ESAIA 25:12 - Jinghpaw Common Language Bible 2009

¹² Shi gaw Moba a tsaw la ai hpyen dap bunghku ni hpe jahten kau na ra ai, dai ni hpe ga nhpu du hkra jahkrat kau na ra ai.

Jinghpaw Hanson Version Bible

¹² Na a tsaw ai hpyen dap bunghku ni hpe, shi ga du hkra run kau nna, ga nhpu hta shayu agrawp kau nu ai.

ESAIA 25:12 ပူးပေါင်းရင်းမြစ်များ

ESAIA 14:23

Ngai gaw Babelon hpe hka ing ai shara shatai kau na nngai, u hku ni gaw dai yang hkan nga na mara ai. Ngai gaw Babelon hpe maza mala mahkra ye kau ai dun-ye hte ye kau na nngai. Chyahtum Chyalai N-gun rawng ai dai Madu Ngai nan tsun ni ai,” nga nna tsun wu ai.

ESAIA 15:1

Ndai gaw Moba hte seng ai mungga rai nga ai. Ara hte Kira mare ni gaw lana mi hta sha jahten kau hkrum nga ai, Moba mung hta katsi katsang shara tai nga ai.

ESAIA 2:15

tsaw ai langchyi hte hpyen dap shagu na bunghku ni hpe madang shara kau na ra ai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

ESAIA 26:5

Shi gaw gumrawng gumtawng ai ni hpe shagrit kau nu ai; shanhte shanu nga ai ngang kang ai mare hpe shi jahten kau nu ai, de a bunghku ni hpe ga nhpu tai mat hkra agrawp mani kau nu ai.

YEREMIA 48:1

Ndai gaw Moba hpe lakap nna Chyahtum Chyalai N-gun rawng ai dai Madu tsun ai mungga rai nga ai: Nebo a masha ni matsan dum hpa rai sai- shanhte a mare hten za mat sai! Kiriahtim gaw sum mat sai, de a chyalai n-gun rawng ai hpyen dap gaw hpya hkrum nga sai, de a mare masha ni kaya kahpa hkrum nga masai;

YEREMIA 51:58

Chyalai n-gun rawng ai Babelon a bunghku ni ga de daw ru mat nna, de a tsaw ai chyinghka ni mung nat kau hkrum nga sai. Masha amyu baw ni a amu yawng gaw kaman lila rai nga ai; shanhte a shakut shaja ai gaw wan shinglet sha rai nga ai. Chyahtum Chyalai N-gun rawng ai dai Madu ngai nan tsun ni ai.”

YEREMIA 51:64

‘Dai Madu gaw Babelon mung a ntsa e jahten shaza ai amu shabyin na ra ai majaw, dai laika shabawn lup mat nna, galoi mung bai waw lung wa na ra ai n rai. Dai lam Babelon mung hta byin wa na ra ai,’” ngu nna tsun wu ai. Yeremia a mungga ni ndai yang e htum sai.

SHARUNG SHAYAWT 2:2

Dai Madu gaw Yuda mung hta nga ai mare shagu hpe matsan n dum ai sha jahten sharun kau nu ai, Mungdan hpe makawp maga ai hpyen dap ni hpe mung ashep ashin di kau nu ai. Shi gaw mungdan hte de a mungdu ni hpe jahpoi jahpyak lam shapraw nu ai.

EZEKELA 28:17

Nang tsawm htap nga ndai majaw gumrawng gumtawng nga ndai, na a gumhkawng ai gaw nang hpe mana bu kau shangun nga sai. Ndai amu a majaw, ngai gaw nang hpe ga de du hkra kabai kau ai hte kaga hkawhkam ni hpe sadi jaw ai zawn nang hpe kau da ni ai.

HEBRE 11:30

Kam sham ai hte Israela amyu masha ni gaw, sanit ya tup Yerihko mare hpe yan shinggrup ngut jang, dai mare bunghku ni hpe daw ru kau mat shangun lu ma ai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.