးပေါင်းရင်းမြစ်များ

YOBA 12:14

Karai Kasang run hpya kau ai shaloi, kadai wa bai de da lu nga a ta? Karai Kasang sharen da ai wa hpe kadai shalawt dat lu a ta?

ESAIA 13:20

Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

ESAIA 13:21

Dai mung gaw zaibru jang dusat ni shanu ai shara, u hku ni shanhte a tsip galaw ai shara tai mat na ra ai. U gawla-uk ni dai yang e nga nna, ya ni gaw dai hten run ai shara hkan gumtawng hkawm na mara ai.

ESAIA 13:22

Langchyi ni hte hkawhkam htingnu ni hta nam gwi ni hte gwi ma-a ni a jahtau ai hpungtang kashaw nsen na na ra ai. Babelon a aten du nu hka! Shi a nhtoi ni ganoi lai wa magang nga sai,” ngu nna tsun ai.

ESAIA 14:23

Ngai gaw Babelon hpe hka ing ai shara shatai kau na nngai, u hku ni gaw dai yang hkan nga na mara ai. Ngai gaw Babelon hpe maza mala mahkra ye kau ai dun-ye hte ye kau na nngai. Chyahtum Chyalai N-gun rawng ai dai Madu Ngai nan tsun ni ai,” nga nna tsun wu ai.

ESAIA 17:1

Dai Madu gaw, “Damasku gaw mare langai hku grin nga lu na ra ai n rai; dai gaw marawng marang ai sumpum sha tai mat na ra ai.

ESAIA 17:3

Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 21:9

Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

ESAIA 23:11

Dai Madu gaw panglai ntsa e shi a lata ladawn ai hte mungdan ni hpe jahten kau nu ai. Shi gaw Hponisha masha ni a hpaga yumga ginjaw ni hpe jahten kau na hkang dat nu ai.

ESAIA 23:13

(Matse labye dusat ni hpe Turu de shingle shang shangun ai gaw Asuri masha ni n rai, Babelon masha ni she rai ma ai. Babelon masha ni gaw langchyi ni hpe sharawt tawn nhtawm Turu a ngang ai hpyen dap ni hpe sharun shabyak kau ya let mare hpe jahten sharun kau da ma ai.)

ESAIA 24:10

Dai mare na arai yawng mayawng mung marawng marang rai nga ai, amyu masha ni gaw shanhte a dum nta ni shim lum na matu chyinghka la da nga ai.

ESAIA 25:12

Shi gaw Moba a tsaw la ai hpyen dap bunghku ni hpe jahten kau na ra ai, dai ni hpe ga nhpu du hkra jahkrat kau na ra ai.

ESAIA 26:5

Shi gaw gumrawng gumtawng ai ni hpe shagrit kau nu ai; shanhte shanu nga ai ngang kang ai mare hpe shi jahten kau nu ai, de a bunghku ni hpe ga nhpu tai mat hkra agrawp mani kau nu ai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

ESAIA 32:19

(Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

ESAIA 34:13

Ju hpun hte tsing ni gaw hkawhkam htingnu ni hte bunghku kum da ai mare ni hkan tu wa na mara ai, nam gwi ni hte u hku ni dai shara hkan nga na mara ai.

ESAIA 37:26

“Ndai lam mahkra hpe moi chyaloi nhkoi kaw nna ngai shatawng shada nga nngai hpe nang galoi mung n na yu n ni? Ya mung dai amu ni hpe ngai matut galaw nga nngai. Ngai gaw nang hpe bunghku kum ai mare ni hpe nlung sumpum shatai kau na daru magam n-gun jaw ni ai.

YEREMIA 51:26

Na a mung na agrawp jahten kau sai nlung ni gaw bai gaw gap ai hta langai mi mung shaw lang lu na n rai. Nang gaw htani htana katsi katsang rai mat ai shara zawn tai na rin dai. Dai Madu ngai nan tsun ni ai.

YEREMIA 9:11

Dai Madu gaw, “Ngai gaw Yerusalem hpe marawng marang di sumpum tawn nna, gwi ma-a ni nga ai shara shatai na nngai; Yuda mare ni gaw katsi katsang shara tai mat nna kadai mung n shanu ai shara tai mat na ra ai,” ngu nna tsun ai.

TARA JAHPRANG 13:16

Dai mare e nga ai masha ni a sut rai yawng mayawng hpe magawn la nhtawm mare lam ka-ang hta sumpum da na rai myit dai. Dai hpang dai Madu nanhte a Karai Kasang hpe hkungga nawng ya ai zawn mare hte hpawn sut rai nlang hte hpe nat kau na rai myit dai. Dai mare gaw prat dingsa hten run mat nna galoi mung bai de lu na n rai.

SHINGRAN 18:19

Shanhte gaw tinang a baw ni hta ga nhpu hte bun nna, “Dai galu kaba ai mare gaw, dingnye lu a hka! Dingnye lu a hka! Panglai sanghpaw li madu ni hpe shi a sut gan hte lu su shangun ai mare gaw, hkying hkum mi laman lu malu sum hkrum mat sahka!,” nga nna hkrap ngu hkrap ngoi ai hte sharung shayawt let jahtau ma ai.