ESAIA 24:9 - Jinghpaw Common Language Bible 2009

⁹ Sabyi ntsin lu nna kabu gara mahkawn mangoi ai gaw dai shara hta n nga nga ai, de a namchyim namta loi mi hpe kabu sharawng ai masha kadai n nga nga ai.

Jinghpaw Hanson Version Bible

⁹ Mahkawn mangoi let tsabyi lu na ma ai n rai; chyaru gaw lu ai ni a n-gup hta hka mat na ra ai.

ESAIA 24:9 ပူးပေါင်းရင်းမြစ်များ

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

ESAIA 5:20

Nang gaw dingnye hkrum nga ndai! Nang gaw n kaja ai hpe kaja ai, kaja ai hpe n kaja ai nga nna tsun ndai. Nang gaw nsin hpe nhtoi de, nhtoi hpe nsin de kayin kau nga ndai. Nang gaw hka ai hpe dwi ai, dwi ai hpe hka ai hku galaw nga ndai.

ESAIA 5:22

Nang gaw dingnye hkrum nga ndai! Sabyi palin a share ninghkrin ni! Tsi kayau lu nang ai shaloi share shagan ai hte hkrit myit hpa mung n rawng ai ni!

EZEKELA 26:13

Ngai gaw na a mahkawn mangoi nsen hpe jahtum kau nna na a tingse mahku ni hpe shazim kau na we ai.

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

AMO LAIKA (AMOS) 8:3

Dai shani e, hkawhkam htingnu kata hta mahkawn mangoi ai nsen gaw hkrap shabam ai hte galai mat nna, si mang ni shara shagu hkan e taw nga na mara ai. Shanhte gaw atsin sha kabai kau hkrum na mara ai,” nga nna tsun ai.

ZEHKARIA 9:15

Chyahtum Chyalai N-gun rawng ai dai Madu gaw shi a amyu masha ni hpe makawp maga na ra ai, shanhte gaw gumlau hpyen ni hpe jahten kau na mara ai. Shanhte gaw majan pa e chyaru nang ai wa zawn jahtau garu nna, shanhte a gumlau hpyen ni a asai jahkaw kau ya na mara ai; dai gaw tawn hkungri ntsa e nga ai jarung kaw na ru hkaw dat ai shagu hkungga asai zawn lwi hkrat wa na ra ai.