ESAIA 25:10 - Jinghpaw Common Language Bible 2009

¹⁰ Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

Jinghpaw Hanson Version Bible

¹⁰ Kaning rai nme law, Yehowa a lata gaw ndai bum ntsa e ban sa na ra ai: yi hku hpe nga hkyi hte kabye kayau kau ai zawn, Moba mung gaw kabye kau ai hkrum na ra ai.

ESAIA 25:10 ပူးပေါင်းရင်းမြစ်များ

SHAKAWN KUNGDAWN 83:10

Nang shanhte hpe Endora e dang kau ai hte shanhte a moi mang ni gaw ga ntsa e, yat taw mat mu ai.

ESAIA 10:31

Madmena hte Gebim masha ni gaw shanhte a asak a matu hprawng nga ma ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 11:14

Shanhte gaw sinna maga de nga ai Hpilisti masha ni hpe jawm gasat na mara ai, sinpraw maga de nga ai masha ni a sut gan hpe kashun la na mara ai. Shan gaw Edom hte Moba mung masha ni hpe gasat dang kau na mara ai, Amon masha ni gaw shan a ga hpe madat mara na mara ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 14:19

rai ti mung nang mahtang lup shara n lu nga ndai, na a moi mang gaw kabai shayat kau hkrum nga ai. Dai gaw majan hta sat kau hkrum ai hpyenla ni a moi mang ni hte ka-up da nna shanhte hte rau lunghkrung nhkun de kabai bang nna kabye anut kau hkrum nga ai.

ESAIA 16:14

Ya chyawm gaw, dai Madu gaw, “Moba a galu kaba ai sut gan gaw masum ning laman hta teng teng hkoi mat na ra ai. Dai mung na masha law law hta na nkau mi sha asak hkrung nga na mara ai, shanhte gaw n-gun kya mat na mara ai,” ngu nna tsun wu ai.

ESAIA 16:6

Yuda amyu masha ni gaw, “Moba masha ni kade wa gumrawng gumtawng nga ma ai hpe anhte na saga ai. Shanhte myit tsaw myit dap hte rai dum nga ma ai lam hpe anhte chye ga ai, rai ti mung shanhte a shakawng shakat ai amu gaw kaman lila rai nga ai,” ngu nna tsun nga ai.

ESAIA 18:4

Dai Madu gaw ngai hpe, “Mangai aten lum ai shana ni hta atsin sha hkrat ai numri zawn, kahtet kang ai shani hta asim sha jan katen ai zawn sumsing lamu kaw nna ngai gum yu na nngai.

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 26:6

Dip gamyet sha hkrum ai ni gaw de a ntsa hkan ya jang kabye hkawm lu nna dai hpe shanhte a lagaw lahpan hte kabye anut nga ma ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

YEREMIA 48:1

Ndai gaw Moba hpe lakap nna Chyahtum Chyalai N-gun rawng ai dai Madu tsun ai mungga rai nga ai: Nebo a masha ni matsan dum hpa rai sai- shanhte a mare hten za mat sai! Kiriahtim gaw sum mat sai, de a chyalai n-gun rawng ai hpyen dap gaw hpya hkrum nga sai, de a mare masha ni kaya kahpa hkrum nga masai;

YEREMIA 48:2

Moba a hkik hkam ai gaw n nga mat sai. Gumlau hpyen gaw Heshbon hpe wang tawn da nhtawm Moba masha ni hpe shamyit kau na maw mawn nga ma ai. Madmen mare gaw shingran katsi mat nna, hpyen luksuk ni dai mare hpe lung gasat na mara ai.

SHARUNG SHAYAWT 1:15

“Madu gaw nye a n-gun ja htum ai hpyenla ni yawng hpe mani nga ai; Shi gaw nye a shabrang ni hpe shamyit kau na matu hpyen luksuk shangun dat nga ai. Shi gaw nye a amyu masha ni hpe sabyi htumbyen kata na sabyi si ni hpe zawn kabye agrawp kau nu ai.

EZEKELA 25:8

Tsaw Htum ai dai Madu gaw, “Yuda gaw kaga masha amyu baw ni yawng hte bung nga ai nga nna Moba wa tsun nu ai majaw,

EZEKELA 48:35

Man maga mali grup ngu na mare bunghku hpe shadawn yang, yawng hkra pe 30,240 rai nga ai. Dai shani kaw nna dai mare a mying hpe, “Dai Madu Gaw Ndai Shara E Anga Nga Ai,” ngu nna shamying na mara ai.

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

ZEHPANI 2:9

Ngai gaw ahkrung nga ai dai Madu Israela a Karai Kasang teng teng rai nga nngai hte maren, Moba hte Amon mungdan yan gaw Sodom hte Gomora mare zawn jahten kau hkrum na mara ai gaw ngai dagam da se ai. Shanhte gaw jum nhkun hte htani htana katsi katsang shara tai mat nna nam hkrai shim rai na ra ai. Nye a amyu masha ni kaw na naw ngam nga ai ni gaw shanhte hpe kashun kashe hpya sha nna shanhte a lamu ga ni hpe la kau ya na mara ai,” ngu nna tsun wu ai.

BU HKAWM 24:17

Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.